Ndawi 24:6 - Ala Wone Peenok Peebi Mbanak

⁶ Aap ti ndak-ndak ndarak nen Ala mugurok nogwe, Aap ti mendek Yakup ogoba Ala enete kaawok nduk, kwaarit nogwe, Eeko menggaarak o.

Ndawi 24:6 ပူးပေါင်းရင်းမြစ်များ

Ndawi 105:4

At Aliku ALA mban mugurok nogwe, At omaawi eeppinagawak nduk nggino yogwi, Ko'lu-kii'me enggaawak koorak nduk owagam unggwogwe, Eeko logonip o.

Ndawi 22:30

It aakumi wigannarit wundi wogo logogun nogo nen Kalut eeko logonet kake eekwi, It peebi nda'narit wundi wogo logogun nogo nen Kat nogoba Ala kabok yogwe nogo konenggwi, Eeko logomenggaarik,

Ndawi 27:8

Kat nen ari logonet, “Nenete neyaanok nduk kwaa'nabi mok o,” Yo'nege keenok, an niniki nen, “Aliku ALA enete kaakit nduk kwaari na o,” Yinuk, kwaakkabit wage me,

Ndawi 73:15

“It yogwe ti, an togop aret yigin o,” yinuk, yenetak en, Ala apuri yogondak ndarak ti, meek eerogo piyanetak o.

Yetaya 53:10

At Aliku ALA kooneegerak paga awinde-obaande eeppugwi, Yagan wake logowak nduk eeppugwi, Eereegwaarak o. Ndi, it aakumi maluk eekwi lek eerogo piyaawak nduk, “At eebe waruwak o,” yinuk, kooneegerak paga wareegwaarak kwe, At paga wiganak enegen iige, At nda'nagagerak eyom nggorek ari nage, Aliku ALA nen at eeriyak mbareegerak nogo eerit nage kenok, abe age, Eerigin o.

Yaya 1:47

Yoge mbareegi, Yetut nen aap Natanayen at owagam wage enegen kage nagagerik, at abok ari logonet, “Aap Iterali mondok abe oone mbere ariilik yi kaanip o.”

Oroma 4:16

Togop me, it aakumi Muta yoreegerak wone nogo woppunuk eeko menggaarak inom, ndi, at Abarakam iniki abet mbareegerak kwak, it abet mbakwi inom, nit abok ninombo Abarakam aret me, Ala nen abok yoreegerak woorak ti, at ombowologwe nit eekwi paga lek o. Ata, “Abet mbakwi paga Ala iniki kunik en onggo lek we aret unde eeppinanege kagi,” mbaruwok nduk, yoreegerak.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.