Ndawi 25:15 - Ala Wone Peenok Peebi Mbanak

¹⁵ Keele pugu kwak niyok yilinogo panugwi iinok, Kat Kaliku ALA nen mban Piinogo panege menggendak me, Kat nengga loolo paganuk agarik o.

Ndawi 25:15 ပူးပေါင်းရင်းမြစ်များ

1 Endagembogut 1:20

Togop me nogoba kendagembogut wae. It aakumi Iterali abok nen kat nogoba kendagembogut logonet, wone lengganogo yorage menggenom kobaane'me ta mippuurak ari keyaamun? yinuk, kat ari keyo mban tokkeego agaarik o.

2 Mbinineegwaarak 20:12

Kat ninogoba Ala nogo lek a? It ineegin warak mondok alik negen aago ninoba kwi'nari unggwi woroorak eekwi yi, nit ninomaawi paga it eeppiyoorak meek me, kat nen aaninggin inoba kwippiyet o. Nit nen eeppiyoorak meek kenok, kat mban ninigen pekkeego o,” yinuk, tamban eereegerak.

Ndawi 123:2

Aap ambi ayeloman aap nen ogoba paga Iniki panggonak logonet, at mban pekkage, Kwe ambi ayeloman kwe nen agalo paga iniki panggonak logonet, at mban pekkage, Eeko mengga kwak, Aliku ninogoba Ala nen Ninabuwa mbaka'lek tit kagak Ninigen loorit mban unggwogo logowok o.

Ndawi 141:8

Togop kwe, Kaliku Kitok Menggendak ALA wae. Kat mban nengga loolo eeppaganuk wonage, Neebe op logokit nduk, kabu'me ari unggwage, Eekirak me, An kambikit nduk mbo paniyak mage o.

Ndawi 31:4

Neebe op logorak keebe aret me, Towe pigaawok nduk yum tugunogo pogo mengga kwak, Time nggelok yi nage neyo, Tu nomonogo nappanege logot o.

Yeremiya 5:26

It an napuri inenggela'me time aap maluk eeka mendek wonogwe me, Keele pugume towe ineenik ngge-ngge yiluninake menggi kwak aakumi yilunogo piigwi, Pagi wariyak ta'na pogo mengga kwak aakumi maluk eeppiigwi, Eeruwok nduk, Toriigo menggaarak.