Ndawi 28:3 - Ala Wone Peenok Peebi Mbanak

³ It maluk eeka inom, maluk eerit nugu menggaarak inom, Wogoren nage logonet, Ninom wo'neren nage ti mage o. It aap ti, iniki obeelom mbaruwak nduk, Inoreewi inom wone abe yogwe kwe, iniki perak, Aakumi maluk eeppiyoorak mba'nuk, agan nugu menggaarak.

Ndawi 28:3 ပူးပေါင်းရင်းမြစ်များ

Ndawi 10:14

Togop yogo menggaarak kwe, Ale-pale eerogo piigwi, Iniki andi eerogo piigwi, Eekwi nogo kat Ala kenegen iige, Onggo eeppiyoorak nduk, koonogo pege, Eeke menggendak o. Elege moono yeenggwaarage menggendak keenok, Aakumi inagap ndakkoloorak meek mendek nogo Kabu'me ari wogo menggaarak o.

Ndawi 10:7

Inikime maluk mban yagabit aago logonet, Aakumi pulunogo piigwi, Pilit wone yoranet nugwi, Aakumi inagabiti mbaruwak nduk yorogwe, Eeko menggaarak. Ndi, inoone maluk mban wundi wage logonet, maluk eeriyak mban koonogo pit nugwi, Aakumi ale-pale eerogo piyoorak mban yogwe, Eeko menggaarak.

Ndawi 12:2

Aakumi abok aret it mban-mban pilit-pilit agan nugwi, Aakumi inambokan laganggo logonet, inoone amburu ndik-ndik agan nugwi, Eeko logonet,

Ndawi 141:4

Maluk eeriyak uugwe mbake, It aap maluk eeka nen maluk eerit nugwi nogo ninom a'nuk eerit nage, Iniki nomonuwak nduk, Ineenggi amburu agago lakwi nogo, ninom nengge, Eeke neyo, narum logot o.

Ndawi 26:9

It aap maluk eeka nen, aap inamiya nengga nen, Aakumi maluk eeppiyoorak kote koonogo punuk, eerit nugwi, Ndi, koonogo pegaatak eeruwak nduk, ineenggi abe'nggan paga kiraarogo wogorogwe, Eeko menggaarak nogo ti, Inooke logonet, an ninom nooriyak mage o.

Ndawi 36:4

It nogo yogo menggam logonet kunduk Maluk eeriyak mban koonggwi, It eerit nugwi nogo ti, Obeelom lek maluk mban aret eerit nugwi, Maluk eeriyak eerinake nogo Mbo puurak mbaka'lek aret eekwi, Eeko menggaarak o.

Ndawi 52:1

“An aap iya,” mba'nuk nege yi, kat maluk eeke nagandik, Nonggop nduk wogoppatit nege agandik? It aap Ala inabuwa mbake nogo maluk eeppiige nagandik, O kubondendok nen nok kiyoma ari nage kagak, Nonggop nduk wogoppit nege agandik?

Ndawi 55:21

Wam amburu anen pera aago menggi kwak, oone amburu ndik-ndik agan wage, Eeke menggerak kwe, Ogogumbuk anini ambik menggerak o. Inagabolo abe aruwak nduk, amburu eeko mengga kwak, Iniki nomonikit nduk oone yanggorogon agan wage kwe, At ari ti, Wooluwak engget mbup nggabenak kwak aret menggerak.

Ndawi 62:4

“At amunggat oba tiyanak wonage nogo Lek eerogo puwok,” mba'nuk agan nugwi, Pilit puguniyak kinikilom mbakwi, Eeko logonet, Kit kinambe paga nen Aakumi kinale'nggen inoba piinet nogo logonet kwe, Kinikime nen kugi pulunogo piinet nugwi kiigi o.

Ndawi 7:14

It maluk eeriyak koonggo nagaatik, pilit mban pugunit nugu menggaarak nogo ti, Kwe ambi elege logongge nagaatik, abila a'nuk yagan warogo ndake menggi kwak aret o.

Mika 3:5

Aliku ALA nen ari logonet, “It aakumi nen, Ndogop eeke kaamunggup o, yinuk, an napuri iniki nomonogo piya nogwe nogo perak, Inambi wogorogwe iinok, Kiniki tayenak ugun aret logomunggup o, yinuk, yorogwe, Ndi, wogoraga'lek iinok, Kinawim nen kinoori unggwi woraagun o, yinuk, yorogwe, Eeko menggaarak me,

Linggineegwaarak 16:26

at Muta nen it aakumi apit aret kuwak aago nogo yorage, “It aakumi maluk eeko menggaarak yi, it inomaluk paga inooke logonet, kinom nggelengginabukwak, it inamendek ambi mbaangga'lek logonet, inawooliya wurik me mbo piinok, tayorogon time ari nanip o.”

Matiyut 25:41

Yorage logominggirik, ti'nuk, it neenggi kwaare'nggan piyaminggirak nogo yorage logonet, Kit Ala nen pulunogo pinagareegerak yi, an mbi abu ee'nake me, mbi wo'nugwi, yi abu ee'nake me, yi too'niri nogwe, aap nggiru me, wo'nakwi, nayum yirik lek me, nayum yippanugwi, andi warak keele maarak me, pe'neya nogwe, ee'nako logolik me, yime nen wundi nogo logomonggotik, at Ibilit inom, at awuri apit inom, kani omoonuk wunuk mban ari menggim an nogoba nen ogobakkigirogo piyareegim nogome aret nanip o, yinuk, yoraagin o.

Matiyut 25:46

yorage logominggirik, it aap nogo, inomaluk onggo mondok-mondok yagan wako logowak nduk, nappiyaagin kwe, it iniki abe koonak menggaarak nogo perak, ineenik mondok-mondok logowak nduk, eeginabigin o, yinuk, yoraagin,” yoragagerak.