Ndawi 34:11 - Ala Wone Peenok Peebi Mbanak

¹¹ Kit an napuri yi wae. At Aliku ALA kinagabiti mbako logobagip nduk An mamunggiraagin me, an nowagam wogwe, Kit kinaruk liirogon aret konenggwi, Eeko logonip o.

Ndawi 34:11 ပူးပေါင်းရင်းမြစ်များ

Ayup 4:11

It nunggwi mendek warogo nunggwi lek me kanggwi, Ndi, inaagalogwe yumbunik-telenak ma'nogwe, Eeko menggaarak o.

Ndawi 111:10

Aap iniki warak mamunggolaawok nduk eekwi nogo ti, Aliku ALA inagabiti mbakwi ti aret. Ndi, aap abok aret at wone lengganogo yorage nogo, Mugurok nogwe iinok, Yi wone ndi wone abok ineenu eeppiige menggerak. Togop me, ninoone puk aga'lek mondok-mondok at tiyappogo logowok o.

Ndawi 112:3

At aaganapuri ineenggi warak me, Inamindik-inamendek ambik wonage, At obeelom mban eeppiinet nage nogo, Lek arigin lek mondok-mondok wonage, Eeke logogin o.

Ndawi 23:1

Ndomba ndegeninako mengga kwak, An ndegennaka Kaliku ALA aret o. An namendek lek ambi lek, wonage mban aret o.

Ndawi 32:8

Aliku ALA nen ari logonet, “An wone mamunggake, tu noorak titikkege, Wone karuk wake, nenegen wokkake, Eeke logogin o,” Yinuk, yegerak me,

Ndawi 66:16

Kit Ala kinagabiti mbako monggotak yi wae. Ala nen eeppanit wage kagarak nogo Mbininogo yokkirage neegak, Kinaruk liirogon konenggo logobagip nduk, woraanip o.

Kini Wuppiige 1:7

It aap iniki warak mamunggolaawok nduk eekwi ti, Aliku ALA inagabiti mbakwi ti aret kwe, Aap iniki lek wi nen perak, iniki warak ogwe, inaruk wakwi, eekwi ti, miyuk-meya eerogo pogo menggaarak o.

Kini Wuppiige 22:6

Aap ambi apuluk tu koonak paga nage logowak nduk aruk wake menggerak kenok, Wulaga ti, anggok a'nuk, tu ti mbo punuk, nomo agan alik paga nage logogin lek o.

Kini Wuppiige 4:1

Napuri wae. An kinogoba nen wone mamunggirage yi, kinaruk konenggwi, Kit wone kineenu arumunggup nduk, an yokkirage yi, liippugwi, Eeko logonip o.

Kini Wuppiige 7:24

Togop me, napuri yi wae. Noone ari yi, kinaruk konenggwi, An wone yokkirage yi, liippugwi, Eeko logonip o.

Kini Wuppiige 8:17

It aakumi iniki kunik ee'nakwi nogo an nen niniki kunik eeginake, It an kwaa'nabit nugwi nogo kwaa'neyaawak nduk, neebe nigiige, Eeke minggirak o.

Kini Wuppiige 8:32

Togop me, napuri yi wae. An eerit nage nogo mugurok nogwe iinok, inale'nggen mbako menggaarak me, An yokkirage yi, kinaruk konenggo logonip o.

Wone Alom Kibingga 11:9

Wulaga tawe yi wae. Kat awo tawe wonage logonet, kiniki ale'nggen mbake, Kat awo tawe paga kiniki ale'nggen nen eerit nage, Eeriyak eekkake nogo mugurok nage, Kenegen kenok eerit nage, Eeke logorak ti op aret kwe, Yi eekak ndi eekak eeremenggendak abok aret nogo paga Ala nen kowak loonigin mbake logot o.

Yetaya 28:9

It nen yogo logonet, “Yogop ee'nip, ndogop ee'nip. Yi togop eeriyak mage, ti togop eeriyak mage. Yi inom eeriyak, ndi inom eeriyak,” yo'nirage yi, Nit yi, taani me nduk, nit yo'nirage, “Ala nen yoge kagak yo'niranet nage yi, nit ta ninomba'nuk yo'nirage agaarik mbakop? Elege-aabologwe inelak awo mbo pugwi, inelak mbo pugu wonogwe, eekwi kwak, Ninomba'nuk yo'nirage yi kogo ogotik?” Yinuk, yogo agaarik o.

Yaya 13:33

Ai, napuri o! An ne ambiriluk ninom logominggirik, nagin me, kit kwaa'nabit namonggotak kwe, An nawam time kit noorak meek o, yinuk, it aap Yakuri mendek yoragagirak nogo ndak-ndak, kit togop aret yokkirage agarik o.

2 Timotiyut 3:15

Ala yereegerak wone liiru mbanak paga Keritut Yetut abet mbakwi niinok, ninagap ndariyak nineenu ee'ninaburak wone wulaga mbuuluk paga kat keenu agagindak nogo, abeke logonet, nggirik-nggerok porogo logot o.