Ndawi 33:1 - Ala Wone Peenok Peebi Mbanak

¹ Kit aap kiniki abe monggotak yi wae. It aap iniki koonak nen At alut eeko logorak op me, Aliku ALA eekkinake paga Kinale'nggen nen ndawi wako logonip o.

Ndawi 33:1 ပူးပေါင်းရင်းမြစ်များ

Ndawi 118:15

Aap iniki abe koonak inawooliya wurik me logonet, Inale'nggen nen keekok yogwe, “Aliku ALA nen eenggi abe'nggan paga iya tit eekerak me, nineegin tiyak yigi o,” Yinuk, kuum-keek yogwe, Eekwi konenggo ogoorik o.

Ndawi 135:3

At mendek logowak nduk, Aliku ALA nen Yakup miirogo pege, Iniki kundugu lombok logowak nduk Iterali leenogo pege, Eereegerak paga Aliku ALA abu obeelom mban wonage me, tiyappugwi, It aakumi at endage kunggo logonet, Inale'nggen kogo menggaarak me, at endage tiyappugwi, Eeko logonip o.

Ndawi 147:1

At Aliku ALA tiyappogo logowok o. Ndawi wako logonet, ninogoba Ala tiyappogo logorak ti, Abu obeelom aret o. At tiyappugwi paga ale'nggen ee'ninake me, At tiyappogo logorak ti op lombok aret o.

Ndawi 32:11

Togop me, aap kiniki abe mendek yi wae. Aliku ALA nen eekkinake paga Ale'nggen mbako logonet, keekok yogwe, Kit abok kiniki abu koonak monggotak yi wae. Kiniki ale'nggen nen ndawi lubuk yogwe, Eeko logonip o.

Ndawi 97:12

Togop aret me, kit kiniki abe koonak yi wae. At Aliku ALA nen eeppinagit wage paga kinale'nggen mbakwi, At endage abu abe alik leenak kenok, “Wa!” yinuk, tiyappugwi, Eeko logonip o.

Kini Wuppiige 15:8

Aap maluk mendek nen ake warogo Aliku ALA wogogwi nogo, at eebi lombok mbake menggerak kwe, Aap iniki koonak nen tamban eekwi iinok perak, koneniyak inikilom mbake menggerak.

Oroma 3:10

“Aap ambit ambi iniki abe koonak wonage, Ambiriluk ambi iniki abe wonage, abu lek aret o.

Oroma 5:19

Aap ambi nen Ala yoreegerak ndak-ndak eerulik maluk eereegerak paga nit aakumi abok maluk eeko nogogurak nogo kwak, yogondak togon, togop aret aap alik ambi nen Ala oone liirogon eereegerak paga nit aakumi abok aret obeelom agago pinanikit nduk eereegerak kogo o.

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.