Ndawi 31:8 - Ala Wone Peenok Peebi Mbanak

⁸ Kat nen neebe waganogo Ninom wim mbanak ineenggime panulik O tini nggwok obeelom me niyok yarogo panegendak o.

Ndawi 31:8 ပူးပေါင်းရင်းမြစ်များ

Ayup 16:11

Ala nen neebe waganogo aap maluk mendek wogorage, Aap maluk eeppiiga ineenggime tek eerogo panege,

Ayup 36:16

Nggeewo pagi eyak nggerembunuk menggi kwak, Aaninggin nen koba nggero eerogo pagit unggwage me, Wondet aago logonok nduk, Ala nen, Mok o, mok o, yokkege, Mbi abe ndiinik-piinik aago wonage me kwippagage, Eeke kwe,

Ndawi 10:14

Togop yogo menggaarak kwe, Ale-pale eerogo piigwi, Iniki andi eerogo piigwi, Eekwi nogo kat Ala kenegen iige, Onggo eeppiyoorak nduk, koonogo pege, Eeke menggendak o. Elege moono yeenggwaarage menggendak keenok, Aakumi inagap ndakkoloorak meek mendek nogo Kabu'me ari wogo menggaarak o.

Ndawi 18:19

O nggwok obeelom me, pani nage, Eekerak nogo ti, An at iniki kunik aret me, nagap ndakerak o.

Ndawi 4:1

Kat abe koonak mban menggendak nogoba Ala wae. Niniki puru ari logonet, Noone nggwok paga yokkege neenok, onggo yo'nege, Aaninggin noba wonage kenok, teeluk eerogo panege, An tamban eeke nogo nabuwa nen karuk konengge, Eeru o.

Ndawi 88:8

Aap an ninom kunik nogo ogoo'naruwak nduk eeppiige, An nogole nombako logowak nduk, eeppiige, Eerogo panggendak wonage agarik o. An keele maarak negen wonage me, Wundi noorak meek aret logonet,

Wundeegwaarak 2:25

Abeke nagagerik, it aakumi Iterali inoba aaninggin-paaninggin eerogo piigwi nogo at Ala nen enegen iige nagagerik, “Yeenggwaaraakit,” mbareegerak.

Yetaya 19:4

It aakumi Metit mendek ti, aap nggwok ogogun ambik nen oone omaawi paga yorage logowak nduk eenggime piyaminggirak me, Aap endagembogut anini ambik nen wone lengganogo yorage logogin o,” yinuk, At Omaawi Lombok Menggerak nogoba Aliku ALA nen yegerak o.

Pelaareegerak 26:7

ninoone nggwok paga at Aliku ninogobamini inogoba Ala yogo mbareegu, Aliku ALA nogo aruk konengge, meek lagik-loguk eerogo pinanugwi nogo enegen niige, aaninggin inoba pinanugwi nogo niige, tebembinanogo wonogwe nogo liippinanege, eeke nagagerik,

Pelaareegerak 32:30

Nonggop togon aap eebe ambit nen aakumi ambik ineebe seribu paga muguren nage, Ndi, aap ineebe mbere nen kwe, aakumi ambik ineebe sepuluh ribu paga muguren nogwe, Eeriyak, mbakop? Togop eeriyak meek aret kwe, Ninogoba Yugum Nu'lek Menggi Kwak Menggerak nogo nen ninonggo nggerengge, Aliku ALA nen ambo'me mbo pinangge, Eereegerak me, Togop aret eeppinanit nogo logogun o.

1 Tamuwen 17:46

Ne yi eyom paga at Aliku ALA nen keebe waganogo an neenggime wo'nege yi aret me, koorogo paganuk, kanobak mbanogo wagangge logonet, kawuri ineegin warak Pilitin mendek abok aret kinom towe wiga agan nugu menggaarak inom, nggwiya eyonggaame menggaarak inom, kineebe kinoorak nawak nduk, wogoraagin o. Ti eeriminggirak paga aakumi o nggween paga yime menggaarak abok nen, Aakumi Iterali inogoba Ala wonage aret kogo o, yinuk, ineenu arugun.

1 Tamuwen 24:18

Aap inawim inom lambunggwi kenok ti, abu teppiigulik mondok aret inooko menggaarak kwe, at Aliku ALA nen neebe waganogo kat keenggime pagagerak kwe, an noorulik, Obeelom aret eeppagagirak, yogondak yo'negendak nogo ti, abet aret o. Abet aret me, kat yogondak eeppanegendak onggo at Aliku ALA nen aret wokkege logogin o.

1 Tamuwen 26:8

iigo nogogwaarik, at Abitayi nen Ndawut yoge, “Ala nen kat kawim o yogondak oonikiya yi paga keenggime pagagerak me, an nawooluwak yi paga eebe ne mbere lek ne ambit mban nggween inom mondok polok togon warikit nduk yo'niru o.”