Ndawi 33:11 - Ala Wone Peenok Peebi Mbanak

¹¹ Aliku ALA nen eeriyak koonggetak nogo perak, Mondok-mondok nu'lek wonage me, Eeppiyoorak iniki koonogo pegetak nogo Eeppiinet wage kagak nda'narit wundi wogo menggaarak.

Ndawi 33:11 ပူးပေါင်းရင်းမြစ်များ

2 Endagembogut 19:25

At eerit nage ti, awo eeka'lek kagak Maan togon Aliku ALA nen punogo piige, O aa'nduk togon at eeke logorak koonogo piige, Eereegerak kwe, At liippega'lek agaarik ya? Aliku ALA nen koonogo pereegerak ti, O yogondak aret a'me nggelok ari logonet, Kota-kota yugum pak wurik me Langgunogo pegerak kalo logonak wonage,

Ayup 23:13

Ala ti, iniki alik agak eekeelik aret me, Aap ta nen at eeriyak mbake nogo, non mbanogo pigin mbakop? At iniki mbake nogo mban aret eeke,

Ndawi 92:5

Kaliku ALA wae. Kat eerit nage menggendak nogo ti, nggwok lombok wonage, Ndi, kiniki koonogo pege menggendak nogo ti, Tabarak lombok wonage, Eeke menggendak me, iya o!

Kini Wuppiige 19:21

Aakumi nen yi eeriyak ndi eeriyak ambik iniki koonggo menggaarak kwe, Aliku ALA nen eeriyak mbake perak, aret age menggerak.

Wone Alom Kibingga 3:14

At Ala nen yi mendek ndi mendek eeke menggerak nogo ti, at ayuk wuko logowak nduk, mondok-mondok eeke menggerak me, aakumi nen ambinom nabenogo pugwi, ambi lek eerogo pugwi, eeriyak meek aret kage minggirak o.

Yetaya 14:24

At Omaawi Lombok Menggerak Aliku ALA nen kumbuk mbangge logonet, “An nen, Yogop eerigin o, yagatak mbeyok arilik a'me aret age, Ndi, eeriyak koonogo pigitak nogo arit nage, Eeke minggirak me, eerigin aret o.

Yetaya 46:10

Wone eeriyak nogo awo warengga'lek kagak, “Age yobok ndogop eeke kaamunggup o,” yinuk, yokkirage, Ee'nariyak nogo awo eeka'lek kagak aa'nduk togon abok yokkirage, Eeke minggirak o. An eeriyak koonogo pigitak ti, mbeyok arilik o. Ata, eeriyak niniki mbake ti, a'me lik togon aret eeke minggirak.

Yeremiya 29:11

Aliku ALA nen ari logonet, “It eeppiyoorak koonogo pereegirak nogo ti, an neenu aret o. An maluk eeppiyoorak koonulik o. Ata, iniki ugun tayenak wonogwe, Peebi obeelom eeppinaniyak o, yinuk, iniki abu lunik wonogwe, eeko logowak nduk, koonogo pereegirak o.

Leendawi 3:37

Ninogoba Ala nen eeriyak wone lengganogo wumbenetak lek en aap ta nen, “Togop aruwak o,” ari kenok, a'ne mbakop?

Ndaniyen 4:37

At mbogut paga time endagembogut menggerak nogo, eeke menggerak abok aret abe mban eeke, at eerit nage nogo a'me nggelok mban eerit nage, iniki wogoppakwi iinok tebenogo piige, eeke menggerak me, yogondak an Nebukanetat nen at ayuk wuke, alut eeke, endage tiyappege, eeke agarik o.

Mika 4:12

At Aliku ALA eeriyak mbake menggerak nogo ineenggo'lek wonogwe, Gandum wonok agabolo mbelanggo menggam pi wogo mengga kwak at nen kuwak eerogo piyoorak kooneegerak me, aret eeke yogwe nogo, it kobak wonogwe, Eeko agaarik o.

Nappiigak 15:18

At togop eeke menggerak o maan nen yereegerak nogo kinogoba Ala nen aret yereegerak me, yokkiragi o, yinuk, yoragagerak wone liiru mbaneegwaarak me, yokkiragi o.

Epetut 1:11

At eeriyak koonggetak ndak-ndak aret eeke menggerak nogo nen, “An napuri ndogop obeelom eeppiyaakit o,” yinuk, o maan togon nit nda'naga'lek niigak, koonogo pereegerak nogo ndak-ndak, Keritut eeremenggerak paga nit at apuri aret miirogo pinaneegerak wonogo ogoorik o.