Ndawi 3:8 - Ala Wone Peenok Peebi Mbanak

⁸ Kaliku ALA ninagap ndari wage menggendak me, Kale'nggen kapuri ninoba pinanege logot o.

Ndawi 3:8 ပူးပေါင်းရင်းမြစ်များ

2 Tamuwen 23:12

kela yarak me nogome it Pilitin mendek tebenggologwe iyo, at Tama nogo pilak yinuk, inooke kagak, at Aliku ALA nen eegin tiyappereegerak me, mondok iya lombok inooreegerak.

Ndawi 119:94

Eeko logorak koone yugu nogo an mugurok nage, An neebe kat kamendek aret kombake, Eeke me, An nagap ndaru o.

Ndawi 29:11

Aliku ALA nen at apuri omaawi eeppiige, Iniki ugun tayenak logowak nduk, Aliku ALA ale'nggen inoba piige, Eeke menggerak o.

Ndawi 31:16

Kat kenggaawak abinak wonage ti, An kayeloman neebe paga eya eerogo panege, Kiniki kunik lombok ee'nake menggendak me, nagap ndake, Eeru o.

Ndawi 58:7

It nogo ti, niyo nage nagaatik, Pili ari nage menggi kwak lek ogwe, Maale inookwi iinok, ngget lek me Put togon wangge menggi kwak wonogwe,

Ndawi 72:17

At endage mondok-mondok ki aret wonage, Oonegen eya lek aga'lek wonage kagak, endage wiganinuk nage, Eeke logowak o. At eeppiinet nage paga Yi aakumi ndi aakumi abok nen inale'nggen kaagun me, “Kat kale'nggen at oba pege logot o,” yinuk, Ala yogo logogun o.

Ndawi 9:20

Kaliku ALA wae. It aakumi ti, Inamineeri ne agan nawak nduk eeppiige, Yi aakumi ndi aakumi nen, “Nit yi we aakumi aret,” mbaruwak nduk eeppiige, Eeru o.

Kini Wuppiige 21:31

Wim eeriyak age kero, kuda paga panggombunuk pipuk eerogo pogo menggaarak kwe, Ineegin tiyappege menggerak nogo ti, Aliku ALA nen aret o.

Yetaya 43:11

An o! An ti, Naliku ALA aret o! An lek neenok, inagap ndaka ambi mondok lek aret o.

Yeremiya 3:23

Puut-puut paga kugi aanggo wako logonet, noone-koone agan nugwi ti, Abe lek aanom warogo kagak eeko ogoorik o. Ninogoba Kaliku Ala nen mban nit Iterali ninagap ndariyak ti abet aret o.

Oteya 13:4

At Aliku ALA nen ari logonet, “O Metit nen wogoren wundi wagagirak inogoba Naliku Ala an aret me, Nit alut eekwi ninogoba alik ambi lek Ala alik aret o, yinuk, yogwe, Ndi, ninagap ndaka alik ambi lek Ala alik aret, yogwe, Eeko logowak o.

Yunut 2:9

An perak, Wa! yokkege logonet, kake warogo wokkege, An ndogop eeke logogin o, yinuk, kumbuk mbanggirak nogo ndak-ndak aret eeke, Eerigin o. Ninagap ndaka nogo ti, Kaliku ALA kat aret o,” yinuk, tamban eereegerak.

Linggineegwaarak 10:35

Ndi, Ala aloobut mbanak nogo piyaninuk woraawak nduk eekwi iigak, at Muta nen, “Kaliku nogoba ALA wae. It aap kinom wim mbanak menggendak nogo ma'nogwe, It ineebi kombako menggaarak nogo mbaganggwi, Eeruwak nduk, Kat komaawi tiyak yu o,” yinuk, yoge,

Nappiigak 3:26

Ti kenok, at Ala nen at ayeloman eenik agago mippege nagaarik, kit maluk eekwi nogo kinalitak lombok mbo pugwi kiinok, at ale'nggen kinoba pinagawak nduk, aa'nduk kit aret kinowagam nappi wagaarak o,” yinuk, at Peterut nen wone ti aret yoragagerak.

Nappiigak 4:12

It aakumi yi awi ndi awi o nggween paga yime menggaarak abok aret, Aap yi nen aret kinagap ndakkinabigin o, yinuk, endage ambi kunogo yo'niroolik o. Ata, at Yetut alik nen mban kinagap ndakkinabigin o, yinuk, yo'niragagerak o.”

Epetut 1:3

Ala wonage menggim mbogut paga mendek eeppinaniyak mbake menggerak nogo mendek abok aret, Keritut ninom kumbinaneegerak paga nen eeppinanege me, ninowe Yetut Keritut ogoba Ala mondok alut eeko logowok o.

Wayu 19:1

Ti konengge nagarik, wonage me, o mbogut paga time aakumi ambik abu alik negen komaarak inoone nggwok ambugwi yogo mengga kwak yogo logonet, “Kat kalik komaawi ambik ninagap ndaka kendage mondok tiyanak, ninogoba Ala wa.

Wayu 7:10

inoone nggwok yogo logonet, “Wone lengganogo yorage menggenom kwi'ndak wonage kat ninogoba Ala nogo inom, Kat Ndomba Aagaluk inom, Kimbirak nen ninagap ndareegutak me, wa,” yinuk, yorogwe iigak,