Ndawi 26:4 - Ala Wone Peenok Peebi Mbanak

⁴ It aap inambokan lagangga ninom kwi'nage, Iniki mbere ninom wone koongge,

Ndawi 26:4 ပူးပေါင်းရင်းမြစ်များ

Ayup 31:5

An pilit pugunit nage logorak mban ee'nake, Aap inambokan laganiyak mban ninikilom mbarit nage, Eeka'lek neenok,

Ndawi 1:1

Aap ambi it aap maluk eeka nen yogwe nogo mugurok nage, It aap maluk mendek nen yogwe nogo konenikit mba'nuk inom ari nage, Ala wone meek eerogo pega nogo inom kwi'nage, Eekeelik kenok, Ale'nggen aret mbake menggerak o.

Ndawi 101:4

It aap iniki nggolawe nogo tayorogon piya nage, It maluk eekwi ninom eeriyak mondok neebi mbake, Eeke logogin o.

Ndawi 119:115

“Nogoba Ala oone, Yogop ee'nu ndogop ee'nu, Yugu nogo porogo logonet eerit nage minggirak me,” Kit aap maluk eeka yi, an wonage me nen mbaganinip o.

Ndawi 119:63

It aap kat kayuk wukwi, Eeko logorak koone yugu mugurok nogwe, Eeko menggaarak abok aret Ninom niniki kunik minggirak o.

Kini Wuppiige 12:11

Aap ambi anggween mban eebi-eeba eerit nega ti, ambi ndonggorogon nengge menggerak kwe, Aap ambi, “Yogop kwak kolaane,” mbake nogo mban mugurok nage kenok, aap ti, iniki lek yuundurak aret wonage menggerak.

Kini Wuppiige 13:20

Aap ambi nen aap iniki warak imbirak kunggolage kenok, at iniki warak aret age, Ndi, aap ambi nen aap wi negen imbirak kunggolage kenok perak, at eebe aret maluk eekkolage, Eeko menggaarak.

Kini Wuppiige 9:6

Kinale'nggen logonet, kineenik logomunggup nduk, Kiniki lek wi negen eerit nugwi ti, mbo punuk, Yi wone ndi wone ineenu nen eeko menggam mugurok nogo logonip o.

Yeremiya 15:17

It aakumi kuwak a'nuk inagi'ndok kambuurak agan nogo logonet, ugun-ugun eekwi, Wone i'ndok kambuurak mban yogwe, Eekwi me time An ninom kwi'nageelik o. Ata, koone eeke logokit nduk, keenggi pi'nake, It eekwi ti mendek neebi lombok mbarikit nduk, eeppanege, Eekendak paga Nalik mbeyok togon aret kwi'narit nege minggirak kwe,

1 Korindut 15:33

“Kit kinobaabut obeelom wonogwe nogo nen aakumi maluk eekwi kinom nugwi kiinok, kinom maluk eekkolaamunggup o,” yinuk, yogo menggaarak nogo ti, abet aret yogwe me, aakumi nen wone alik yokkirogo logonet, kinambokan laganggwi iyo, kiniki liippinip o.