Ndawi 32:10 - Ala Wone Peenok Peebi Mbanak

¹⁰ It aap maluk eeko menggaarak nogo ti, Andi-pandi inoba ari wagak mban eeke menggerak kwe, Aliku ALA oba panggombunuk wonogwe iinok perak, At nen iniki kunik aganabit nage menggerak o.

Ndawi 32:10 ပူးပေါင်းရင်းမြစ်များ

Ndawi 11:6

It aap maluk eeka ti, Mayu negen kani anggen inom, Kani kunik kwindagala aago inom, inoba kwippiige, Ndi, ineebe kani yoguk togon eerinaburak o wiya nappi wage, Eerigin o.

Ndawi 140:11

Aakumi meek eerogo piiga ti, o nggween yi paga Obeelom logowak nduk, eeppiyoorak mage o. Ata, aaninggin mendek ti nen, “It aap inanini mbaka ti, Inoba kwi'narikit o,” yinuk, muguren nege logowak o.

Ndawi 146:5

“Yakup ogoba Ala nen yeenggwa niraawak o,” yogwi, Inogoba Aliku ALA iniki lunik wonogwe, Eeko menggaarak nogo Inale'nggen aret wonogo menggaarak.

Ndawi 147:11

It aap at inagabiti ombakwi kenok perak, Aliku ALA nen inikilom mbake, Iniki kunik eeginabit wundi wage nogo Yi aap ndi aap iniki ti paga lunik wonogwe iinok, Ale'nggen inombake, Eeke menggerak o.

Ndawi 16:4

Kat keegak kugi mugurok nogwe paga iniki andi eerogo pako menggaarak me, Inagugi aanggo warogo amiya mburunogo nunggwi me, An ninom nengge, Nambe paga nen inagugi inendage kungge, Eekeelik o.

Ndawi 2:12

At Aput anini mbet-mbet mi'nage menggerak me, Kit eerit nogwe kiigak, Anini nen lek eerogo pinagukwak, At iyok paga pirik-perek yi wogo logonip o. Yi aap ndi aap at abu'me wonogwe nogo, Inale'nggen aret mbako menggaarak o.

Ndawi 34:8

Aliku ALA mondok obeelom aret menggerak kineenu arubagip nduk, ombat wakkaanip o. Ineebe op logowok nduk, abu'me ari unggwogwe nogo Inale'nggen aret mbako logogun o.

Ndawi 40:4

Aap ambi it aap, “Nit iya,” mbakwi nogo paga iniki panggombege, Aakumi inoone pilit agan nugwi nogo paga iniki panggombege, Eekeelik Aliku ALA oba panggombege kenok, At ale'nggen aret mbake logogin o.

Ndawi 84:12

Togop aret me, Komaawi Lombok Menggendak Kaliku ALA wae. It aap iniki koba panggombunuk menggaarak nogo inale'nggen aret wonogo logogun o.

Kini Wuppiige 13:21

Aaninggin-paaninggin nogo nen it aap maluk eeka muguren-magaren nege menggerak kwe, Iniki ale'nggen obeelom logorak nogo nen aap iniki abe koonak inoba arikit nduk muguren nege menggerak.

Kini Wuppiige 16:20

Aap ambi nen wone at mamunege nogo liippege kenok, obeelom aret eekkolage, Ndi, aap ambi iniki Aliku ALA oba panggombege kenok, ale'nggen aret mbake, Eeke menggerak.

Wone Alom Kibingga 8:12

Aap maluk mendek ambi nen maluk 100 kuli eerit nage kagak, nda'nagagerak nggorek ari namenggerak kwe, it Ala inagabiti ombako logonet ayuk wuko menggaarak nogo Ala nen obeelom eeppiyaagin lek ti lek, obeelom lombok eeppiyaagin neenu kwe,

Yetaya 3:11

Aap maluk mendek ti, maluk inoba arigin me, inabuwa o! It nen aakumi maluk eeppiigo nogogwaarak nogo ndak-ndak eeppiyaagin me, inabuwa o!

Yetaya 57:21

“It aap maluk mendek nogo iniki ugun tayenak logogun lek o,” yinuk, Nogoba Ala nen aret yegerak o.

1 Timotiyut 6:10

Yiluk-maluk alom lombok ti, wu mban uugwe mbarit nugwi ti aret o. It aakumi ando nen uugwe nduk, kwaarit nugu logonet, wone abet mbareegwaarak nogo mbo punuk, tu alik nomoninuk nogwe me, aap togowa paga ndanunggologo nagaatik, andi kogo mengga kwak, it aap ti, togop aret wakkologo menggaarak.