Ndawi 25:2 - Ala Wone Peenok Peebi Mbanak

² Nogoba Ala wae. Niniki kat koba panggombunuk wonage, Eeke agarik o. An nenggali eerogo panugwi, Nawim nen an tebenogo paninuk kunu waganggwi, Eekwi iyo, non mbanogo piyet o.

Ndawi 25:2 ပူးပေါင်းရင်းမြစ်များ

2 Mbinineegwaarak 13:18

Ti eereegwaarak nogo ti, it aap Yekura mendek nen inombomini inogoba Aliku Ala paga panggombunuk eereegwaarak me, ne ti eyom paga it Iterali tebenogo piinok, ineegin tiyak yereegerak.

Ndawi 13:5

Kat nen mbo panegeelik kiniki kunik ee'nabit wundi wage paga Niniki panggombunuk wonage, Nagap ndareegindak me, niniki ale'nggen mbake, Eeke agarik o.

Ndawi 142:6

An neebe abu ndeyak lombok ee'nabit unggwage me, Noone nggwok paga yokkege yi, liippanege, It aap mu'neren nugwi yi, Inomaawi ambik an tebenogo piyoorak meek me, Nili ari logonet, mugogo nappiige,

Ndawi 18:2

At Aliku ALA ti, an nayugum kwak, Nayugum pak wurogo pereegi kwak, An nagap ndaka, aret menggerak o. At nogoba Ala ti, Aakumi nen an nookwi iyo, Yugum lunik kwak abu'me pani unggwage, Nggeemu pogom mulunogo panit nege, Omaawi paga nagap ndarogo panege, Yugum pak wurogo pereegi kwak eerogo panit nege, Eeke menggerak o.

Ndawi 22:1

Nogoba Ala o. Nogoba Ala o. Kat nonggop nduk teppanege, Nonggop nduk yeenggwa nega'lek keebe nda wonage, Niniki andi logonet, noone yokkege kwe, Nonggop nduk konengga'lek keebe nda lombok wonage, Eeke agandik?

Ndawi 22:5

Inoone nggwok paga yokkugwi iinok, inagap ndarogo piige, Eeke nagagindak. Ndi, iniki koba panggonak wonogwe iinok, Inenggali ogo logolik mban.

Ndawi 22:8

“At iniki Aliku ALA oba panggonak wonage me, Aliku ALA nen aret ili ari, Ndi, at iniki kunik wonage kenok, Agap ndarogo pege, Eeruwak o,” yinuk, yogwe, Eeko agaarik o.

Ndawi 31:1

Kaliku ALA wae. An neebe op logokit nduk, Kabu'me ari unggwagarak wonage me, nenggali arukwak teppanege mage o. Kat abu liirogon abe mban eeke menggendak me, An nagap ndarogo panu o.

Ndawi 31:15

An ee'naburak koonak nogo ti, Kat keenggime wonage agaarik o. Nawim ineenggime nen ndinnake, It mu'neren wogwe nogo mugogo nappiige, Eeru o.

Ndawi 31:2

An yokkege neenok, karuk liirogon nggoongge, Mbet-mbet aret yeenggwa niri wage, Puut lunik abu'me mengga kwak An neebe op logorak togop aret eerogo panege, An nagap ndarak logokit nduk, Yugum pak wurogo pereegi pogom eerogo panege, Eeru o.

Ndawi 34:8

Aliku ALA mondok obeelom aret menggerak kineenu arubagip nduk, ombat wakkaanip o. Ineebe op logowok nduk, abu'me ari unggwogwe nogo Inale'nggen aret mbako logogun o.

Ndawi 37:40

It aap nogo ti, Aliku ALA nen Yeenggwaarage logonet wondet eerogo piige, Ineebe op logowok nduk, Aliku ALA abu'me menggaarak me, Aap maluk mendek ineenggime nen ndinogo inagap ndarogo piige, Eeke menggerak o.

Ndawi 41:11

It ninom wim mbanak nen Tebenogo paniyak mbakwi nogo Non mbanogo piigendak ti paga An kinikilom nombake menggendak ti, neenu agi o.

Ndawi 56:1

Ala wae. Nawim nen nooruwak nduk, nggobok nirit nugwi, Pi'nabuwok nduk, ko'lu-kii'me Nappanggak-wappanggak nugwi, Eekwi yi, nabuwa mbaru o.

Ndawi 7:1

Kaliku nogoba Ala wae. Neebe op logokit nduk, kabu'me ari wagi o. It aakumi mu'neren wogwe nogo abok aret ineenggime nen ndinnake, nagap ndake, Eeru o.

