Ndawi 29:3 - Ala Wone Peenok Peebi Mbanak

³ Aliku ALA oone niyo irimbaga nen ari, Ala abu tiyanak lombok menggerak nogo, Oone ngguurubu pogom ari, Aliku ALA oone yi nggwok yenggenak laut nogo Ogombaga ngguurubu kwak eerogo nappit nage, Eeke menggerak.

Ndawi 29:3 ပူးပေါင်းရင်းမြစ်များ

Ayup 36:33

O ngguurubu eerogo nappi wage paga aakumi nen, Mayu woraakit nduk eeke o, yinuk, yogwe, Ndi, tapi-ndomba kunduk, Mayu wage agaarik o, yinuk, inoone mu agan iname unggwogwe, Eeko menggaarak o.

Ayup 40:9

An neenggi nogo ti, Ala eenggi omaawi ndak-ndak wonage mbake, Ndi, at Ala oone ngguurubu ari menggi kwak, An noone togop aret ari mbake, Eeke agandik ya?

Ndawi 104:3

Niyo agi-ogu lambunik o oolo ya'i irimbaga kat kawi eyak wuppunuk, wurogo pit lagangge, Ndugwi ti kanggweendo kwak wokkeren nega eerogo pege, O wiya a'naabit paga nege,

Wundeegwaarak 19:16

Yorage nagagerik, wonogwe me, nogo mbere yinuk, ko'lu kuubondendok paga o ngguurubu eeke, o yabok eeke, puut nogo paga tit kunogo pege, eeke logonet, trompet oone nggwok lombok pu eeke mbareegi, it aakumi inawooliyana wonogogwaarak nogo abok aret inagabiti nen inaganak wareegerak.

Wundeegwaarak 9:28

o ngguurubu eeke, mayu kumulinggen wangge, eeke yi, yi kuli aret teppuwak nduk, Aliku ALA yo'nip o. Yogwi kiinok, kit o yime ambinom pinagago logorak lek mbet-mbet wundi namunggup nduk, teppinagagin o.”

Wundeegwaarak 9:33

Ndi, Muta nen Pirawun nogo o kota nogome teppunuk, wungge nagagerik, eenggi titik eeke logonet, at Aliku ALA nogo yoge mbareegi, o mayu kumulinggen wangge nogo puk age, o ngguurubu eeke nogo lek age, eeke logonet, o mayu lubu-lubu nggween paga wangge nogo, mbaneegerak.

Yaya 12:29

Yinuk, it aakumi ambik taati wonogogwaarak nogo mbogut paga nen oone ari konenggo nogogwaarik, “Ie! Ti o ngguurubu ari o,” yogwe, ndi, it ando nen, “Lek o. Malayikat nen wone ambi at yoge o,” yogwe, eereegwaarak.

Nappiigak 7:2

at Tepanut nogo nen, “Nogobamini inom, noreewi inom, kinaruk logonip o. Ninombo Abarakam o Karan waga'lek logonet, awo o Metopotamiya wonage me, at mondok tiyanak menggerak Ala nogo nikka wage nagagerik, Abarakam yoge logonet,

Wayu 11:19

Yogo mbaka, Ala awi wurik mbogut paga nogome tu paa'nage mbaki, Ala aloobut mbanak wone yoragagerak liiru mbanak yonggolak wonage nogo, kin ari wage kage neegak, o yabok eeke, ngguurubu ari, mi nuk ari, mayu kumulinggen mondok lubu-lubu wangge, eeke kagarak o.

Wayu 16:18

Ari mbaki, o yabok mondok kunik-kunik eeke, o ngguurubu ari, ndi, maan aakumi wakkagagerak kuli nen, nok, yogondak kuli paga togop eekeelik kwe, o mi mondok alik negen nuk eerit wage logonet, nggween mondok abut laganak-mbaganak eeke, eeke kagarak.

Wayu 19:6

niyoraakut nggwok oonebu ari, o ngguurubu alik negen ari, it yi aakumi ndi aakumi ambik kuwak eerak ambugwi inoone nggwok yogwe, eeko mengga kwak, yogo logonet, “At Omaawi Lombok Menggerak ninogoba Ala nogo, Yi aap ndi aap inowe endagembogut logokit nduk, mi'nagagerak wonage me, Ninogoba Wa, yinuk, alut eeruwok o.

Wayu 4:5

At wone lengganogo yorage menggim time nen o kimbik pindanggage kagak, oone ngguurubu agan wundi wage kagarak. Ndi, wone lengganogo yorage menggim enaame nggwe taati ndi 7 wuninik wonage kagarak. Ndi 7 nogo ti, Ala Aberiniki eeke menggerak alom 7 nogo aret o.

Wayu 8:5

Nogo eeke kage neegak, obari abe kaga togolowa'na toolak wonagagerak nogo, kani kungge menggim nogome nen kani kunik anggen wagangge nagaarik, togolowa'na nogome mambunuk, mbo nggween paga wuppi wage mbaki, o ngguurubu oone ari, o kimbik pindanggage, eeke kagak, mi nggwok nuk-nuk eeke kagarak.