Ndawi 27:5 - Ala Wone Peenok Peebi Mbanak

⁵ Aaninggin ambi noba ari wage kenok kawooliya wurik me paninuk wonage, Kat kawi wurik me kumaappaninuk wonage, Neebe yugum lunik paga pani lagangge, Eerumunggun o.

Ndawi 27:5 ပူးပေါင်းရင်းမြစ်များ

2 Mbinineegwaarak 22:12

Wulaga Yowat ndegengga nogo imbirak Ala awi wurik me kwe ti inom kumaarak wonogwe iigak, kwe Ataliya nogo o time wone lengganogo yorage kagak, tahun 6 aret eereegerak.

Ndawi 10:1

Kaliku ALA wae. Aaninggin-paaninggin noba agaarak wonage kagak, Nonggop nduk kat ndaanda wonage, Nonggop nduk kenggaawak kumaappatinuk wonage, Eeke agandik?

Ndawi 119:114

Keebe ti, noba'naka nanggeemu kwak aret me, Koone yugu ndak-ndak eeppaniyak Ti mban niniki lunik minggirak o.

Ndawi 138:7

Maluk eeppaniyak wangge'nakwi iigak wonage me, Kat nen nili eerogo panege, It nawim inanini nen nooriyak eekwi iigak, Keenggi abe'nggan paga it tebenogo piinok, nagap ndake, Eeke menggendak o.

Ndawi 17:8

Kenegen awuluk kwak eerogo paninuk narum logot o. Ndi, it maluk eeka nen nooriyak eekwi, Nawim nen nenggaawak lek eerogo paniyak nduk an wangge'nakwi, Eekwi nogo nen pi'nakwi iyo, Ka'naabit abu'me kumaappaninuk logot o.

Ndawi 18:33

Rusa iyok nggilik-nggelok pit nege menggi kwak, An niyok togop aret eeppanege, Puut kirin paga mi'ndak logokit nduk, Nomaawi eerogo panege,

Ndawi 31:20

Aap maluk eeko menggaarak nen eeppiyoorak kote koonit nugwi nogo eeppiyookwak, It ineebe op logowak nduk, kenggaawak paga piige, Aakumi inoone agan nugwi paga inom yawi pukwak, Kat wonage menggenom kumaappiige, Eeke menggendak o.

Ndawi 31:21

An pi'nabuwok nduk, O kota pak wurik punggagak eekwi iinok, Nagabiti mbake logonet, “Kat aret kenegen wo'nake mbake kwe, Mbo panege keegi o,” yinuk, yokkege, Le ari logonet, “Nabuwa nen yeenggwa niru o,” yinuk, yokkege, Eekirak nogo konembunuk, Mondok iya tit kiniki kunik eeginabit wundi wage nogo An aret eeppanegendak me, Kaliku ALA kalut eeke agarik o.

Ndawi 40:2

Eeke nagaarik, aakumi lek ogo menggam mbuun ambe purok ambik me yobonak wonage me, At nen piyanogo nippani wage, Niyok waganogo yugum paga yappanege, Niyok yabegak naakit nduk panggonnake, Eekerak o.

Ndawi 40:3

Ndawi ngget mendek yikit nduk nambe eraabin eeppanege, Ndawi ninogoba Ala endage tiyappugwi mendek yo'nege, Eekerak me, It aakumi ambik aret inigen kogwe, inagabiti mbakwi, Eeko logomenggaarik, Iniki Aliku ALA oba panggombugun o.

Ndawi 46:1

Nineebe op logowok nduk Abu'me pinaninuk wonage, omaawi eeppinanege, Aaninggin ninoba age kenok yeenggwa nirage, Eeke menggerak ti, Ala aret o.

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

Ndawi 57:1

Ala wae. Neebe op logokit nduk, Kabu'me unggwi wagarak wonage me, Nabuwa mbake, narigi mbake, Eeru o. O wiya nen namburogo nappiige menggi kwak, An eeppaniyak eeke yi, lek ari noorak eeke kagak, Towe a'naabit paga tebembiinok menggi kwak, An tebembaninuk logonok nduk kowagam wagi o.

