Ndawi 33:10 - Ala Wone Peenok Peebi Mbanak

¹⁰ Yi aakumi ndi aakumi eeriyak koonogo pegaatak nogo At nen lek eerogo pege, It aakumi inanebunu lombok nen, “Ndogop eeruwok,” mbakwi nogo At nen non mbanogo piige, Eeke menggerak kwe,

Ndawi 33:10 ပူးပေါင်းရင်းမြစ်များ

Wakkagagerak 11:8

Ari nagagerik, at Aliku ALA nen o nggween paga yi o ndi o mak eerogo nappiige mbareegi, it aakumi o nggwok wurit laganggwi nogo lek aret agagerak.

2 Tamuwen 15:31

Laganggwi iigak, aap ambi nen Ndawut yoge logonet, “Abatalom oreewi inom nen kat tebenogo pagarak iniki ambit eeppunuk, koonggwi nogo, aap Akitoben inom aret koonggo agaarik o.” Yogo mbareegwa, at Ndawut nen konembunuk, Aliku ALA yoge, “Kaliku nogoba ALA wae. At Akitoben wone koonogo yorage nogo, Wi negen agan nege agaarik, mbaruwak nduk, eeppu o,” agan puut kirin paga ari laganeegerak.

2 Tamuwen 15:34

kiyokan o kota nage logomenggendik, an nake at Abatalom yoge logonet, Kat nowe kendagembogut wae. An aa'nduk kat kogoba ayeloman aret wonagagirak kwe, yogondak nen kat kayeloman aret logokit o, yinuk, yoge kenok, ayeloman eeppagamenggerak wonage me, aap Akitoben nen wone inikime manabi nage kenok, kat nen yale-pale eerogo pege logomunggun o.

2 Tamuwen 17:14

Wone ti yoreegerak nogo at Abatalom inom, it aap Iterali inoweewi abok aret inom, inaruk konenggo nogogwaarik, “At Akitoben wone yegerak nogo ti, op negen kwe, at aap Ariki mendek Kutayi nen wone yegerak ti perak, abu obeelom aret yegerak kogo o,” yinuk, yereegwaarak. Wone ti yoreegerak nogo, at Aliku ALA nen aaninggin Abatalom oba puurak mbake logonet, Akitoben yereegerak meek mbaruwak nduk, eeppereegerak me, yoreegerak.

2 Tamuwen 17:23

Ndi, at Akitoben nen wone koonogo yoragagerak nogo eeka'lek iige nagagerik, keledai amborowak paga kwi'nagak nogo ndoonogo punuk, ti paga kwi'na'nuk, at awi alom paga kota nogome aret nage nagagerik, aaganapuri koonogo piinok, alik nen enggaanok keele yilunggolagagerak kangge mbareegi, at ogoba nggween taanak me nogome aret taambereegwaarak.

2 Endagembogut 6:9

Yorage mbareegi, at aap Ala wone liirogon eeka nogo nen aap Iterali inowe endagembogut nogo, wone agago nagake logonet, “It aap Aram mendek tu paga time wambi woraagun me, kit tu time nggwe noorak mage o,” yinuk, eerogo nappereegerak.

Nekemiya 4:9

nit nen ninogoba Ala yogwi, ndi, it wogwe iyo, ko'lu-kii'me tum logowak nduk, aap mippiigwi, eereegurak.

Ndawi 140:8

Kaliku ALA wae. It aap maluk mendek nen an eeppaniyak mbakwi nogo, “E,” mbake, It eeppaniyak koonggwi nogo a'me age kenok, wogoppatukwak, “Op aret eeppuwak,” mbake, Eeriyak ti mage o.

Ndawi 21:11

Inamborowak kin-kin mbaganuwak nduk, kat nen komaale mba'mbak irage keenok, Aaninggin koba pagawak nduk wone mbanogo pugwi, Kat maluk eeppagi woroorak koonogo pugwi, Eeremenggaarak kwe, Mbeyok yigin o.

