Ndawi 27:2 - Ala Wone Peenok Peebi Mbanak

² It aap maluk eeka nen namiya nawok nduk wogwe, Nawim mendek inom, ninom ogoorak inom, Nen nooriyak nduk wogwe, Eeremenggaarak kwe, Iniyok lik togon yigeebu wambit nogo logogun o.

Ndawi 27:2 ပူးပေါင်းရင်းမြစ်များ

Ayup 19:22

Ala nen mu'neren wage menggi kwak, Kit nonggop nduk mu'neren wogo ogotik? Neebe nibinogo nenet mban nugwi yi, Ndonggoppinaga'lek ya?

Ayup 31:31

Aap ugun-ugun yowaarogo mambiige, It aap nggiru wogwe iinok, Endekem nogo yega'lek ninom nogo yuwok nduk yorage, Eeke minggirak me, It an ninom wonogwe nogo nen yogo logonet, Ayup nen mbi ma'niraga'lek we ninom nogo yogoorak o, Yinuk, taamini nen yogo menggaarak mbakop? Lek aret o, yinuk, yogo menggaarak o.

Ndawi 118:12

Nggiin aap inoba ninggirinakwi kwak, an ninggi'nakaarak kwe, Kani nen iri'ngga ne ambit wunuk togon nengge kwak, It togop aret neenogo piinet nage, Aliku ALA omaawi paga niyok konden yigirogo piige, Eekirak o.

Ndawi 14:4

Aap mbi ne ambit lek eerogo nonggo mengga kwak, Aap maluk eeka nen An napuri inambeme yonggorinabit nugwi, “Kaliku ALA o,” yinuk, yoga'lek we nugwi, Eerit nugwi yi, “Nonggop eeko ogoorik o?” yinuk, liippaka'lek agaarik ya?

Ndawi 18:4

Kanggwi ageele paga pirik-perek eerogo panege, Niyo wu'nuk nage logonet, Mu kale'ngga wonok nage menggi kwak An togop aret ee'nake,

Ndawi 22:16

Yi nggeewo ndi nggeewo ineyak nde agan wangge'nakwi, Aap a'nggan wogonaka nen wanggeppaninuk wonogwe, Neenggi-niyok pulu warogo panugwi, Eekaarak me,

Ndawi 3:7

It ninom wim mbanak abok aret Ineegwak nenenogo nappiige, It maluk eeka ineyak langgunogo nappiige, Eeke menggendak me, Kaliku ALA wae. Kenegen an liippanege, Ndi, nogoba Ala wae. Kat nen an nagap ndake, Eeru o.

Ndawi 53:4

Aap mbi ne ambit lek eerogo nonggo mengga kwak It aap maluk eeka nen an napuri inambeme yonggorinabit nugwi, “Nogoba Ala o,” yinuk, yoga'lek we nugwi, Eerit nugwi yi, “Nonggop eeko ogoorik o?” yinuk, Liippaka'lek agaarik ya?

Ndawi 9:3

Kat wone lengganogo yorage menggenom kwi'na'nuk, eekaatak nogo liirogon inowak loongge, Nawone inom, nobaalombok eeriyak inom, koonogo panege, Eekendak me, Nawim nowagam nen kole mbaganit nogwe, Kenegen keegak iniyogobit lik togon kambit nogwe, Eeko agaarik o.

Yetaya 8:15

It aakumi ambik aret an paga iniyogobit li-li ngginnogwe, Yigeebu wanggo logonet, ineenggi-iniyok kalenak-pugunik nage menggi kwak ogwe, Keele pugu kwak an paga yilunggolamenggaarak me, piginakwi, Eerugun o,” yinuk, an yo'negerak.