Ndawi 31:13 - Ala Wone Peenok Peebi Mbanak

¹³ It aakumi ambik nen nabok agan nugwi, Nenaagan-nambokan eerit nugwi paga naganak waruwak nduk, agan nugwi, Maluk eeppanuwok nduk, Iniki ambit eeppunuk, wone mbanggwi, Nooruwak nduk wone koonogo pugwi, Eeko agaarik o.

Ndawi 31:13 ပူးပေါင်းရင်းမြစ်များ

Wakkagagerak 40:23

Eeppiige mbareegi, aap amburu tooka inowe nogo nen Yutup nogo oba abera'lek ami eerogo punuk wonagagerak.

Ndawi 101:5

Aap ambi ore eebe lek kagak meek eerogo pege kenok, At eebe ti, enggaawak lek eerogo pege, At aap, “An iya,” mbake logonet, iniki wogoppake nogo An teppuurak meek me, onggo eeppege, Eeke logogin o.

Ndawi 57:4

Aakumi nen an nooruwok nduk eekwi ti, Singa aakumi nibininaburak kwak wonogwe, Ineyak ti, maale-wooluwak kwak wonogwe, Inamili ti, paloowi engget ambik kwak wonogwe, Eerak logonet, An wanggeppaninuk wonogo agaarik o.

Yeremiya 20:10

It aakumi apit aret nen, Inamineeri ne agan noorak mendek yi o ndi o ndak warit nege o. At eekerak yora nawi, yora nawi, yinuk, Inoone mumun paga yogwe naruk konengge agarik o. Noreewi kunduk nen an ambi eeriminggirak paga yilunnabuwok nduk, to'neego logonet, Ambokan laganemenggaarak paga yigeebu wangge kagak Nit tebenogo punuk, oone omaawi paga yo'nirage nagaarak nogo onggo eeppuwok o, yinuk, yogo agaarik o.

Yeremiya 6:25

Kinom wim mbanak ti, inarege-inawooluwak mik-kwit eeppunuk wonogwe, Ndi, kinaagan-kinambokan kinamineeri ne agan noorak aago wonogwe kogwe, Eekwi me, Kineyabu eerit wunggwi, tu nggwok paga nogwe, eeriyak mage o.

Leendawi 2:22

Inale'nggen paga lariyak inayonggo pogo mengga kwak Kat nen inamineeri ne agan noorak mendek nenaagan-nambokan wanggeri woraawak nduk, inayonggo piyareegindak o. Kaliku ALA kanini eeppaneegindak eyom paga aap ambit ambi mbagangge, agap ndakkolage, eerulik aret o. It an nen yanggoninake, tawe eeginake, eereegirak nogo nawim nen lek eerogo piyareegerak o,” yinuk, yoreegerak.

Matiyut 26:59

Kwi'ndak wonage kagak, it Ala unde inoweewi inom, it wone amburu mbanggo menggaarak abok aret inom, “At Yetut waruwok nduk, taani nen pilit wone at oba pugwi iyaamun?” yinuk,

Matiyut 27:1

O weege mbareegi, it Ala unde inoweewi abok inom, it aakumi inogobamini inom, Yetut wari yak wone amburu mbambunuk,

Lukat 23:5

Yoragagerak kwe, it inoone panggok togon nabenak mban yogo logonet, “Lek o. Aap yi, wone mamuninabit nege logonet, aakumi o Yureya mendek abok aret o Nggalileya nen nok, o yi kuli aret inabut wurit nege menggerak o,” yinuk, yoreegwaarak.

1 Tamuwen 20:33

Yoge mbareegi, at Tawun nen Yonatan mondok warikit nduk, awooluwak paga wondep wureegerak. Wondep wureegerak ti paga at Yonatan nen, “Nogoba nen Ndawut abet aret wariyak mbake kagi,” yinuk, eenu agagerak.

1 Tamuwen 24:9

Ayuk wuke nagagerik, Tawun yoge logonet, “Ndawut nen maluk eeppagarak ari o, yinuk, aakumi nen yokkugwi nogo, nonggop nduk konengge agandik?