Ndawi 25:5 - Ala Wone Peenok Peebi Mbanak

⁵ Kat nogoba Ala nen nagap ndake keenok, Niniki kat paga mban lunik neegak, o kiip age, weege, eeke menggerak me, “Wone yi abe o,” yinuk, ari menggendak nogo Eeke logokit nduk, pi'neren nage, Liirogon mamunnake, Eeke logot o.

Ndawi 25:5 ပူးပေါင်းရင်းမြစ်များ

Wakkagagerak 49:18

Kaliku ALA wae! Nagap ndarogo panenok nduk, tokkake agarik o!

Nekemiya 9:20

Mamunirage logowak nduk, Kaberiniki wogoraga'lek teppege, inambi abu aganake kagak, mbo piige, inagi abu aganake kagak, mbo piige, eerulik wogorenet wundi wage nagagindak me,

Ayup 36:22

At Ala omaawi lombok menggerak me, Endage mondok tiyanak aret mbake logot o. At mamunniraga kwak, aap ta wonage o?

Ndawi 107:7

Tu mo'mot wogoren o kota It ye mbambatinuk logowam piya unggwi wage, Eereegerak.

Ndawi 119:26

An eerit wage minggirak nogo abok aret Mbininogo yokkege mbaki, onggo yo'negendak me, Koone lengganak nogo an mamunnake logot o.

Ndawi 119:33

Kaliku ALA wae. Koone lengganak nogo Mugurok nage logokit nduk, Alom liirogon mamunnake keenok, Porogo neegak, kambuurak kuli ari nagin o.

Ndawi 119:66

Koone, “Yogop ee'nu ndogop ee'nu,” yugu nogo, Niniki panggombunuk wonage me, niniki warak ariyak inom, Yi wone ndi wone liirogon neenu ariyak inom, an mamunnake, Eeke logot o.

Ndawi 119:97

Koone yugu Muta nen liiru mbaneegerak nogo Niniki kunik lombok minggirak me, Ninikime mbininit nage neegak, Kubondendok nen nok oonikiya ari nage menggerak o.

Ndawi 22:2

Nogoba Ala o. O liingge paga wone yokkigitak kwe, onggo yo'nega'lek wonage, Ndi, oonikiya kunduk tamban eekitak kwe, Niniki kwi'naga'lek tit wonage, Eeke agarik o.

Ndawi 24:5

It aap ti, Aliku ALA nen ale'nggen inoba piige, It inagap ndaka inogoba Ala nen, “Aap yi maluk eerulik o,” yinuk, yorage, Eerigin o.

Ndawi 25:10

Kat wone abuk nggaruk togon koonogo pege logonet, “Yogop ee'nu ndogop ee'nu,” yoragagindak nogo It aap liirogon woppunuk eekwi iinok, Kaliku ALA nen eeppiyoorak mbake nogo ti, Inabuwa nen kiniki kunik eeginabit nage logonet, Liirogon obeelom mban eeppiige menggendak aret o.

Ndawi 25:8

Kaliku ALA kiniki obeelom koonak mban wonage me, It maluk eeko menggaarak nogo Tu abe paga nawak nduk, titik irage menggendak.

Ndawi 68:20

Ninogoba Ala ti, Nit ninagap ndaka Ala aret me, An nooremenggaarak kangge neyo, Aliku Itok Menggerak ALA nen An neebe nili ari logogin o.

Ndawi 79:9

Kat ninagap ndaka Ala wae. Kendage abu tiyanak wonage me, yeenggwa nira wage, Kendage tebek yukwak, Wondet eerogo pinanege logomenggendik, Ninomaluk lek eerogo pinanege, Eeru o.

Ndawi 86:3

Nogoba o. Kubondendok nen oonikiya ari nage kagak, An nggino yokkege minggirak me, nabuwa mbake,

Ndawi 88:1

Nagap ndaka Kaliku ALA yi wae. Yeenggwa nirenok nduk, liingge-oonikiya kulinik aret noone nggwok paga yokkege agarik o.

Kini Wuppiige 23:17

Kat ko'lu eeppagarak ti, abet aret wonage, ndi, kiniki lunik wonage nogo ti, lek arigin lek mondok wonage, Eeke logogin me, “It aap maluk eekwi ti, an togon eerikit lak, it mban eekwi, ao,” yinuk, mbake ti mage o. Ata, Aliku ALA kagabiti mbake ti mban mugurok-magarok nage logot o.

