Ndawi 31:2 - Ala Wone Peenok Peebi Mbanak

² An yokkege neenok, karuk liirogon nggoongge, Mbet-mbet aret yeenggwa niri wage, Puut lunik abu'me mengga kwak An neebe op logorak togop aret eerogo panege, An nagap ndarak logokit nduk, Yugum pak wurogo pereegi pogom eerogo panege, Eeru o.

Ndawi 31:2 ပူးပေါင်းရင်းမြစ်များ

2 Tamuwen 22:3

At nogoba Ala ti, Aakumi nen an nookwi iyo, Yugum lunik kwak abu'me pani unggwage, Nggeemu pogom mulunogo panit nege, Omaawi paga nagap ndarogo panege, Aap maluk mendek nen nookwi iyo, Nagap ndariyak nduk, eeke logonet, Yugum pak wurogo pereegi kwak eerogo panit nege, Pi'nakwi iyo, o ambime kumaarogo pani nage, An nili eerogo panit nege, Eeke menggerak o.

Ayup 7:21

An nen kat koone taganogo pigirak kenok, mari eerogo panege, Ndi, maluk eekirak kenok, lek eerogo panege, Eeka'lek Nonggop nduk eeke agandik? An o yogondak liirubu enggela'me winnarigin me, Kat nen kwaa'nabit namenggendak kwe, Neebe lek aret neyaamunggun o,” yinuk, yoreegerak.

Ndawi 102:2

Aaninggin noba a'nuk wonage neenok, Kenete kumaappatinuk logorak mage o. Ata, an yokkege neenok karuk konengge, Noone nggwok paga yokkege neenok, Onggo mbet-mbet yo'nege, Eeke logot o.

Ndawi 130:2

Ala wae. Noone yokkege yi, karuk konengge, Yeenggwa nenok nduk nabuwa warak nggo-nggo logonet, Nggino yokkege yi, liippanege, Eeru o.

Ndawi 143:7

Kaliku ALA wae. “Eeppani woraawak lak, ao,” mban kombake logonet, Niniki mondok lek ee'nabit unggwage me, An yokkege yi, onggo mbet-mbet yo'nege logot ubi! Aakumi mbuun ambena wambi nogo mengga kwak, ee'nabukwak me, Kenete kumaappatinuk logorak mage o.

Ndawi 25:2

Nogoba Ala wae. Niniki kat koba panggombunuk wonage, Eeke agarik o. An nenggali eerogo panugwi, Nawim nen an tebenogo paninuk kunu waganggwi, Eekwi iyo, non mbanogo piyet o.

Ndawi 40:17

An nogo abu tebenak nege, Aakumi ineenggi lek pogom wonage, Eeke neegak kwe, Kat nogoba nen liippanege logot o. Kat nen yeenggwa nege, wondet eerogo panege, Eeke menggendak me, Nogoba Ala wae. Mbo paninuk elaambirik logorak mage o.

Ndawi 62:7

At Ala nen mban nagap ndake, At nen mban nendage tiyappanege, Eeke menggerak o. Nayugum omaawi mendek nu'lek menggi kwak, Neebe op logorak abu'me ari unggwaga kwak, ti Ala aret.

Ndawi 69:17

An niniki abu lek ee'nake kagak, Kayeloman an keege neyo, Kenggaawak kumaappatinuk logorak mage o. Ata, mbet-mbet aret wone onggo yo'nege,

Ndawi 7:2

Eeke lek keenok, singa nibininake menggi kwak eeppanugwi, Ndi, it ambi nen nili yogwe lek kenok, nibik-nobak eerogo panugwi, Eerugun o.

Ndawi 79:1

Ala wae. Keyate kanggween wo'niragaginom nogome Aakumi inanebunu lombok nen tebenggola unggwogwe, Kawi wurik abu abe alik leenak nogo maluk eerogo pugwi, O Yerutalem yigirik-noonom eerogo pugwi,

Ndawi 86:1

Kaliku ALA wae. An neenggi lek ambi eekkoloorak meek me, Wone yokkege yi, karuk konengge, Karuk konengge logomenggendik, onggo yo'nege, Eeru o.

Ndawi 90:1

Nogoba o. Ninombomini nda'narit wundi wogwe, Ninombowologwe nda'narit wundi nogwe, Eekwi iigak, Nineebe op logorak kabu'me unggwaga kat aret o.

Ndawi 91:9

An neebe op logorak ti, “Aliku ALA aret o,” yinuk, ari, Ndi, an logorak nogo ti, At Tiyanak Lombok Menggerak abu'me aret wonage mbake, Eeke keenok,

Ndawi 94:22

Kaliku ALA ti, Nagap ndarak logorak yugum pak wurik kwak wonage, Kat nogoba Ala ti, Neebe op logorak yugum lunik kwak wonage, Eeke menggendak me,

Kini Wuppiige 22:17

It aap iniki warak nen wone yogo menggaarak nogo kat kinikime porogo wonage, Wone ti abok aret yuurak kambe paga lunik wonage, eeke keenok, kale'nggen eekkake logogin me, Wone ti liippege, it wone yogwe nogo karuk konengge, ndi, an wone mamunggege yi, “Mamunggola,” mbake, eeke logot o.

Yetaya 33:16

It aap puut tiyarogon yugum pak wurogo pereegim iniki ugun tayenak wonogo mengga kwak wonogwe iigak, Inambi pipuk eerak wonage, inaniyo lek arigin lek wonage mban wonage, Eeke kagak nonggo logogun o.

Lukat 18:8

Lek o. Mbet-mbet aret inowak loonogo inawone amburu mbanigin o, yinuk, yokkiragi. Togop aret eeginaburak kwe, an aap aret nda'nagagirak wage neenok, it aakumi nggween paga yime iniki noba panggombunuk, abet nombakwi iyaamun ilik, lek a?” yinuk, yoragagerak.

Yaya 6:56

Kit ambi nen an neebe inom, namiya inom, nunggwi kiinok ti, an nen kit ninom kunik, ndi, kit nen an ninom kunik aret logogun o.

Pelaareegerak 32:31

Togop aret eeppinanit nogo logogun kwe, Yugum Nu'lek Menggi kwak, nit at paga panggonak wonogwe nogo kwak, It kunduk togop panggonak wonogwe lek ineenu agaarik o.

1 Yaya 4:12

Nit abok aret Ala eebe ninigen kaga'lek aret wonogwe kwe, niniki-kiniki kunik eekwi niinok perak, Ala ninom kunik logonet, aakumi ando eebi mbake, ando inikilom mbake, eekeelik abok aret inabuwa mbake menggi kwak, nit togop aret aakumi abok niniki kunik aganako logowok nduk, ee'ninake menggerak o.