Ndawi 61:2

O irip me nen noone nggwok paga yokkege, Niniki lek ee'nabit unggwage kagak yokkege, Eeke me, Yugum nu'lek tiyarogon wonage nogo paga Nalik lagarak meek me, Kat nen aret wo'neren pani lagu o.

Ndawi 61:3

Neebe op logokit nduk, kabu'me paninuk wonage, Ninom wim mbanak nen noori wogwe iyo, Nobak wurik kwak keebe aret wonage, Eekendak o.

Ndawi 77:2

Aaninggin noba ari wage eyom paga nogoba Ala kwaake, Oonikiya paga neenggi tanep aga'lek nippunuk wonage, Eeke neegak kwe, Niniki kwi'naga'lek nggilu ari mban wonage,

Ndawi 83:3

Kapuri inom wim eeriyak wone kote koonogo pit nugwi, Kapuri kiniki kunik menggendak nogo, “Nonggop eeppiyaawok o,” yinuk, wone mbanggwi, Eeko logonet,

Ndawi 91:1

Aap ambi eebe op logokit nduk, at Tiyanak Lombok abu'me wonage kenok, At Omaawi Lombok Menggerak angguna'me logogin o.

Ndawi 91:15

Yeenggwa niru o, yo'nege kenok, yeenggwaage, Maluk eeppugwi iinok, ili ari, Aap ineenggime nen ndinogo wumbege, At endage tiyappege, Eeke logogin o.

Kini Wuppiige 18:10

Aliku ALA endage ti, o nggorek omaawi wurik kwak aret wonage me, Aap iniki abe koonak nogo nen mbe agan time unggwi na'nuk, ineebe obeelom aret wonogo menggaarak o.

Yetaya 26:16

Kaliku ALA wae. Nit nonggop eekkoloobok kenok, kat kowagam wogwe, Niniki koonnaruwak nduk, aaninggin ninoba pinanege mbareegin, “Ai-ao,” yogo logonet, tamban eekwi, Eekoorak o.

Yetaya 26:20

It aakumi nggween paga maluk eeko nogogwaarak onggo eeppiyaakit nduk, Aliku ALA wonage menggim nen wundi wage kenok, It aakumi inamiya nggween paga kilirogo piigo nogogwaarak kiraarak wonage nogo Nggween ti nen, “Yi ket o,” yinuk, titik ege, Ndi, inoorogo piyareegwaarak inamiya nggween taanak wonogwe nogo kin eerogo nippiya wage, Eerigin me, Kit an napuri yi wae. At Aliku ALA anini mbake nogo lek age kagak, Kiname lombok unggwi nogo logomonggotik, kinaru nakkologwe, We luulu kumaarak wonogwe, Eeko logonip o.

Yetaya 32:2

O wiya warit wage kagak yugum nen mulumbiinok menggi kwak, O wiya nabuninuk wage kagak, ineebe op logowam nobappiinok menggi kwak, O karume niyo eneeri ambik wundit wage menggi kwak, Karu kole nonggolak me mo andi nen yugum kole abu'me ari unggwogo mengga kwak, It aap ti, inalitak lombok togop aret eeppiinok logogun o.

Matiyut 23:37

Wone ambinom yorage logonet, “Kat kota Yerutalem ao! Kota Yerutalem ao! Kat nen it Ala yorage kagak yokkiraga nogo inooke, it aap Ala nen yonggo nappiya wage kenok, yugum paga toguurit-tagaarit eerogo inooke, eeke menggendak me, ao. An ta, towe ayam iyagalo nen oo'nuwe a'naabit abu'me tebembiirogo menggi kwak, kaagalogwe kuwak eeppiyaakit lak ao, mbakitak kwe, Neebi, ari menggendak nogo o.