Ndawi 30:5 - Ala Wone Peenok Peebi Mbanak

⁵ Ne ambit mban at anini ninombake menggerak kwe, Ale'nggen nen obeelom eeppinanege ti perak, Eeppinanegak mban eeke kagak Kambi noorak kuli ari nagin o. Oonikiya le mban yogwe iigak O weerikit nduk eeke menggerak kwe, O weege kenok perak, inale'nggen mbako menggaarak.

Ndawi 30:5 ပူးပေါင်းရင်းမြစ်များ

Wakkagagerak 32:24

alik wonage me, aap ambi wage nagagerik, imbirak wuk eekkologwe tit iigak, o inoba weereegerak.

Ndawi 103:17

Togop aret kwe, It aap Aliku ALA inagabiti mbakwi iniki kunik aganake nogo ti, Lek ageelik o aa'nduk nen nok peebi itok aret menggerak o. Ndi, it inombowologwe nen Inombomini Ala inom wone koonogo pereegerak nogo Liirogon porogo wonogwe, Eeko logorak wone mbo pega'lek ndak-ndak aret eekwi, Eekwi iinok, Aliku ALA nen obeelom eeppiinet wundi wage logogin.

Ndawi 103:9

“Kat maluk o,” mban yo'nirage, Anini wungge tit kagak o ambik me ari nage,

Ndawi 143:8

Ata, an kat koba panggonak minggirak me, Aakumi inabuwa nen kiniki kunik mban eeginake nogo, Ko'lu kubondendok an togop ee'nabi wage keyane! Niniki kat paga lunik wonage me, An eerit noorak tu titik nege,

Ndawi 145:10

Kaliku ALA wae. Yi mendek ndi mendek ogobakkigirogo piyareegindak nogo Abok aret kat mban, “Wa,” yokkugwi, Kapuri leenogo piyareegindak nogo nen kalut eekwi, Eeko logogun o.

Ndawi 16:11

An neenik logokit nduk, “Tu yi,” yo'nege, Kat kenggaanom paga nale'nggen nggwok lombok kaakit nduk, eeppanege, Ndi, kat keenggi abe paga wonage neegak, mondok-mondok nale'nggen mbariyak mendek eeppanege, Eeke logomunggun o.

Ndawi 46:5

At Ala o kota time aret menggerak me, Kota ti, pup eerogo pugun lek o. O weerikit nduk eeke kagak, maluk eeppi wogwe iyo, Ala nen o ti, ili eeppunuk logogin o.

Ndawi 47:7

Ala ti, it aakumi o nggween paga wonogwe abok aret Inowe endagembogut at aret wonage me, At anep pugu ndawi waruwok o.

Ndawi 59:16

Togop aret kwe, maluk noba ari wage kenok, Kat keebe paga kumaarogo panege, Pak wurik kwak, keebe aret mulunogo panege, Eeke menggendak me, Komaawi nogo ndawi paga kanep pege, Nabuwa lombok mbake menggendak nogo Kubondendok nen ndaame paga kanep pege, Eerigin o.

Ndawi 63:3

Neenik wonage ti, iya negen aret kwe, Nabuwa nen kiniki kunik ee'nabit wundi wage ti, Mondok iya lombok me, Noone paga tiyappagage logogin o.

Ndawi 97:12

Togop aret me, kit kiniki abe koonak yi wae. At Aliku ALA nen eeppinagit wage paga kinale'nggen mbakwi, At endage abu abe alik leenak kenok, “Wa!” yinuk, tiyappugwi, Eeko logonip o.

Wundeegwaarak 3:15

Yoge nagagerik, Ala nen Muta ambinom yoge logonet, “Kinogobamini Abarakam inom, Itak inom, Yakup inom, Naliku inogoba Ala nen aret muk kinowagam nappani wagaarak, it aakumi Iterali yoraanu o. An nendage, AN ARET, yokkigirak ti, lek arigin lek mondok-mondok aret logogin me, yi aakumi ndi aakumi nda'narit wundi wogo logonet, nendage ti aret yogo logogun o.

