Ndawi 30:4 - Ala Wone Peenok Peebi Mbanak

⁴ Kit Ala apuri ake leenak monggotak yi wae. Aliku ALA anep pogo logonet ndawi wakwi, At endage abu abe alik leenak me, tiyappugwi, Eeko logonip o.

Ndawi 30:4 ပူးပေါင်းရင်းမြစ်များ

1 Mbinineegwaarak 16:4

Tumburirage nagagerik, it Lewi mendek Aliku ALA aloobut mbanak enaame taati, at Ala nen ale'nggen inoba piyoorak nggino yogwi, “Wa!” yogwi, Aliku Iterali inogoba Ala endage tiyappugwi, eekwi iigak,

Ndawi 107:20

At oone yoraawak nduk nappiyareegerak yorogwe iigak, Ineebe andi obeelom aganake, Mbuun ambena nen wumbiya wage, Eereegerak.

Ndawi 132:9

It kat keebe unde nogo nen Inayum abe yirik kwak abe mendek mban eerit nogwe, It kapuri kake leenak inale'nggen nen keekok yogwe, Eeko logowak o,” Yinuk, yereegerak o.

Ndawi 148:14

Aakumi at apuri ake leenogo piyareegerak iniki kunik Iterali abok aret at endage tiyappugwi nogo, Inarum logowak nduk, pak wurik kwak, Aap ambi endage abu tiyanak lombok mippereegerak me, Aliku ALA endage tiyappogo logowak o. At Aliku ALA tiyappogo logowok o.

Ndawi 28:1

Kaliku ALA wae. Kat nayugum kwak aret me, Noone nggwok yokkege agarik o. Noone yokkege yi, Karuk logu negen eeppunuk wonage keenok, Aakumi kambunuk nogo menggam unggwi nogwe kwak, An nage neyo, yokkege neegak, Onggo yo'nega'lek koone lek puk logorak mage o.

Ndawi 32:11

Togop me, aap kiniki abe mendek yi wae. Aliku ALA nen eekkinake paga Ale'nggen mbako logonet, keekok yogwe, Kit abok kiniki abu koonak monggotak yi wae. Kiniki ale'nggen nen ndawi lubuk yogwe, Eeko logonip o.

Ndawi 50:5

“An ninom wone abuk nggaruk togon koonogo pereegurak mondok aberak logowok nduk, Nake warogo wo'nireegwaarak Napuri leenogo piyareegirak nogo, wogoren piya wogo logonip o,” yinuk,

Ndawi 97:12

Togop aret me, kit kiniki abe koonak yi wae. At Aliku ALA nen eeppinagit wage paga kinale'nggen mbakwi, At endage abu abe alik leenak kenok, “Wa!” yinuk, tiyappugwi, Eeko logonip o.

Wundeegwaarak 15:11

Kat kikak nakeelik wonage keenok tiyappagagwi, Eerubok mendek eeke menggendak keenok, Wi, yinuk, kayuk wukwi, Eeko menggaarak me, Kat pogom ta wonage o? Yi kugi ndi kugi Kaliku ALA kat pogom ambi wonage abu lek aret o.

Yetaya 6:3

Eerak wonogo logonet, it inoone nggwok paga at ambi nen at ambi yogak eeko logonet, “Kat mondok kikak nakeelik alik leenak aret o. Kat mondok kikak nakeelik alik leenak aret o. Kaliku ALA Komaawi Lombok Menggendak ti, mondok kikak nakeelik alik leenak aret o. Keebe abu tiyanak o nggween paga mondok ndak warak menggendak o,” yinuk, yogwe iigirak.

Wayu 4:8

Aakumi nen iigulik mendek ineebe 4 nogo ti, inalitak lombok ina'naabit 6 aret me, ineebe paga apit aret inigen warak mban wonogwe iigirak. It nogo puk aga'lek ko'lu-kii'me inoone yogo logonet, “Maan wonagagindak, yogondak wonage, peebi logomunggun, nogo ti, kat mondok itok komaawi lombok menggendak ninogoba Ala aret me, Kat mondok obeelom alik leenak aret o. Kat mondok obeelom alik leenak aret o. Kat mondok obeelom alik leenak aret o,” yinuk, yogak mban eeko logonet,

1 Tamuwen 2:6

Kaliku ALA nen it aakumi kambuwak nduk eeppiige, Ineenik logowak nduk eeppiige, Kambunuk nogo menggam nappiige, Time nen mippiige, Eeke menggendak o.