Ndawi 27:8 - Ala Wone Peenok Peebi Mbanak

⁸ Kat nen ari logonet, “Nenete neyaanok nduk kwaa'nabi mok o,” Yo'nege keenok, an niniki nen, “Aliku ALA enete kaakit nduk kwaari na o,” Yinuk, kwaakkabit wage me,

Ndawi 27:8 ပူးပေါင်းရင်းမြစ်များ

2 Tamuwen 21:1

At Ndawut nogo Iterali inarum wonage eyom paga, mbi noogelo kagak, tahun kenagan aret age mbareegi, “Aliku ALA nen yo'niruwak o,” yinuk, at Ndawut nggino yoreegerak. Yoge mbareegi, at Aliku ALA nen at yoge logonet, “At Tawun apuri inom nen it aakumi Nggibeyon mendek inooke mbareegi, inamiya at Tawun apuri inom inoba agagerak paga, o yi maluk agaarak o,” yinuk, yoreegerak.

2 Mbinineegwaarak 7:14

it aakumi nen, Ala apuri aret o, yinuk, nendage kunogo yokkirogo menggaarak an napuri kit nen kiniki tebeppatinuk, Ala etenggen kaawok lak, ao, yinuk, kwaa'nakwi, tamban eekwi, maluk eeko monggotak nogo mbo pugwi, eekwi kiinok, an mbogut paga logonet, naruk konembunuk, kinomaluk lek eerogo mbo pege, kinanggween obeelom eerogo pege, eerigin o.

Ndawi 105:4

At Aliku ALA mban mugurok nogwe, At omaawi eeppinagawak nduk nggino yogwi, Ko'lu-kii'me enggaawak koorak nduk owagam unggwogwe, Eeko logonip o.

Ndawi 119:58

Nabuwa mbake logonok nduk, An niniki abu ambit eeppunuk yokkigirak me, Kat eeppaniyak koonogo pereegindak ndak-ndak Kiniki yanggonak logonet eeppanege logot o.

Ndawi 24:6

Aap ti ndak-ndak ndarak nen Ala mugurok nogwe, Aap ti mendek Yakup ogoba Ala enete kaawok nduk, kwaarit nogwe, Eeko menggaarak o.

Yetaya 26:16

Kaliku ALA wae. Nit nonggop eekkoloobok kenok, kat kowagam wogwe, Niniki koonnaruwak nduk, aaninggin ninoba pinanege mbareegin, “Ai-ao,” yogo logonet, tamban eekwi, Eekoorak o.

Yetaya 45:19

Wone an yorage nogo kote kumaarogo yorage, An o yumaak me lombok logonet yorage, An aanom warogo kwaa'nabit nugu logowak nduk, Yakup paga wiganak nogo yorage, Eerulik o. An ti, Naliku ALA aret me, wone abet mban ari, An wone koonak mban mbangge, Eeke minggirak o,” yinuk, yegerak me, yagi o.

Oteya 5:15

“Ti eeke neenok, it nen, Nit maluk aret eeko o, yinuk, inomaluk awo pagangga'lek iigak, an wonage minggim ari naminggirak wonage logogin o. Wonage neegak, it an mu'neren wogwe, Aaninggin-paaninggin inoba kwi'naremenggerak ti paga, At ninom lambunuwok lak, ao, yinuk, an kwaa'nabit nugwi, Eerugun o, yinuk, yegerak me, yokkiragi o,” yoragagirak.

Yaya 11:29

Yoge nogo Mariya konengge nagagerik, pilak togon mi'na'nuk, Yetut owagam nagagerak.