Ndawi 31:20 - Ala Wone Peenok Peebi Mbanak

²⁰ Aap maluk eeko menggaarak nen eeppiyoorak kote koonit nugwi nogo eeppiyookwak, It ineebe op logowak nduk, kenggaawak paga piige, Aakumi inoone agan nugwi paga inom yawi pukwak, Kat wonage menggenom kumaappiige, Eeke menggendak o.

Ndawi 31:20 ပူးပေါင်းရင်းမြစ်များ

Ayup 5:21

Aakumi nen inoone andiigwi yokkugwi iyo, at karum wonage, Eerigin me, Kat keebe lek eerogo pagarak nduk, koba ari wage kenok, Kagabiti mbaka'lek ugun aret logomunggun o.

Ndawi 10:2

It maluk eeka nen iniki wogoppako logonet, “Aap ineenggi lek ti, ndogop eeppiyaawok o,” Yinuk, kote koonogo punuk, Kwaarinabit namenggaarak kwe, It aret yilunggologwe,

Ndawi 103:11

It aakumi at inagabiti mbako menggaarak iniki kunik iya negen aganake nogo ti, Nggween paga nen mbogut agi tiyarogon nina nikkoorak meek nogo kwak aret menggerak o.

Ndawi 103:8

At Aliku ALA nen aakumi inabuwa mbake, Inabuwa nen iniki yanggonak paga eeppiige, Anini mbet-mbet wunggeelik yanggoppunuk wonage, Aakumi iniki kunik nggwok togon aganake, Eeke menggerak o.

Ndawi 119:124

Kat inabuwa nen eeppiige menggendak ndak-ndak An kayeloman eeppanege, Koone lengganak nogo an mamunnake,

Ndawi 124:5

Niyo omaawi nen yi mendek ndi mendek kabe'nuk nage menggi kwak, Togop aret wo'niren nogwe, Eeko logonetak o.

Ndawi 140:3

Waalo aakumi inooka kwak logonet, Inamili irip paga wone agan nugwi, Waalo muuru eyak inooketak kanggo mengga kwak, wone agan nugwi, Eeko menggaarak.

Ndawi 140:5

It aap iniki wogoppaka nen Nenggaanok nggerok yuwak nduk keele kote pugwi, Towe pigaawak nduk Yum mbiganogo pogo mengga kwak, eerogo pugwi, An tu nege minggim abok aret Ta'na pogo mengga kwak pit nogwe, Eeko menggaarak o.

Ndawi 2:12

At Aput anini mbet-mbet mi'nage menggerak me, Kit eerit nogwe kiigak, Anini nen lek eerogo pinagukwak, At iyok paga pirik-perek yi wogo logonip o. Yi aap ndi aap at abu'me wonogwe nogo, Inale'nggen aret mbako menggaarak o.

Ndawi 27:5

Aaninggin ambi noba ari wage kenok kawooliya wurik me paninuk wonage, Kat kawi wurik me kumaappaninuk wonage, Neebe yugum lunik paga pani lagangge, Eerumunggun o.

Ndawi 32:7

An kumaa'nage minggim kat keebe aret o. Aaninggin noba age kero, kat unde wo'nake, “Ala nen kagap ndakerak o,” yinuk, Neebe yendok-wandok ndawi warit nogo logowak nduk, Eerogo piige, Eeke logomunggun o.

Ndawi 36:11

It aap iniki wogoppatit nugu menggaarak nen Iniyok aan lebenogo panugwi, It aap maluk eeka nen Ineenggi omaawi paga an mugogo wumbanugwi, Eeriyak mage o.

Ndawi 36:6

Kat abu obeelom mban menggendak ti, Puut-puut abu tiyanak kwak wonage, Eekaatak a'me nggelok eeppiige menggendak ti, Yi nggwok yenggenak laut alobok ambik kwak wonage, Eeke menggerak. Aakumi inom, wam inanebunu abok aret inom, Kaliku ALA nen ndegeninake menggendak o.

Ndawi 36:8

Kat kame yi mendek ndi mendek abe mban wonage me, It ndonggorogon nawak nduk wogorage, Kaniyo mili eneeri wungge menggenom kinikilom mbake nogo it nawak nduk toologo wogorage, Eeke menggendak o.

