Ndawi 27:10 - Ala Wone Peenok Peebi Mbanak

¹⁰ An nagalo-nogoba nen teppanemenggaarak kwe, Kaliku ALA mbo panumunggun lek wo'nabumunggun aret o.

Ndawi 27:10 ပူးပေါင်းရင်းမြစ်များ

2 Tamuwen 16:11

Yorage nagagerik, at Abitayi inom, at awuri inom yabu eeko menggaarak inom, yorage logonet, “Napuluk nen kwe, nooriyak ari me, at aap Mbeniyamin mendek yi, nooriyak ari paga iya mbarugup o. Aliku ALA nen togop yogerak paga nen pulunogo panege kagak yukwak, teppinip o.

Ndawi 69:8

Nowe-nawot nen, “Aap alik mendek,” nombakwi, Nit ninagalo ambit aret kwe, “Kat kwe alik aagaluk o,” yinuk, yo'nugwi, Eeko agaarik o.

Yetaya 40:11

Aap ambi andomba ndegeninake menggi kwak andomba ndegeninake, Ndomba aagalogwe waganogo ogome wogonake, Wogoren nage logonet, aagalogwe inelak kuninake kagak toriige, Eeke agaarik o.

Yetaya 49:15

Ari kenok, at Ala nen ari logonet, “Kwe ambi aagaluk awo elak nengge kagak ami age, Ndi, at lombok nen ndareegerak nogo abuwa mbaka'lek mbo pege, Eeriyak op mbaken? At aagaluk mari eerogo pemenggerak kwe, an perak, kat o Tiyon nogo koba mari eerogo pagagin lek o.

Matiyut 10:36

It aap wim nggaganggwi nogo ti, inawi ambit me mendek nen aret eekwi iyaamunggup o.

Yaya 16:32

Wologwe! Kit apit an mbo paninuk, kiname lombok ma'nariyak eyom peebi kwe, yogondak muk panggoni wagaarak o. Kit an mbo paninuk mbaganumonggotak kwe, nalik logogin lek o. An nogoba nimbirak aret logogin o.

Yaya 9:35

Mugogo wumbereegwaarak Yetut aruk konengge nagagerik, ti'nuk, peebi imbirak lambumbunuk, at yoge logonet, “Wulaga! At aap aret nda'nagagerak nogo kiniki oba panggombunuk, abet mbake agandik ilik, lek a?”

2 Timotiyut 4:16

Aa'nduk, nawone mbaniyak nduk, eekwi me, noreewi ambi abu neya woroolik abok aret mbo paneegwaarak kwe, nowe Yetut nen perak, nimbirak logonet, niniki eyak wappaneegerak. An obeelom wone yorage logokit nduk, mippaneegerak nogo, ambi wuppulik tigitogon it aakumi endekem mendek abok aret konenuwak nduk, “An yoraakit o,” yinuk, mi'nage neegak, nowe nen mban nomaawi eeppanege, niniki eyak wappanege, eereegerak o. Togop me, maluk eeppaniyak mbakaarak nogo singa ambeme nen ndinggwi kwak, ndinnabeegerak. Ndi, noreewi mbo paneegwaarak nogo maluk inoba piige kero, Ala yoge minggirak.