Ndawi 28:2 - Ala Wone Peenok Peebi Mbanak

² “Yeenggwa niru o,” yinuk, noone nggwok yokkege, Mage Lombok Menggim pa'nggwe neenggi nappege, “Nabuwa mbaru o,” yinuk, tamban eeke, Eeke neegak, Karuk konengge logot o.

Ndawi 28:2 ပူးပေါင်းရင်းမြစ်များ

1 Endagembogut 6:19

Ndi, o wureegerak irip akem Ala inom lambunggak mage lombok logowam ogooreegim nogome Aliku ALA aloobut mbanak me wone yugu yonggolak nogo, time logowak nduk, pipuk eerogo pege logonet,

1 Endagembogut 6:5

Mambi wage nagagerik, o ko kole ogoorak inom, mage lombok logowam inom, kobat endekem nabenak eraanu peenok-peenok inom, ambokan inom, ta'mban-mban kenagan wurogo punuk, ko ogoorogo pit nagagerak. Ogooke nagagerik, o ogu nggween paga wureegerak nogo ambe aru-ogwe ti, metet mbere eeppunuk, ambi oolo abu'me negen paga wakkagak wuke, o oolo wureegerak nogo ti, metet mbere eeppunuk, ambi oolo irimbaga wakkagak wuke, ndi, o oolo irimbaga wureegerak nogo ti, metet kenagan paga wakkagak wuke, eeke logonet, o wurik kobat nabenak eno pelenogo pit nookwak, eyo abo at paga kwippit nawak nduk, kobat nabenak eraanu yendok-wandok yugum nabenogo pit nagagerak.

1 Endagembogut 8:38

aap ambit-ambi nen ilik, it kat kapuri Iterali yi abok aret nen a, it inalitak lombok maluk eeremenggaarak nogo paga iniki andi negen logonet, ineenggi kawi wurik me yime pa'nggwe nappi woraanuk, tamban eekwi, nggino yokkugwi, eekwi iinok,

2 Mbinineegwaarak 6:13

At Talomo nogo nen mbuti tembaga paga eyo irip nggorek metet mbere eeppunuk, ambi oolo wakkagak ndoongge, ambe wiganak ti, ndak-ndak metet mbere eeppunuk, ambi oolo wakkagak ndoongge, ndi, irip agi tiyarogon metet ambiret eeppunuk, ambi oolo wakkagak ndoongge, eereegerak nogo, Ala awi wurik oore'nggam oolo pereegim nogome punuk, eyo ti paga lagangge nagagerik, Iterali wonogwe abok aret inenggaanom paga endobanggun yindumbunuk, eenggi mbogut paga nippege nagagerik,

Ndawi 125:5

Ndi, it aap obeelom eekwi nogo mbo punuk, Nomo agan tu alik paga nogwe iinok perak, Aap maluk eeka inenggaawak lek eerogo piige logonet, It inom aret lek eerogo piige, Eeke logot o. It aakumi Iterali iniki ugun tayenak aret logowak o.

Ndawi 130:2

Ala wae. Noone yokkege yi, karuk konengge, Yeenggwa nenok nduk nabuwa warak nggo-nggo logonet, Nggino yokkege yi, liippanege, Eeru o.

Ndawi 134:2

At awi wurik alik leenak menggim nen kineenggi nippugwi, Nippunuk, Aliku ALA tiyappugwi, Eeko logonip o.

Ndawi 138:2

Kat aakumi inabuwa nen kiniki kunik eeginake, Liirogon eeppiinet nage, Yi mendek ndi mendek tebenak iigak, kat kendage inom, Kat eeriyak koonogo pereegindak wone inom, abu tiyappege, Eereegindak me, Kawi wurik alik leenak me nena na'na'nuk, Kendage tiyappagage logogin o.

Ndawi 140:6

Kaliku ALA wae. An nen, “Kat nogoba Ala aret,” yinuk, yokkege agarik o. Kaliku ALA wae. “Yeenggwa niru o,” yinuk, nggino yokkege yi, karuk konenu o.

Ndawi 141:1

Kaliku ALA wae. Noone nggwok paga yokkege yi, konembunuk, Mbet-mbet aret yeenggwa niri wage, “Yeenggwa niru o,” yinuk, yokkege neenok, noone karuk konengge, Eeru o.

Ndawi 141:2

Obari abe kaga kani kunggwi iinok, Kale'nggen mbake menggen kwak, An tamban eeke nogo ti, karuk konengge, O kiyoma age paga ndomba warogo kani kunggwi iinok, wagangge menggen kwak, Neenggi nippunuk yokkege nogo liippanege, Eerumunggun o.

Ndawi 143:6

Nggween mbuk agaatak kwak An niniki togop aret woongge kenok, Kat koba abeke logonet, Neenggi nippunuk tamban eeke agarik o.

Ndawi 5:7

Togop aret kwe, an perak, Nabuwa lombok nomba'nuk eeppanit wundi wage me, An nen kat kame unggwi nage, Kawi wurik alik leenak me nena na'na'nuk, Kayuk wuke logonet, nendobanggun yindumbunuk kalut eeke, Eerigin o.

Ndawi 63:4

An kambuurak kuli ari nage kagak, tiyappagit nage, Neenggi nippege logonet, “Nogoba Ala o,” yinuk, nggino yokkege, Eeke logogin o.

Leendawi 2:19

It aap tum waka nen, nogo iniki mbere eeke paga tum ambi wakak awo eekwi iinok, mi'na'nuk koone nggwok ari, Niyo kilirogo pogo mengga kwak, kiniki mbake nogo kogoba Ala enggaanom paga kilirogo pege, Kaagalogwe mbi abu nen inambuluk pit nagaarak tu ambet-ambet paga ngginnarit nagaarak wonogwe nogo Ineenik logowak nduk, inake keenggi at paga nippunuk, yoge, eeke logot o.

Ndaniyen 6:10

Wone liiru mbanogo punuk, wumbereegerak nogo, at Ndaniyen aruk konembunuk, ame nage nagagerik, ame irimbaga ko ambi ogoorak me, pugagi ena Yerutalem pa'nggwe mbanak nogo, pugagi paarak me time nen o ne ambit wege paga ne kenagan kuli tamban eeke menggerak nogo ndak-ndak, time ari unggunuk, endobanggun yindumbunuk, tamban eeke, Ala wa yoge, eeke nagagerak.

Ndaniyen 6:11

Eeke wonage me, it aap ti nogo ambugwi aret aap Ndaniyen wonage me nogo nogogwaarik, at Ndaniyen tamban eeke, Ala yeenggwaaruwak nduk, yoge, eeke kogogwaarak.

1 Timotiyut 2:8

Togop me, it aap yi awi ndi awi abok aret inanini mbakwi, wone wakwi, eeka'lek obeelom mban logonet, ineenggi nippunuk, tamban eeko logowak nduk, “Ao!” lombok inombake minggirak.