Ndawi 29:10 - Ala Wone Peenok Peebi Mbanak

¹⁰ Niyo wu'nuk wage paga Aliku ALA ogombaga kwi'na'nuk wone lengganogo yoranet wage, At endagembogut mondok-mondok logonet, wone lengganogo yorage, Eeke logogin o.

Ndawi 29:10 ပူးပေါင်းရင်းမြစ်များ

Wakkagagerak 6:17

Ndi, abu aret eeke kenok perak, yi mendek ndi mendek o nggween paga yime ineenik nugu menggaarak mendek abok aret mondok pup eerogo piyoorak nduk, mayu nggwok lombok wuppi woraminggirak paga inooke neenok, ambi ineenik logogun lek o. Abok tigitogon aret niyo paga ndonggoninabit namenggaarak kambit nagun o.

Ayup 38:25

Nggween aakumi wonogolik me inom, aakumi lek me karume inom, miin eerogo pege, Aakumi lek nggween mbuk eerak me, iri'ngga ki laganuwak nen, nggween yawenogo pege, Eeruwak nduk, O mayu lubu-lubu wambuurak nogo ta nen aru mbininogo pege, O ngguurubu oone agan nawak nduk, ta nen aru koonogo pege, Eeke menggerak mbaken?

Ndawi 10:16

Kat Kaliku ALA Mondok-mondok kendagembogut aret menggendak me, Yi aakumi ndi aakumi kanggween paga wonogwe nogo Lek eerogo piyaamunggun o.

Ndawi 29:3

Aliku ALA oone niyo irimbaga nen ari, Ala abu tiyanak lombok menggerak nogo, Oone ngguurubu pogom ari, Aliku ALA oone yi nggwok yenggenak laut nogo Ogombaga ngguurubu kwak eerogo nappit nage, Eeke menggerak.

Ndawi 65:7

Niyo nggwok yenggenak laut oone wo ari, Kilaarak-mogonik eerogo nippit wage, Eeke nogo abolok lek eerogo pege, Aakumi noone-koone agan nogwe ti, inoone mbanogo piige, Eereegindak o.

Ndawi 9:8

Aakumi nggween paga wonogwe nogo a'me nggelok inowak loongge, Yi aakumi ndi aakumi inawone ndak-ndak koonogo yorage, Eerumunggun o.

Ndawi 93:1

At Aliku ALA ti, endagembogut aret o. Aap inendage tiyanak inayum yikwi iinok, “Wi!” irogo mengga kwak, At endage abu tiyanak me, “Wi,” ugo menggaarak o. Aap wakaa'ngget eegin-omaale li'luk aago kwak, At omaawi togop aret wonage menggerak o. At o nggween mondok nu'lek eerogo pereegerak wonage agaarik o.

Ndawi 99:1

At Aliku ALA endagembogut aret o. Endagembogut aret me, Yi aakumi ndi aakumi inaganak wake, Malayikat negen kerub aru-ogwe iigak, Oolo at wone lengganogo yorage menggim wonage kenok, O nggween yi, nuk-nuk ari, Eeruwak o.

Ndaniyen 2:44

It aap inendagembogut a'nuk wone lengganogo yorogwe ti eyom paga at mbogut unde menggerak Ala nen aap ambi aakumi abu'me piinok logowak nduk mondok-mondok omaawi lombok eerogo pigin me, aakumi nen lek eerogo pugwi, aakumi inambik nen unde eekkologwe, eerugun lek o. At abu'me piinok logowam mippemenggerak nogo nen it aakumi eegu inabu'me piinok menggam abok aret tebenogo piige, lek eerogo piige, eerigin kwe, at abu'me piinok logowam mippemenggerak ti perak, mondok aret logogin o.

Matiyut 6:13

Ninabut mbanuwak nduk, pinani nagun o. Ndi, at abu maluk mendek nogo nen maluk ee'ninake kero, ninagap ndaru o. (Kabu'me piinok menggenom arum wonage, Komaawi ambik lombok wonage, Kat mondok tiyanak wonage, Eerak menggendak me, Yogondak inom, peebi inom, lek arigin lek mondok-mondok aret logogin o. Amin.) yinuk, yogo logonip o.

Marakut 4:41

Yorage mbareegi, it nogo inagabiti ogo nogogwaarik, ambi nen ambi yogak eeko logonet, “Ia! Aap yi, niyo inom, wiya inom, at oone konengge yi, ta mbakop?” yinuk, pi wareegwaarak.

1 Timotiyut 1:17

Ndi, yogondak, naput o. Yi o ndi o aakumi aa'nduk wonogogwaarak inom, yogondak wonogwe inom, peebi logorak inom, ninogoba endagembogut kanggeelik mondok itok eenik menggerak ninigen kogolik alik menggerak Ala nogo endage mondok-mondok tiyanak ayuk warak logogin o. Amin!