Ndawi 40:4

Aap ambi it aap, “Nit iya,” mbakwi nogo paga iniki panggombege, Aakumi inoone pilit agan nugwi nogo paga iniki panggombege, Eekeelik Aliku ALA oba panggombege kenok, At ale'nggen aret mbake logogin o.

Ndawi 57:11

Togop me, Ala wae. Kendage ti, mbogut irimbaga mondok tiyak ari, Ndi, kendage tiyanak nogo o nggween paga abok aret ndak wa'narit nage, Eeruwak o.

Ndawi 86:14

Ala wae. Aakumi iniki wogoppakwi nogo nen Pilak yinuk an nookwi, Aakumi a'nggan wogonaka nogo nen Kayuk wuka'lek an kok pi'naburak eekwi, Eekwi me,

Wundeegwaarak 18:11

It aakumi Metit mendek iniki wogoppako logonet, aakumi Iterali eeppiigo mbareegwa, at Aliku ALA nen eeppiyareegerak ti paga, yi kugi ndi kugi inomaawi lek tebenak iigak, Aliku ALA alik mban omaawi ambik menggerak neenu agi o.”

Oroma 13:13

Amburu nonggo nagaatik, kumili-kumili negen agan nugwi, ndem wappunuk, kwaanggen wako logonet, kumi ugun wuginakwi, iniki nen nengge kenok ugun eerit nugwi, ndugwi pit nugwi, “An ambi eerikit lak, at mban eeke yi, neebi a,” yinuk, agan nugwi, eerit nugu logorak mage o. Ata, o liingge paga logonet, eeko mengga kwak, nit togop aret eeko logowok o.

2 Korindut 12:20

An nen, “Kit eeko logorak,” mbake nogo kagak alik eekwi me kiya wage, ndi, kit nen, “At ndogop eeri woraawak,” nombakwi kiigak, an nen alik eeri wage, eerukwak, an nagabiti mbake agarik o, noreewi. An kiya wage logominggirik, noone-koone agan nugwi, nuwa-kuwa yogwe, nanini-kanini yogwe, an iya kat iya yogwe, nabok-kabok yogwe, wone kinambe irip paga wonok nugwi, wogoppatit nugwi, ogoorak ka'let eekkologwe, eekwi me kiya wage neyo, nagabiti ee'nake o.

Nggalatiya 5:20

kugiwak amili kunggwi, magagirak paga aakumi inookwi, iniki ogoorik-ogoorak wonogwe, wone wakwi, nuwa-kuwa yogwe, inanini mbet-mbet wungge, an eeke mban op mbakwi, an iya kat iya yogwe, iniki nen koombunuk pilit pugunogo agan nugwi,

1 Timotiyut 6:4

at nen, “An neenu o,” nduk, wogoppatit nage kwe, kobak kagak we ugun agan nege o. At aap ti nen wone, “Yi ndogop me, ti ndogop me,” ari logonet, wone wake, ndi, wone mbuuluk yugu kagak ndugwi pege, eerit nage logorak ti, inikilom lombok mbarit nage menggerak. At togop eerit nage kenok, it aap ando Ala ari menggerak wone nogo mondok kobak logonet, maluk mban koonggwi nogo nen, “At ari kenok mban koneniyak, yo'nirogwe me,” yinuk, neebi-keebi yogwe, “An iya, kat iya,” yogo logonet ndugwi pugwi, at meek ombako logonet abok mbanit nogwe, ndi, inom wone mondok wakak mban eekwi, eeko menggaarak. It aap ti, “Ala wone liippunuk eerit nogwe niinok, nineenggi warak eekkolaawok,” mbako menggaarak kwe

Yakobut 4:6

Aberiniki iniki togop aret wakkolage kagak kwe, maluk mbo puwak nduk, Ala iniki kunik nen eeppinanegak mban eeke menggerak. Ti kenok, Ala nen ari logonet, “It aakumi iniki wogoppako menggaarak nogo, an nen tebenogo piige minggirak kwe, Iniki tebenak menggaarak nogo perak, niniki kunik nen eeppiige minggirak o,” yinuk, yereegerak Ala wone liiru mbanak wonage o.