Ndawi 26:1 - Ala Wone Peenok Peebi Mbanak

¹ Kaliku ALA wae. An maluk noba lenggenggulik kagak nege, Niniki yungguppegak eekeelik Kaliku ALA koba panggombege, Eeke minggirak me, “Aap yi abe aret kagi,” nombaru o.

Ndawi 26:1 ပူးပေါင်းရင်းမြစ်များ

2 Endagembogut 20:3

“Kaliku nogoba ALA o. An yi, niniki-neebe nggaruk togon wokki'nuk, kenggaanom paga li'lak mban eeke, kenegen keegak obeelom mban eeke, eeke minggirak nogo keenu o,” yinuk, tamban eeke logonet, iniki abu puru yinuk, le yereegerak.

Ayup 2:3

Yoge mbareegi, Aliku ALA nen Tile yoge, “An nayeloman Ayup aakumi o nggween paga menggaarak ndak-ndak lek alik mban iniki abu koonak me, aakumi inoone oba pega'lek wonogwe iigak, an Ala nayuk wuke, Maluk neebi o, yinuk, mbo pege, eeke menggerak nogo kat liippege agandik ilik, lek a? Alom lek kagak an nen Ayup maluk eerogo pikit nduk, nabenak mban yo'nirit unggwage mbaken, E, yokkigirak wakkagandak kwe, at iniki abe koonak nogo lek aga'lek mondok nu'lek aret wonage o.”

Ayup 4:6

Kat nen Ala kagabiti mbake ti paga kiniki panggombunuk wonage, Aakumi inoone koba pega'lek ti paga kiniki lunik wonage, Eeke logorak lek mbaken?

Ndawi 121:3

Kiniyok eraabin tuk togon eekkirage kero pikkinake, At kinarum waka nogo, nogo lomok yaga'lek eenik aret wonage,

Ndawi 15:2

It maluk inoba lenggengga'lek kagak nugwi kenok, Wone yugu a'me liirogon eekwi kenok, Inikime nen wone abe wone mban yogwe kenok,

Ndawi 25:2

Nogoba Ala wae. Niniki kat koba panggombunuk wonage, Eeke agarik o. An nenggali eerogo panugwi, Nawim nen an tebenogo paninuk kunu waganggwi, Eekwi iyo, non mbanogo piyet o.

Ndawi 25:21

Kat paga niniki lunik minggirak me, An pilit ariilik abet mban ari, Koonak mban eerit nage, Eeke minggirak ti paga nen wo'neren nawak o.

Ndawi 26:11

An koonak mban eerit nege me, Nabuwa mba'nuk wondet eerogo panu o.

Ndawi 28:7

Nomaawi inom, nanggeemu kwak inom, Kaliku ALA kat aret o. Niniki koba panggonak wonage neenok, Yeenggwa nege menggendak me, Niniki ale'nggen alik negen ee'nake, “Wa!” lombok yokkege, Eeke logonet, Ndawi wake agarik o.

Ndawi 31:14

Togop aret kwe, Kaliku ALA wae. An perak, niniki koba panggombege, “An nogoba ti, Ala aret o,” yinuk, ari, Eeke agarik o.

Ndawi 35:24

Kaliku nogoba Ala wae. Kat aakumi inawone abe mban mbangge menggendak me, It aap nogo nen, “Op togon eeppogo a!” yinuk yogwe, “Kayik a! Nit niniki mbakoorak nogo A'me nggelok yigi,” mbakwi, “Ninambeme abu yonggologo pogo o,” yinuk, yogwe, Eekwi iyo, Kat nawone liirogon mbanogo panege logot o.

Ndawi 37:31

Ala wone yugu Muta liiru mbaneegerak nogo Inikime porogo wonogwe kenok, Tu nogo logonet, eraabin tuk togon yigeebu wambugun lek o.

Ndawi 4:5

Kiniki Aliku ALA oba panggombunuk logonet, Wone yugu ndak-ndak Ala ake warogo wogogo logonip o.

