Ndawi 31:17 - Ala Wone Peenok Peebi Mbanak

¹⁷ Kaliku ALA wae. Noone nggwok paga yokkege me, An nenggali arukwak mbo paniyak mage o. Aap maluk eeka perak, inenggali ogwe, Kambunuk nogo menggam nanuk inabolok lek wonogwe, Eeruwak nduk, eeppiyet o.

Ndawi 31:17 ပူးပေါင်းရင်းမြစ်များ

Ndawi 115:17

Aakumi kanggaatak nen Aliku ALA tiyappugwi, Kambunuk inoone lek ari nogo menggam nogome nen Ala alut eekwi, Eekulik o.

Ndawi 31:1

Kaliku ALA wae. An neebe op logokit nduk, Kabu'me ari unggwagarak wonage me, nenggali arukwak teppanege mage o. Kat abu liirogon abe mban eeke menggendak me, An nagap ndarogo panu o.

Ndawi 34:5

It aakumi iniki at paga lunik menggaarak nogo Inenggali nen inetenggen puru aago wonogolik o. I'ndok nggi yogwe wonogo menggaarak.

Ndawi 35:26

Aaninggin noba age neenok, “Op aret eeppogo a!” yinuk, iniki wogoppakwi nogo Inenggali ogwe, iniki kobak ogwe, Eeruwak o. Aaninggin noba kwi'nagaarak wonage neenok, It aap inale'nggen mbakwi nogo Yum yikkologo mengga kwak, inenggali eekkologwe, Inendage maluk eekkologwe, Eeruwak o.

Ndawi 35:4

It an nooriyak mu'neren wogwe nogo inenggali ogwe, “Ineegin tebek yegerak kayik a!” yinuk, yogwe, Eeruwak o. Nendage maluk eerogo panuwok nduk wone mbanit nugwi nogo Iniki kobak a'nuk iniyokan yungguninuk nawak o.

Ndawi 4:7

Gandum anggen inom, anggur amburu ngget toolak inom, Ambik age kenok, inale'nggen mbakwi nogo ti, Mbuuluk aret kwe, nale'nggen kaakit nduk, Kat nen eeppanege ti perak, nggwok lombok aret o.

Ndawi 6:10

It ninom wim mbanak nogo inenggali age, “Nonggop aga,” yinuk, iniki ma'nage, Inenggali nen yungguninuk mbaganggwi, Eeruwak o.

Ndawi 71:24

Ndi, it an maluk eerogo paniyak mbakwi nogo, inenggali ogwe, Iniki kobak a'nuk nogwe, Eekaarak me, Kubondendok nen nok, oonikiya ari nage kagak, Kat abe koonak mban eeke menggendak nogo Paganogo yoranet nege logogin o.

Ndawi 80:4

Komaawi Lombok Menggendak Kaliku ALA wae. Nit kapuri tamban eekwi niinok, Ka'luk lagangge menggi kwak, Kanini aagi wungge keegak, ne mande ari nagin o?

Ndawi 80:8

Eyo anggur awi o Metit nen wonok wage nagagindik, It yi aakumi ndi aakumi kat nen mugogo wumbiinok, Eyo awi ti yarogo pege,

Ndawi 94:17

At Aliku ALA nen an yeenggwa nenetak lek en Aakumi kambunuk inoone lek ogo menggam nanetak o.

Yeremiya 20:11

It togop aret yogwe kwe, aap wim wakaa'ngget menggi kwak Kaliku ALA nimbirak aret wonage me, It an piyak-payak ee'nabit nugwi nogo nen ambi eeppanega'lek it aret iniyogobit lik togon yigeebu wambugun o. Eeppaniyak mbakwi nogo mbeyok yemenggerak paga inenggali ogwe, Inendage maluk aremenggerak nogo kobak aga'lek aberak mban wonogwe, Eeko logogun o.

Ndaniyen 12:2

It aakumi apit aago kambemenggaarak nggween me nogo yugwi nogo, ineenik a'nuk mi'narugun o. It ando mondok-mondok ineenik logowak nduk mi'nogwe, ndi, ando perak, inenggali mbakak mondok-mondok yagan wako logowak nduk mi'nogwe, eerugun o.

1 Tamuwen 2:9

It aakumi abet mbako menggaarak nogo, Nggween ti paga iniyok pit nogwe iigak, inarum wonage, It inogogun ambik maluk eekwi iinok perak, o apit me time inoone lek eerogo piige, Eeke logomunggun o. Aap ambit-ambi, An nomaawi paga ndogop eerikit o, Koonggetak nogo aret ageelik me,