Ndawi 31:10 - Ala Wone Peenok Peebi Mbanak

¹⁰ Niniki wakko'net unggwage logonet, Neebe kambuurak aret ee'nake, “Yi ee'nabit unggwage, ao,” mbake neegak, Neenik logorak eyom aret lek ari nage, Maluk eekirak paga nomaawi lek ee'nabit unggwage, Nowa'na nenet unggwage, Eeke agaarik o.

Ndawi 31:10 ပူးပေါင်းရင်းမြစ်များ

Ayup 3:24

Yogop eeppanege, Ao, mbake nogo ti, Nambi nengge minggi kwak aret age, Ndi, andi nen niniki oone ari nogo ti, Niyo kilu-kilu wangge menggi kwak aret age, Eeke agarik o.

Ndawi 13:2

“Nonggop eeri?” yinuk, koonit mban unggwage, Ko'lu-kii'me niniki puru aago wonage, Eeke neegak, Ne mande ari nage, Ndi, ninom wim mbanak nen tebenogo panugwi iigak, Ne mande age, Eerigin o?

Ndawi 27:7

Kaliku ALA wae. Noone nggwok paga yokkege neenok konengge, Nabuwa mbake logonet onggo yo'nege, Eerumunggun o.

Ndawi 38:3

Kanini nombake paga neebe apit andi ee'nake, An neebe obeelom lek Nomaluk paga nowa'na abok aret nenet unggwage, Eeke agarik o.

Ndawi 39:11

Aakumi maluk eekwi iinok mberirage, Iniki koonogo piige, Yininuwo nen yi mendek ndi mendek nenet nage kwak, It inamendek iniki kundugu wonogwe nogo Kat nen lek eerogo pege, Eeke menggendak o. It aakumi ineenik logorak nogo ti, Inambe aagi ne ambit wumbugwi kwak aret wonogwe o.

Ndawi 6:8

Togop me, nale ari nogo Aliku ALA aruk konenggerak me, Kit maluk eeko monggotak yi, An wonage me nen mbaganinip o.

Ndawi 71:9

Nanggok ari wage neenok, mbo panege, Nomaawi lek ee'nabit unggwage kenok, Kenegen lambek eerogo panege, Eeriyak ti mage o.

Ndawi 78:33

Inambe aagi ne ambit lek age menggi kwak, It nda'nogogwam kuli ari naga'lek Koorok panggo pi wage, Inamineeri ne agan nage kagak, It nda'nogogwam ari nawak nduk eerogo piige, Eereegerak.

Ndawi 88:15

An ti, wulaga mbuuluk paga nen Aaninggin-paaninggin noba age, An kambuurak mban ee'nake, Eerit wagagerak o. Namineeri ne agan nawak nduk eeppanege nogo kage, An niniki abu lek ee'nake, Eerit wundi wagagerak o.