Ndawi 29:2 - Ala Wone Peenok Peebi Mbanak

² Aliku ALA endage abu iya me, tiyappugwi, At kikak nakeelik alik leenak mondok iya lombok menggerak me, Ayuk wuko logonet alut eekwi, Eeko logonip o.

Ndawi 29:2 ပူးပေါင်းရင်းမြစ်များ

2 Mbinineegwaarak 20:21

Yorage nagagerik, it aakumi ti inom wone mbambunuk, at Yotapat nen it aap ineegin warak inambokan wogwe iigak, inaa'nduk a'nuk at Aliku ALA kikak naka'lek alik leenak mondok iya kenok, endage tiyappugwi, Aliku ALA endawi wakwi, eeko logonet, “Nit aakumi yi, Aliku ALA nen iniki kunik ee'ninake nogo Mondok-mondok aret ee'ninake logogin me, Wa lombok, yogo logowok o,” yinuk, yogo logowak nduk, aap mippiyareegerak.

Ndawi 110:3

Kat komaawi tiyak ari eyom paga It kawuri wim eeka nen inobaanggi-inobaangge abe lombok li'luk eekko'nok Inale'nggen paga kinom wim eeri unggwogwe, Kubondendok konaananggen luuri wage menggi kwak, “Ninom wim eeruwi o,” yinuk, kawuri aap tawe nogo kiyo'me ari wogwe, Eerugun o.

Ndawi 27:4

Wone ambit ambi Kaliku ALA yokkiriyak mbake, Ambiriluk ambi an eeke logorak uugwe mbake, Eeke nogo yi aret. Keraambe abu obeelom lombok menggendak nogo liippagage, Kat kawi wurik me logorak ninikilom mbake, Eeke logokit nduk, An Kaliku ALA kawi wurik me wonage neegak, Mondok kambi noorak kuli ari nawak o.

Ndawi 90:17

Ninogoba Ala o. Kale'nggen ninoba pinanege, Nineenggi paga eerit nugwi nogo omaawi eerogo pege, Nineenggi paga eerit nugwi nogo lek age kero, nu'lek eerogo pege, Eeke logot o.

Ndawi 96:6

At endage tiyanak ayuk warak wonage kenok, “Wi!” ugwi nogo mban ndak warak wonage, At omaawi ayuk warak lombok menggerak nogo ti, At awi alik leenak menggim nogome ndak warak wonage, Eeke menggerak o.

Yeremiya 13:16

O apit eerogo pinagi wage, O kiip arit nage logonet, puut-puut yumaak eerit nage paga kiniyogobit linggiraawak nduk, eeppinagage, Eeka'lek kagak, Kinogoba Aliku ALA tiyappogo logonip o. “Eya eeppinanuwak lak, ao,” yinuk, tokkogwe kiigak kwe, Kit mbakwi abut laganogo o apit lombok eerogo pinagage, “Eya eeppinanuwak,” mbakwi nogo obaane'me o yumaak lombok eeppinagage, Eerigin o.