Ndawi 9:15

It yi aakumi ndi aakumi nen Wam labu pugu kwak nggween kabunogo pereegwam it aret yobok togon wanggwi, Ndi, keele pereegwam it aret iniyok nggerenggologwe, Eekaarak o.

Kini Wuppiige 21:30

“Aliku ALA tebenogo puwok o,” yinuk, aap iniki warak nogo nen at yogwi, Aap yelok kaga nen, Wone ndogop yogwi niinok, “E o,” yuurak yelok kagarak me yogwi, Aap wone koongga nen iniki liirogon koombunuk yogwi, Eeremenggaarak kwe, meek aret kaagun o.

Yetaya 19:3

It aakumi Metit mendek iniki ma'naremenggerak me, Eeriyak koonogo pemenggaarak nogo an nen eeriyak meek aret eerogo piyaagin o. Ti eerogo piige neenok, It inagugi nen yeenggwaaraawak nduk nggino yogwi, Aap kugi unde nen yoraawak nduk yorogwe, Tili pagangga nen yoraawak nduk, yorogwe, Aap inogoma wiiraga nogo yorogwe, Eeremenggaarak kwe,

Yetaya 44:23

At Aliku ALA nen eerogo piigerak ti paga Kat mbogut yi wae. Kiniki ale'nggen nen ndawi wake, Kat nggween kiiniki yi wae. Kale'nggen nen keekok ari, Eeko logonip o. Aliku ALA nen it Yakup mendek wondet eerogo piige nagaarik, it Iterali mendek inigen kaawak nduk, Inenggela'me eeke nogo ti, Aliku ALA nen aret eeke me, Kit puut-puut inom, yi eyoongga ndi eyoongga inom, yi eyo ndi eyo inom, kit abok aret yi wae. Kiniki ale'nggen nggelok ari logonet, keekok piyanggogo logonip o.

Yetaya 44:25

Peebi ndogop arigin o, yinuk, Ala nen yo'nirage kagak yokkirogo o, yinuk, Yorogo logonet, ineenu agak mendek eeppiigwi nogo abut laganogo piige, Inobagari negen yorogo menggaarak nogo inagi'ndok kambuwak nduk eerogo piige, It aap iniki warak nen yorogwe nogo abut laganogo, Aap wi nen yogwe, mbaruwak nduk eeppiige,

Yeremiya 19:7

O yime nen it Yekura mendek inom, Yerutalem mendek inom, iniki, Yogop eeruwok, koonogo pemenggaarak nogo lek eerogo piige, it inawim mendek nen wooluwak paga inooruwak nduk, inili yaga'lek mbo piige, it inooruwok mbarit nugwi nogo ineenggime piige, eeke neenok, inooremenggaarak ineebe yi towe ndi towe wiga agan nugwi inom, ndiimbu-nggwiya nggween paga nugwi nogo inom, inambi-inambiingga kwak nawak nduk, eerogo piyaagin o.

Yetikiyen 20:32

It nen yogo logonet, Nit yi aakumi ndi aakumi alik mendek kwak, yi o ndi o aakumi inanebunu lombok nen eyo inom, yugum inom, alut eeka kwak, ariyak uugwe mbako ogoorik o, yogwe iigirak ti, ndak-ndak arigin abu lek o.

Maleyaki 1:4

Togop me, it aakumi Erom mendek nen, “Nit ninawi lek eerogo pereegerak nogo, obaane'me wurugun aret o,” yinuk, yemenggaarak kwe, at Omaawi Lombok Menggerak Aliku ALA nen ari logonet, “It nen inawi obaane'me wuremenggaarak kwe, an nen minogo pigin o. Aakumi nen, O Erom yi, endage ti, Maluk Eeko Menggam me, Aliku ALA anini mondok-mondok inoba piige kagak menggam yi aret o, yinuk, yogo logogun o.