Ndawi 27:11 - Ala Wone Peenok Peebi Mbanak

¹¹ Togop me, Kaliku ALA wae. It tebenogo paniyak eekwi ineebe ambik wonogwe me, Tu kat eerit nage nogo titi'nege, Tu koonak paga pi'neren nage, Eeru o.

Ndawi 27:11 ပူးပေါင်းရင်းမြစ်များ

Ndawi 119:10

Togop me, an niniki ambit eeppunuk, kat mukkeren wage minggirak me, Koone, “Yogop ee'nu ndogop ee'nu,” yugu nogo Teppunuk, nomo agan nage neyo, Eraangge mbo paniyak mage o.

Ndawi 139:24

An maluk eerit noorak ee'nake kero, pe'neege, Ineenik mondok-mondok wonogo menggam tu ti paga wo'neren nage, Eeke logot o.

Ndawi 25:12

Aap ta nen Kaliku ALA agabiti kombake menggerak? It aap inagabiti kombakwi iinok, It eeko logorak koonogo piigendak nogo liirogon mamunirage logomunggun o.

Ndawi 25:9

It aap iniki tebenak menggaarak nogo Tu obeelom paga wogoren nage, Kat kiniki mbake nogo mamunirage, Eeke menggendak.

Ndawi 26:12

An niyok o kobappaga yappunuk mi'ndak wonage me, Kapuri apit kuwak aago wonogwe inenggela'me Kaliku ALA kalut eeke logogin o.

Ndawi 5:8

Kaliku ALA wae. Ninom wim mbanak nen nookwi iyo, “Tu ndi paga nawak,” nomba'nuk, koonogo panege, Kat obeelom mban eeke menggendak ti paga wo'neren nage, Eeke logot o.

Ndawi 5:9

It inoone yogwe nogo abe ambi yogwe mbakulik o. Inikime obari maluk mendek mban yagabit aago wonage, Inale'lok ti, aakumi nggween taanak ambe paganak a aago menggi kwak wonogwe, Ndi, inoone pilit mban pugunit nugwi, Eeko menggaarak o.

Ndawi 54:5

Togop aret me, it maluk eeppaniyak koonggwi nogo Melak togon inoba kwippiige, Kat abe li'lak mban eeke menggendak me, It ineebe lek eerogo piige, Eeru o.

Ndawi 64:6

Iniki ambit eeppunuk, Aap wi-wi aganaburak koonogo pogo logonet kwe, “Nit wone mondok iya abe lombok eeppiyoorak koonogo pogoorak o,” yinuk, yogwe, Eeko menggaarak. Aap iniki mbakwi inom, inikime lubuk koonogo pugwi inom, Ti mondok iya lombok koonggo menggaarak me, Wi!

Ndawi 86:11

Nogoba o. An eerit nage logonet, Kat abet mban ari menggendak wone an ndak-ndak eerit nage logokit nduk, Kat eerit nage nogo an mamunnege, Nogoba o, yinuk, kayuk wuke logokit nen niniki mbere lek ambiret eerogo panege, Eeru o.

Kini Wuppiige 15:19

Aap eenggi tanep nen eerit nage nogo ti, tu alok nombanak kwak wonage menggerak kwe, Aap iniki koonak nen eerit nage nogo perak, tu abe yarak kwak wonage menggerak.

Kini Wuppiige 8:9

It aap wone yelok kaga nen noone ari ti, abe koonak aret ari neegwi, It aap yi wone ndi wone ineenu aga nen noone ari ti, maluk lek abe mban ari neegwi, Eeko menggaarak me,

Yetaya 35:8

O time tu nggwok wonage logogin me, tu endage, “Aap Iniki Kikak Naka'lek Nogo Menggam,” yogo logogun o. It aakumi inabin koorak lek maluk eeko menggaarak kenok, tu ti paga nogo logogun lek o. Ata, it tu ti paga noorak uugwe mbakwi kenok mban nogwe, It aap iniki yuundurak kwe, tu kin aret me, kobak aga'lek nogwe, Eeko logogun o.

Yeremiya 20:10

It aakumi apit aret nen, Inamineeri ne agan noorak mendek yi o ndi o ndak warit nege o. At eekerak yora nawi, yora nawi, yinuk, Inoone mumun paga yogwe naruk konengge agarik o. Noreewi kunduk nen an ambi eeriminggirak paga yilunnabuwok nduk, to'neego logonet, Ambokan laganemenggaarak paga yigeebu wangge kagak Nit tebenogo punuk, oone omaawi paga yo'nirage nagaarak nogo onggo eeppuwok o, yinuk, yogo agaarik o.

Lukat 20:20

It Ala wone liiru mbanak unde inom, it aap Ala unde inoweewi inom, nogo nen Yetut inigen wonok nugu logowak nduk, inawuri nappiyareegwaarak. Inawuri nappiyareegwaarak nogo nen, “Yetut oone ninggin yemenggerak paga yilumbunuk, eebe pigogo aakumi inarum menggerak gubernur nogo nen awone mbaniyak at obaalombok aret me, awone mbanuwak nduk, pi nawok o,” yinuk, “Nit aap abet ninombaruwak,” mba'nuk, inoone abet ndom-ndom agan nugu nogogwaarak.