Ndawi 43:1

Ala wae. Naana'le liirogon mbangge, Aakumi koone liirogon mugurok nogolik mendek nen inoone maluk noba panugwi iinok, Kat nawone amburu mbangge, Aap maluk mendek aakumi inambokan lagangga nogo Ineenggime nen nagap ndake, Eeru o.

Ndawi 54:1

Ala wae. Kendage tiyanak menggendak me, nagap ndake, Komaawi lombok menggendak me, naana'le mbanogo panege, Eeru o.

Ndawi 62:2

Nayugum nu'lek menggi kwak inom, nagap ndaka inom, pak wurik kwak inom, Ti, Ala mban aret me, Niniki mondok kwi'ndak nu'lek aret agarik o.

Ndawi 62:6

Nayugum nu'lek menggi kwak inom, Nagap ndaka inom, pak wurik kwak inom, Ti, Ala mban aret me, Niniki mondok kwi'ndak nu'lek aret agarik o.

Ndawi 7:8

Kaliku ALA yi aakumi ndi aakumi inowak loongge, Eeru o. Kaliku ALA wae. Kat mondok tiyanak menggendak me, “At obeelom aret eeke, iniki abe paga mu'neren wage, Eeke menggerak ilik, lek a?” yinuk, An kunduk nowak loonnabu o.

Ndawi 94:18

An nen ari logonet, “Kaliku ALA wae. An eraabin tuk togon wangge agarik o,” ari neenok, Nabuwa nen pi'nake nagandik, nu'lek eerogo panege,

Kini Wuppiige 20:7

Aap iniki abe koonak nogo nen maluk eeka'lek abe mban eerit nage logomenggerak paga Obaane'me apuri wiganak nogo inale'nggen aret mbako logogun o.

Kini Wuppiige 29:25

Aakumi paga inagabiti mbarit nugwi ti, keele pugu kwak inenggaanok nggerenggologo menggaarak kwe, Iniki Aliku ALA oba panggombugwi nogo perak, tu kuuri'me aret nugu menggaarak.

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

Iberani 10:23

At nen, “Ndogop eeppinagagin o,” yinuk, abok yo'niragagerak nogo, alik ambi koonggak eekeelik, yegetak nogo a'me aret eeke menggerak me, nit eerogo pinaniyak wone abet mba'nuk, waganeegurak niniki lunik wonogwe nogo, mondok nggirik-nggerok agago porogo logowok o.

1 Peterut 1:5

Ninake pinanogo wonage kola noorak nit nogo ti, abet mbakwi niinok, Ala nen o age yobok paga ninagap ndariyak kooneegerak nogo, peebi togop ndak-ndak eeppinanikit nduk, yogondak Ala omaawi paga nggelorogon pinanogo wonage nogo, ninake aret pipuk eerogo pinaneegerak mbogut paga wonage o.

2 Peterut 1:10

Ti kenok, nowe-nawot o. At Ala nen miirogo pinagage nagagerik, kinayonggo pereegerak me, “Abet aret mii'ninabeegerak kogo,” mba'nuk, kiniki mondok nu'lek logonet, nggwiirit-nggwaarit eeko logonip. Togop eeko logomonggotak kenok, kit kiniyogobit lik togon yigeebu wambumunggup lek o.

1 Tamuwen 2:9

It aakumi abet mbako menggaarak nogo, Nggween ti paga iniyok pit nogwe iigak, inarum wonage, It inogogun ambik maluk eekwi iinok perak, o apit me time inoone lek eerogo piige, Eeke logomunggun o. Aap ambit-ambi, An nomaawi paga ndogop eerikit o, Koonggetak nogo aret ageelik me,

1 Tamuwen 24:15

At Aliku ALA nen ninowak loongge, nawone mbanogo punuk onggo ndak-ndak eeppinanege, naana'le mbangge logonet, kat keenggime nen ndinogo nagap ndake, eeke logowak o,” yinuk, yoreegerak.