Kini Wuppiige 8:34

Aap ambi an noone konenikit nduk eeke logonet, Name nen wundi nage neyo, ko'lu-kii'me to'nake, Naru ngga'nggi paga narum wonage, Eeke kenok ti, Iniki ale'nggen aret logogin o.

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yetaya 35:8

O time tu nggwok wonage logogin me, tu endage, “Aap Iniki Kikak Naka'lek Nogo Menggam,” yogo logogun o. It aakumi inabin koorak lek maluk eeko menggaarak kenok, tu ti paga nogo logogun lek o. Ata, it tu ti paga noorak uugwe mbakwi kenok mban nogwe, It aap iniki yuundurak kwe, tu kin aret me, kobak aga'lek nogwe, Eeko logogun o.

Yetaya 42:16

It inigen mbuk negen wonogwe nogo tu ineenggo'lek me tu nigiren nage, It tu nogolik nogo paga wogoren nage, Tu apit aago paga nogwe iyo, nambokan wogwe iigak an naa'nduk tu eya eerogo pit nage, Tu tiyak-tebek paga nogwe iyo, an kagaarogo pit nage, Eerigin o. It inake eeriyak nogo ti aret. An mbo piyaagin lek abet aret eerigin o.

Yetaya 49:10

Inagi-inambi abu eeginake, O wiya nen aganggen eeginake, mo andi eeginake, Eeke logogin lek aret o. Inabuwa mbake minggirak an nogo nen tu nigiren nage, It wogoren yi eneeri wungge me piinet nage, Eeke logogin o.

Yetaya 54:13

Aagalogwe wologwe abok ti, Naliku ALA an aret mamunirage logogin. Inambi-inambiingga abe mendek mban nunggo logonet, iniki ugun tayenak aret logogun o.

Yeremiya 31:9

At Iterali ogoba ti an aret age, ndi, at Eparayim nogo ti, an naput manggu ndarak aret age, Eerak aret wonage me, Tu paga wage logonet, inale ambik yogwe iinok, an nen iniki eyak wappiige, Yi niyo ndi niyo nage menggim aa'nggi paga time wogoren wage, It iniyogobit mbanirage kero, tu kobappaga wogoren wage, Eerigin o.

Mika 7:7

Togop aret kwe, an nogo, an nen at Ala yoge nogo aruk konenigin me, Aliku ALA yeenggwa niri wage kero, nenegen wonage, Niniki lunik nagap ndaka ninogoba Ala nogo neya wage kero, tokkage, Eeke agarik o.

Lukat 18:7

Togop ndak-ndak Ala nen at apuri miirinabeegerak nogo inoone ko'lu-kii'me at yogwi iinok, inowak loonogo inawone abe amburu mbanigin lek mbakop? Logonuk negen inawone mbaniyak mbakop?

Yaya 14:26

Aberiniki kit kiniki eyak wappinagage logowak nduk, nogoba nen an nobaane'me nappi woraagin nogo nen yi wone ndi wone apit aret mamunggirage, ndi, yi wone ndi wone yokkirage nagagirak nogo abok aret abekkirage, eeke logogin o.

Yaya 16:13

Ala ndogop menggerak paganogo yokkiraga Aberiniki nogo wage logomenggerik perak, Ala ndogop menggerak o, yinuk, mamungginake logogin o. At iniki koombunuk nen yokkirage logogin lek o. Ata, at konembunuk mban yokkirage, ndi, peebi eeriyak wone nogo at nen paganogo yokkirage, eeke logogin o.

Yaya 6:45

It aap Ala nen yorage kagak yoraga nen liiru mbanggo logonet, Ala nen yi aakumi ndi aakumi abok aret wone mamunirage logogin o, yinuk, liiru mbaneegwaarak me, an nogoba nen wone mamunirage nogo yi aap ndi aap inaruk konembunuk, waganggwi nogo ti, an neya wogo menggaarak aret o.

Oroma 8:14

At Ala Aberiniki nen yorage kagak eeko menggaarak ti, Ala apuri aret o.

1 Yaya 2:27

Napuri o. Aberiniki kinoba wuppinagi wagagerak kinikime wonage me, aap ambi nen kit mamunggiroorak lek aret o. At nen yi wone ndi wone abok aret mamunggirage logonet, pilit mamunggirageelik abet mban mamunggirage menggerak me, at mamunggirage nogo ti, ndak-ndak eekwi kiinok, Keritut kinom kunik aret logomunggup o.