Yetaya 12:1

Ne ti eyom paga kit nen yogo logonet, “Kaliku ALA wae. Aa'nduk kanini abet aret ninoba pinanege nagagindak kwe, yogondak nen kanini lek age, Niniki eyak wappinanege, Eeke me, Wa, lombok yokkogo ogoorik o.

Yetaya 26:20

It aakumi nggween paga maluk eeko nogogwaarak onggo eeppiyaakit nduk, Aliku ALA wonage menggim nen wundi wage kenok, It aakumi inamiya nggween paga kilirogo piigo nogogwaarak kiraarak wonage nogo Nggween ti nen, “Yi ket o,” yinuk, titik ege, Ndi, inoorogo piyareegwaarak inamiya nggween taanak wonogwe nogo kin eerogo nippiya wage, Eerigin me, Kit an napuri yi wae. At Aliku ALA anini mbake nogo lek age kagak, Kiname lombok unggwi nogo logomonggotik, kinaru nakkologwe, We luulu kumaarak wonogwe, Eeko logonip o.

Oteya 6:3

Togop me, At Aliku ALA ti, nit ninogoba aret o, yinuk, paganggwi, At eeke menggerak nineenu arit unggwogwe, Eeko logowok o. Ti eekwi niinok, oonegen lagi wage logonet, eya pindanogo pege menggi kwak at abet aret niya wage, O mayu wage menggim age kenok, mbogut paga nen mayu wuranet wage menggi kwak ninowagam wage, O kibi wonagaatik, o mayu wage logonet, nggween miin eerogo pege menggi kwak, at nen obeelom eerogo pinanege, Eerigin o, Yinuk, yogo agaarik o.

Matiyut 5:4

It aakumi iniki puru aago menggaarak nogo ti, Ala nen iniki eyak wappiyaagin me, Iniki ale'nggen aret mbako logowak o.

2 Korindut 4:17

Yogondak piyak-payak eerogo pinanugwi yi, peebi eeppinaniyak ndak-ndak abu lek o. Peebi eeppinaniyak nogo ti, yi mendek ndi mendek tebenak kagak, nit tiyappinanemenggerak nogo mondok-mondok tiyanak logogun me, yogondak eeppinanugwi yi, “We luulu teeluk aret eeppinanugwi,” mbako ogoorik o.

Wayu 22:1

Ti kage nagarik wonage me, malayikat nogo nen, an yo'nege logonet, “Niyo aakumi ineenik aganaka eneeri mili lombok mbini kin nogo, Ndomba Aagaluk Ala imbirak wone lengganogo yorogo menggam abu'me nen, kilak togon wungge nagaarik, o kota tu yarak eraaninu nage ti, kenegen pekket o,” yinuk, yo'nege mbaki, pekkage me, niyo nggwok nage nogo aa'nggi yibagan-enebagan eyo aakumi ineenik aganake menggerak awi yarak me, tut ambi penengge paga ne ambit paga anggen yi'nage, tut ambi penengge paga ne ambit paga anggen yi'nage, togop aret eerit tahun ambit eerak paga ne 12 paga aret anggen yi'nage kagarak. Ndi, eyoongga nogo ti, yi aakumi ndi aakumi andi aganake kero, obeelom aganaka inake aret wonage kagarak.

Wayu 22:17

Yo'nege mbaki, malayikat nogo nen ambi yo'nege logonet, “It aakumi niyo abu aganake kenok, niyo ineenik aganaka nogo mendek onggo lek we aret tookkola woraawak nduk, Aberiniki inom, Ndomba Aagaluk akwe nogo inom, imbirak nen, Wa'nip o, yinuk, muk yorogo agaarik o. Ndi, it wone yi, konembunuk abet mbakwi iinok, Na wa'nip o, yinuk, wiirogo logowak nduk, yoret o,” yinuk, yo'nege kagarak.