Ndawi 71:1

Kaliku ALA wae. Neebe op logorak kabu'me kwi'nari unggwagarak me, Nenggali aruwak nduk mbo paniyak ti mage o.

Ndawi 91:2

An nen Aliku ALA yoge logonet, “An neebe op logowam inom, Pak wurogo pereegim inom, ti, Niniki koba panggonak nogoba Ala kat aret o,” Yinuk, ari logogin o.

Ndawi 94:3

Kaliku ALA wae. It maluk eeka nogo Onggo eeppiiga'lek keegak ne mande ari nage, It aap maluk mendek nogo Inale'nggen mbakwi iigak, ne mande ari nage, Eerigin o?

Yetaya 26:3

Aap ambi Aliku ALA oba panggonak wonage kenok, iniki nu'lek wonage nogo, Iniki ugun mondok tayenak logowak nduk, Aliku ALA nen eeppege menggerak o.

Yetaya 28:16

At Aliku Itok Menggerak ALA nen yegerak yi aret. “An nen ogowa pugu mondok nu'lek logowak nduk, Yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, iniki yungguppegak eeke logogin lek o.

Yetaya 37:10

“Kitikiya wae. Kat Yekura inowe kendagembogut aret me, kat kiniki kagugi oba panggonak nogo nen, O Yerutalem yi, aap Atiyut inowe endagembogut eenggime arigin lek o, yinuk, yokkege ti, kambokan laganikit nduk yokkege me, liippuurak mage o.

Yetaya 37:20

Kaliku ninogoba Ala kat perak, yi aakumi ndi aakumi inabu'me piigo menggam o nggween paga wonogwe yi, abok aret Ala kalik aret wonage ineenu aruwak nduk, Kaliku ALA nen aap ti, eenggime nen ninagap ndaru o, nogoba,” yinuk, tamban eereegerak.

Yetaya 37:35

At Aliku ALA nen ari logonet, An nendage maluk age, Ndi, nayeloman Ndawut nimbirak wone koonogo pereegirak nogo mbeyok ari, Eerukwak, An nen aret o kota yi, ambi age kero arum wonage, ili ari, Eeke logogin, yegerak o,” yinuk, yoreegerak.

Yetaya 41:16

Ameneno wambit nage kenok, o wiya nen wonok nage, Wiya omaawi nabuninuk wage logonet, ameneno wonok nggarek ari, Eeke menggi kwak Togop aret eerogo piyaamunggup kwe, kit perak, Naliku ALA eeppinagage paga kinale'nggen nggwok nombakwi, An Kikak Nakeelik Nalik Leenak kinogoba nendage tiyappanugwi, Eeko logomunggup o,” yinuk, yorage kagarak o.

Yetaya 49:23

Wologwe-komologwe ti, ndegeninako logowak nduk, it yi aap ndi aap inendagembogut kogobamini negen ogwe, It inakuwi kumi yo'nggok nogo inaagalogwe negen eeppiinok, inelak kuninabuwak nduk, kagalomini pogom ogwe, Eeko logomenggaarik, It nen nggween paga inanep kumbunuk kayuk wukwi, Kabu'me tebe yinuk, kiyok paga pirik-perek yogwe, Eeko logogun o. Ti eekwi iinok, Naliku ALA an aret keenu arumunggun o. It aap an paga iniki lunik wonogwe nogo inenggali arugun lek o,” yinuk, yoge kagarak o.

Yeremiya 17:18

It aakumi an piya'nabit nugu menggaarak nogo inenggali aruwak nduk, eeppiyoorak op aret kwe, An nenggali aruwak nduk, mbo panege, It inaganak waruwak nduk eeppiyoorak op aret kwe, an naganak waruwak nduk, eeppanege, Eeriyak mage o. Aakumi aaninggin inoba piyoorak koonak nogo ti, aaninggin inoba kwippiige, Ndi, maluk eerogo piige logonet, maluk ne mbere eeppiyookwak nggwik togon aret eerogo piige, Eeke logot o.

Oroma 10:11

“Aap ambi iniki at oba panggombege kenok, enggali arigin lek o,” yinuk, yereegerak liiru mbanak nogo ti,

Oroma 5:5

Ndi, niniki lunik togop aret wonogwe me, at Ala nen Aberiniki wo'niragagerak ti paga Ala iniki kunik nen mondok alik negen ninabuwa mbake menggerak nineenu logonet, niniki lunik wonogwe nogo kolaagun aret mbakwi me, niniki piirik wonogwe lek o.