Ndawi 31:23 - Ala Wone Peenok Peebi Mbanak

²³ Togop me, Ala apuri ake leenak monggotak yi wae. At Aliku ALA kiniki kunik eeko logonip o. It aap at oone li'luk eeka nogo At Aliku ALA enegen wogonake menggerak kwe, It iniki wogoppatit nugwi iinok perak, Eekaatak abu ndak-ndak onggo eeppiige menggerak o.

Ndawi 31:23 ပူးပေါင်းရင်းမြစ်များ

Ndawi 145:10

Kaliku ALA wae. Yi mendek ndi mendek ogobakkigirogo piyareegindak nogo Abok aret kat mban, “Wa,” yokkugwi, Kapuri leenogo piyareegindak nogo nen kalut eekwi, Eeko logogun o.

Ndawi 145:20

It aakumi abok nen Aliku ALA iniki kunik eekwi iinok enegen wogonake, Eeke menggerak kwe, Aap maluk mendek perak, abok aret lek eerogo piyaagin o.

Ndawi 30:4

Kit Ala apuri ake leenak monggotak yi wae. Aliku ALA anep pogo logonet ndawi wakwi, At endage abu abe alik leenak me, tiyappugwi, Eeko logonip o.

Ndawi 34:9

It aakumi Ala inagabiti mbako menggaarak nogo Inamendek ambi lek ti lek, abok aret wonage me, Kit at apuri ake leenak monggotak yi, At Aliku ALA kinagabiti mbako logonip o.

Ndawi 54:5

Togop aret me, it maluk eeppaniyak koonggwi nogo Melak togon inoba kwippiige, Kat abe li'lak mban eeke menggendak me, It ineebe lek eerogo piige, Eeru o.

Ndawi 89:7

It kapuri alik leenak kuwak aago nen kat kayuk ambik wukwi, Kenaagan-ambokan wonogwe nogo nen iya kombakwi kwe, Kat keenok, “Mondok iya,” yinuk, Inagabiti lombok kombakwi, Eeko menggaarak o.

Ndawi 94:2

It nggween paga menggaarak inowak loongga yi wae. Pilak yu o. Pilak ari logomenggendik, It aap iniki wogoppako menggaarak nogo Eekwi onggo ndak-ndak eeppiyet o.

Ndawi 97:10

Yoragaatak konembunuk liirogon eerit nugwi nogo Aliku ALA nen inarum wonage, Aap maluk mendek ineenggime nen inagap ndake, Eeke menggerak me, Kit at Aliku ALA kiniki kunik eeko monggotak yi wae. Maluk kineebi mbako logonip o.

Yetaya 38:10

An nen ari logonet, “Nda'nagagirak awo obate paga kagak aakumi kambunuk nogo menggam tu ambe pan ari logonet wiinege, Neenik ambinom logokit mbake neegak, an mondok wo'neren pani nage, Eeke kenok,

Yetaya 56:6

It aap inambik nen Naliku ALA nake eerit nogwe, Naliku ALA nendage iniki kundugu eekkologwe, An nayeloman mini ogwe, Nogo 6 yippunuk, ko'lu yonggonggologo logorak wone taganogo pega'lek liirogon eekwi, Wone ninom abuk nggaruk togon koonogo pereegirak nogo nggirik-nggerok porogo wonogwe, Eekwi nogo, Mondok aret eeko logogun o, yinuk, yogwe iinok,

Yetikiyen 37:11

Mi'nogwe iige mbareegi, at nen an yo'nege logonet, “Aakumi nen ndarak yi wae. Aakumi inowak nggininik yi ti, it Iterali mendek abok aret. It Iterali mendek nen yogo logonet, Ninowak abu aret neno-pono nage, niniki lunik wonogwe nogo lek aret age, ninenggaawak kunduk lek age, eekerak o, yinuk, yogo agaarik o.

Marakut 12:23

It aap ineebe 7 nogo kwe ambit nogo mban waganggwi-kanggwi mban eeko nogogwaarak me, peebi aakumi kanggwi ineenik agago mippiyoorak eyom paga kwe ti, aap ta akwe arigin, mbaken?” yinuk, kin wokkogogwaarak.

Pelaareegerak 10:12

Yorage nagagerik, ambi yorage logonet, “Togop aret me, kit nowe-nawot Iterali mendek yi wae. At Aliku kinogoba Ala nen kit eeko logorak kinombake nogo ti, at Aliku kinogoba Ala kinagabiti ombako logonet, Eeriyak, kinombake nogo mugurok nogwe, at kiniki kunik eekwi, kiniki inom, kineebe inom, abok aret at Aliku kinogoba Ala mban wogo'nuk, ake eekwi,

Pelaareegerak 32:41

Nawooluwak ngget nggabuniminggirak abinak o yabok pogom eeke nogo, Aakumi maluk onggo wogoraakit nduk, wagangge logominggirik, It an ninom ogoorak menggaarak nogo inooke, Inanini nombako menggaarak nogo onggo eeppiige, Eeke logogin o.

Pelaareegerak 33:3

Kaliku ALA nen kapuri abet aret inabuwa mbake me, Kapuri kake leenak abok aret keenggime wonogwe nogo Kabu'me tebe yinuk, koone waganggwi,

1 Tetalonika 4:1

Ndi, noreewi o. Wone irip paga iluk ambi yokkiroorak mbakoorak me yokkiraawi o. Ala inikilom kinombaruwak nduk, “Nonggop eerit nogo logorak?” mamunggirogogurak nogo, muk eerit nogwe aret kwe, ambinom mondok nggwok togon eerit nogo logobagip nduk, ninowe Yetut nen yo'nirage kenok lengganogo yokkirogo o.

Yurat 1:1

Kit ninogoba Ala nen yonggo pinagareegerak kinom kunik Yetut Keritut kinarum wonage nogo, an Yakobut ore Yetut Keritut ayeloman Yurat nogo nen aret keyage wappinagi o.

Wayu 18:6

O Mbaben nen kit aakumi eeppinagage nagagerak nogo, yogondak kit nen at onggo ndak-ndak eeppugwi, Ndi, o Mbaben nen kit maluk eerit nogo nogogutak onggo ne ambit paga maluk kinoba pinagareegerak kwe, Yogondak kit nen at maluk eeke onggo ne mbere paga at oba pugwi, Ndi, at kinom ogoorak wonage logonet, anini yi toolak kwak ne ambit kinoba kilirogo pinagareegerak kwe, Yogondak onggo kit kinanini at oba pogo logonet, ne mbere paga kilirogo pugwi, Eeko logonip o.

1 Tamuwen 2:9

It aakumi abet mbako menggaarak nogo, Nggween ti paga iniyok pit nogwe iigak, inarum wonage, It inogogun ambik maluk eekwi iinok perak, o apit me time inoone lek eerogo piige, Eeke logomunggun o. Aap ambit-ambi, An nomaawi paga ndogop eerikit o, Koonggetak nogo aret ageelik me,