Ndawi 27:4 - Ala Wone Peenok Peebi Mbanak

⁴ Wone ambit ambi Kaliku ALA yokkiriyak mbake, Ambiriluk ambi an eeke logorak uugwe mbake, Eeke nogo yi aret. Keraambe abu obeelom lombok menggendak nogo liippagage, Kat kawi wurik me logorak ninikilom mbake, Eeke logokit nduk, An Kaliku ALA kawi wurik me wonage neegak, Mondok kambi noorak kuli ari nawak o.

Ndawi 27:4 ပူးပေါင်းရင်းမြစ်များ

2 Tamuwen 21:1

At Ndawut nogo Iterali inarum wonage eyom paga, mbi noogelo kagak, tahun kenagan aret age mbareegi, “Aliku ALA nen yo'niruwak o,” yinuk, at Ndawut nggino yoreegerak. Yoge mbareegi, at Aliku ALA nen at yoge logonet, “At Tawun apuri inom nen it aakumi Nggibeyon mendek inooke mbareegi, inamiya at Tawun apuri inom inoba agagerak paga, o yi maluk agaarak o,” yinuk, yoreegerak.

Ndawi 23:6

Obeelom eeppanit nage, Nabuwa nen kiniki kunik ee'nabit nage, Abet aret eeke keegak, Kambi noorak kuli aret ari nagin o. Ndi, Kaliku ALA wonage menggenom nogome An mondok-mondok aret ye mbambatinuk logogin o.

Ndawi 26:6

Kaliku ALA wae. An maluk eekeelik neyaawak nduk neenggi kooppunuk, Kake kani kunggo menggam yendok-wandok nege logonet,

Ndawi 26:8

Kaliku ALA wae. Kawi wurik kat menggenom inom, kendage tiyanak lombok menggenom inom, Niniki kunik minggirak o.

Ndawi 27:8

Kat nen ari logonet, “Nenete neyaanok nduk kwaa'nabi mok o,” Yo'nege keenok, an niniki nen, “Aliku ALA enete kaakit nduk kwaari na o,” Yinuk, kwaakkabit wage me,

Ndawi 50:2

Puut Tiyon abu kigirikwe lombok paga nen Ala abinak pindanogo nappit wage, Eeke agaarik o.

Ndawi 65:4

It aap kat nen leenogo piige, Kinom logonok nduk kawoore'nggam piya wage, Eeke menggendak kenok, Inale'nggen wonogo mengga kwak, Nit kat kawi wurik me unggunuk wonogwe niigak, Obeelom mban eerogo pinanege ti paga niniki abu kwi'nage, Nit kat kawi alik leenak wurik me Unggunuk wonogo logonet, ale'nggen lombok ee'ninake, Eeke agaarik o.

Ndawi 84:10

An name ne seribu paga logorak ti, ninikilom aret kwe, Kawi wurik me ne ambit paga logorak ti perak, Niniki kundugu lombok aret o. It aap maluk eeka iname logonet, Neebe obeelom logorak ti, op aret kwe, Kat nogoba kawi wurik me Tungga'nggi paga arum logorak ti perak, Iya lombok me, an time logorak mbake agarik o.

Ndawi 84:4

It aap ko'lu-kii'me kawi wurik me mban wonogwe, Ko'lu-kii'me kendage alut eekwi, Eekwi nogo Inale'nggen aret menggaarak o.

Ndawi 90:17

Ninogoba Ala o. Kale'nggen ninoba pinanege, Nineenggi paga eerit nugwi nogo omaawi eerogo pege, Nineenggi paga eerit nugwi nogo lek age kero, nu'lek eerogo pege, Eeke logot o.

Yeremiya 29:13

Iniki mbere lek ambit a'nuk, kwaa'nabit wogo logomenggaarik, an kwaa'neyaagun,” yegerak o.

Ndaniyen 9:3

Kage nagagirik, mbi nengga'lek nambe mage negen logonet, nayum maluk mendek yikkolage, nenggaawak paga purok yikut eekkolage, eeppunuk, nena koonogo nogoba Ala pekkage logonet, tamban eeke, nggino yoge, eereegirak.

Takariya 9:9

O Tiyon aagalogwe kit yi wae. Kinale'nggen nen lubuk yogwe. O Yerutalem aagalogwe kit yi wae. Kinale'nggen nen kina'mit piyanggogwe, Eeko logonip o. A'me nggelok eeppinagit nage, kinagap ndake, Iniki yanggonak logonet yokkirage, Eeke menggerak kinowe endagembogut nogo keledai awo ndarak amborowak paga kwi'ndak kiya wage ti, kinigen kaanip o.

