Ndawi 3:5 - Ala Wone Peenok Peebi Mbanak

⁵ An nogo yikit nduk winnage, ti'nuk, neenik age, Eeke neegak, Kaliku ALA nen niniki eyak wappanege menggendak o.

Ndawi 3:5 ပူးပေါင်းရင်းမြစ်များ

Ndawi 127:2

It aap Aliku ALA iniki kunik eeginake nogo, Nogo yugwi iigak, inambi wogorage menggerak me, Kit kinambi noorak kwaakkologo logonet, O kuubondendok kineenik a'nuk, Yabu ta'liila eekwi tit kiigak, O kiip age kenok, kiname nogo yi unggwogwe ti, We aanom warogo aret eeko monggotak o.

Ndawi 34:5

It aakumi iniki at paga lunik menggaarak nogo Inenggali nen inetenggen puru aago wonogolik o. I'ndok nggi yogwe wonogo menggaarak.

Ndawi 4:8

Togop aret me, Kaliku ALA wae. Niniki ugun tayenak logokit nduk, Kat nen mban eeppanege menggendak me, Niniki ugun aret winna'nuk nogo yege logogin o.

Ndawi 66:9

Nineebe obeelom logowok nduk ninarum wonage, Niniyok perak togon yigeebu wambukwak pi'ninake, Eeke nagagerak o.

Kini Wuppiige 14:26

Aap ambi Aliku ALA ayuk wuke ti, pak wurogo pereegi kwak aret me, At apuri ineebe op logowok nduk, time aret ari unggwogo menggaarak o.

Kini Wuppiige 18:10

Aliku ALA endage ti, o nggorek omaawi wurik kwak aret wonage me, Aap iniki abe koonak nogo nen mbe agan time unggwi na'nuk, ineebe obeelom aret wonogo menggaarak o.

Kini Wuppiige 3:24

Kogut naga'lek kagak ugun winnage, Nogo nggaruk lek yippunuk, kale'nggen paga keenik age, Eeke logomunggun o.

Yetaya 26:3

Aap ambi Aliku ALA oba panggonak wonage kenok, iniki nu'lek wonage nogo, Iniki ugun mondok tayenak logowak nduk, Aliku ALA nen eeppege menggerak o.

Ala Unde 26:6

Inale'nggen paga iname ugun obeelom logowak nduk, eeppiyaagin me, inagabiti mbaka'lek iniki ugun nogo yugun o. Ndi, ta'ngge anini warak mendek iname nen mugogo nappege, inom wim mbanak nogo wogwe iyo non mbanogo piige, eeke neegak,

Nappiigak 12:6

At Keroret nen ko'lu awone amburu mbaniyak nduk at Peterut oonikiya mbuti keele eenggi peenok-peenok maarak nogo yege kagak, it aap yigin unde eeben peenok-peenok wonogwe, it ando tungga ambe paga arum wonogwe, eekwi iigak,