Ndawi 27:7 - Ala Wone Peenok Peebi Mbanak

⁷ Kaliku ALA wae. Noone nggwok paga yokkege neenok konengge, Nabuwa mbake logonet onggo yo'nege, Eerumunggun o.

Ndawi 27:7 ပူးပေါင်းရင်းမြစ်များ

Ayup 10:2

An nen Ala yoriyak nogo yi o. Kat nen, Maluk eekendak o, yinuk, An yo'niriyak mage o. Ata, Kat ndi eekendak kenok, eeppagage agarik o, Yinuk, an yo'niriyak op aret o.

Ndawi 13:3

Kaliku nogoba Ala wae. Kenegen liippanege, Wone yokkege yi, karuk konembunuk, onggo yo'nege, Eeru o. Eya eerogo panega'lek keegak, kangge neenok, It ninom wim mbanak nen, “Abu aret tebenogo pogo o,” yinuk, yogwe, Ndi, an ngginnari nage neenok, Ninom ogoorak nen inale'nggen lombok mbakwi, Eekwi iyo, Nenegen eya eerogo panege logot o.

Ndawi 30:11

Kat nen nale mbanogo paninuk Nale'nggen nen ndawi lubuk yikit nduk eerogo panege, Nayum nibinik maluk mendek yirik nogo nggoorogo paninuk, Nale'nggen mbarikit nduk, yum abe kwak yippanege, Eekendak me,

Ndawi 31:10

Niniki wakko'net unggwage logonet, Neebe kambuurak aret ee'nake, “Yi ee'nabit unggwage, ao,” mbake neegak, Neenik logorak eyom aret lek ari nage, Maluk eekirak paga nomaawi lek ee'nabit unggwage, Nowa'na nenet unggwage, Eeke agaarik o.

Ndawi 4:1

Kat abe koonak mban menggendak nogoba Ala wae. Niniki puru ari logonet, Noone nggwok paga yokkege neenok, onggo yo'nege, Aaninggin noba wonage kenok, teeluk eerogo panege, An tamban eeke nogo nabuwa nen karuk konengge, Eeru o.

Ndawi 5:2

An tamban eeke logonet, Nowe kendagembogut nogoba Ala nggino yokkege me, Yeenggwa nirenok nduk, noone nggwok yokkege yi, Karuk konenu o.