Matiyut 6:33

Kit aa'nduk kinogoba abu'me pinagarak, Ao, mbakwi, ndi, at obeelom lombok eeke logorak mbake nogo, kit ndak-ndak eeko logorak miikwi, eeko logonip o. Togop eekwi kiinok, kit nen, Ti mendek lek me, uugwe mbakwi nogo inom abok aret oba lunogo wokkirage kaamunggup o.

Lukat 10:42

Ambiret mban miippunuk, eeriyak perak op o. Ndi, kat kawuluk Mariya nen ti aret miikerak me, an, Mage, yorigin mondok lek o,” yinuk, yoreegerak.

Lukat 13:24

Yoge mbareegi, Yetut nen, it yorage logonet, “Tu mbuuluk paga unggwi noorak nduk, lin wako logonip o. It aakumi apit aret unggwi noorak nduk, eeremenggaarak kwe, meek tit kaagun o, yinuk, yokkege agarik o.

Lukat 18:1

Ti yorage nagagerik, aakumi anggon-panggon eeginaka'lek tamban mban eeko logowak nduk, Yetut wone yi, eegu laarogo at oone waganggwi nogo yorage logonet,

Lukat 2:37

ti'nuk, togwe kagak tahun 84 eereegerak me, abu kweegelo aret agagerak. Ala awi wurik me nen wundi naga'lek mondok time aret liingge-oonikiya Ala ake eeke logonet, mbi nengga'lek ambe mage negen eeppunuk, tamban mban eeke nagagerak.

2 Korindut 3:18

Togop me, nit ninetenggen nobarak togop ti wonogwe lek o. Ninowe mondok tiyanak aakumi inigen kogo logonet, “Wi,” yuwak nduk, Ala awukagi negen nit aret ogoorik o. At ninowe mondok tiyanak kenok aakumi nen, “Wi!” ugwi nogo, nit togon liippugwi niigak, at etenggen ndak-ndak logowok nduk, Aberiniki nen ninobaabut koonogo pinanit namenggi-namenggi irip paga at etenggen ndak-ndak eerogo pinanigin o.

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.

Pilipi 3:13

At nen eeppaniyak nduk, mii'nabeegerak nogo ti, muk eeppaneegerak me nduk, yokkiragi ti lek o, noreewi. Ata, an aa'nduk eeke nagagirak nogo, nggonenogo nambokan mbo punuk, ngget mendek eeppaniyak koonogo pereegerak nogo, kola naakit nduk eeke logonet,

1 Timotiyut 5:5

Kwe ambi togwe aret kwe, aagalogwe nen yeenggwaaga'lek kenok, “Ala nen yeenggwaanege logowak o,” yinuk, iniki Ala paga lunik logonet, ko'lu-kii'me Ala nggino yoge, tamban eeke, eeke menggerak kenok, kwe ti, abe togwe aret o.

Iberani 11:6

“Ala abet aret menggerak me, niniki abe paga at owagam nogwe niinok, onggo wo'niraagin,” abet aret mbako logonet, at owagam nagak eekwi niinok, inikilom ninombake menggerak kwe, aap ambit-ambi abet mbaka'lek kagak, at owagam nage kenok perak, Ala inikilom ombarigin abu lek o.

1 Tamuwen 1:11

“Ai, nogoba. Kat Komaawi Lombok Menggendak Kaliku ALA aret me, kayeloman niniki tebenak wonage yi, liippanege, ndi, an kayeloman kee'nggot aga'lek abe'nake, eeke logomenggendik, naagaluk aap ambi wo'niru o. Wo'nege keenok, at eenik kagak eeruwak mbangga'lek mondok-mondok Kaliku ALA kake leenogo teppagagin o,” yinuk, wone abuk nggaruk togon kumbuk mbanogo Aliku ALA yoreegerak.

1 Tamuwen 22:10

at Akimelek nogo nen Ndawut ake at Alik ALA yoge nagaarik, mbi kambu inom, aap Pilitin mendek Nggoliyat obaloowi nogo inom, wogoge kagarak o,” yinuk, yoreegerak.

1 Tamuwen 30:8

Ndawut nen Aliku ALA yoge, “It aap a'nggan wogonaka nen ninakuwi-ninapuri wogoren nagaarak nogo ti, muguren na ilik? Ndi, muguren nage neenok, ninom lambunugun ilik?” Yoge mbareegi, Ala nen wone onggo yoge, “Muguren nak o. Muguren nage logomenggendik, kinom abuk a'nuk, ndiniren woraamunggun me, nak o,” yoreegerak.