Ndawi 24:1 - Ala Wone Peenok Peebi Mbanak

^1-2 At Aliku ALA nen Niyo yenggenak abena kagak, Nggween ogumbaga ndoonogo pege, Niyo nage irimbaga nu'lek eerogo pege, Eereegerak me, Nggween inom, yi mendek ndi mendek nggween paga wonage abok aret inom, Aliku ALA unde wonage. O nggween yi inom, yi aakumi ndi aakumi nggween paga wonogwe abok aret inom, At mban unde wonage, Eeke menggerak o.

Ndawi 24:1 ပူးပေါင်းရင်းမြစ်များ

1 Mbinineegwaarak 29:11

Kaliku nogoba ALA o. Mbogut-nggween unde wonage kat aret me, Yi aap ndi aap iigak, Kat mondok iya, komaawi ambik, Kendage tiyanak, kayuk warak, Aakumi nen wiigugo agaarik o. Kaliku nogoba ALA o. Yi aap ndi aap inabu'me piinok, Wonogo menggam tebenak iigak, Kat kabu'me piinok, Wonage menggenom abu tiyanak aret o. Yi mendek ndi mendek abok tebenak iigak, Kalik mban tiyanak inarum wonage o.

1 Mbinineegwaarak 29:16

Kaliku ninogoba Ala wae. Kendage mondok alik leenak nogo, tiyappagago logowam kawi wuriyak yi mendek ndi mendek mondok iya lombok kuwak eerogo pi wogoorak yi, abok aret kat nen wo'niragandak kamendek nogo aret pi wogo o.

2 Mbinineegwaarak 25:9

Yoge mbareegi, at Amatiya nen aap Ala wone liirogon eeka nogo yoge logonet, “Aakumi Iterali mendek it ineegin warak ineebe seratus ribu ninom wim eeriyak onggo wogoragarak ti, nonggop o?” Yoge mbareegi, aap Ala wone liirogon eeka nogo nen wone onggo yoge logonet, “Ti wu nggwok aret wogoragandak kwe, Ala nen abu nggwok lombok wokkirigin meek mbaken?”

Ayup 34:13

O nggween yi, arum logowak nduk, taamini nen at mippugwi, Mbogut-nggween abok aret, Kat aret unde logot o, Yinuk, taani nen at yogwi, Eereegwaarak mbakop?

Ayup 41:3

It inoone yanggik-yanggok yokkugwi, Ninabuwa nen teppinanu o, yinuk, yokkugwi,

Ndawi 50:12

O nggween inom, Yi mendek ndi mendek ogobakkigirik nggween paga wonage abok aret inom, Ti an unde aret me, An mbi abu nen nggino yokkiroorak lek aret o.

Ndawi 89:11

Mbogut inom, nggween inom, kat aret unde wake, O nggween yi alom kwippege, Yi mendek ndi mendek nggween paga wonage yi, Abok aret wakkage, Eereegindak o.

Ndawi 89:12

O omarip paga pa'nggwe inom, o ame pa'nggwe inom, ti, Kat nen aret wakkagagindak me, Kendage kunggwi iinok, puut Tabot inom, Keromon inom, Inale'nggen nen ndawi wako menggaarak o.

Ndawi 98:7

Aliku ALA nen it nggween paga wonogwe nogo Inowak loonikit nduk wage, It o yime menggaarak nogo Eeremenggaarak a'me nggelok inowak loongge, Yi aakumi ndi aakumi eeremenggaarak ndak-ndak eeppiige, Eeri woraagin me, Yi kole laut inom, inikime menggaarak inom, mbo laganggak yogwe, O nggween yi inom, o yi paga wonogwe inom, kwirabok agan nogwe, Yi niyo ndi niyo nage nogo ineenggi telak yogwe, Puut-puut inale'nggen nen ndawi tiyanggwi, Eerit nogo logonet, It abok aret Aliku ALA enggaanom paga ndawi wako logowak o.

Wundeegwaarak 19:5

Yogondak it nen an noone liirogon konembunuk eekwi, ndi, wone abuk nggaruk togon yereegurak nogo nggirik-nggerok eerogo pipporogo wonogwe, eekwi iinok, aakumi inanebunu lombok iigak, it mban namendek niniki kundugu kwak, an napuri togop aret logogun o. Yi awi ndi awi abok aret ti, an unde minggirak namendek aret kwe,

Wundeegwaarak 9:29

Yorage mbareegi, it nen at yogwi, “O nggween yi, Aliku ALA mban unde menggerak keenu arenok nduk, o ngguurubu eeke nogo lek age, o mayu kumulinggen wangge nogo mbangge, eeruwak nduk, an o kota yime nen wundi nage logominggirik, neenggi titik eerogo Aliku ALA yori nagin kwe,

Ndaniyen 4:25

Nogoba kat nogo ti, aakumi wonogwe me nen wumbagamenggaarak ndiimbu-nggwiya kinom penaame time nege logonet, tapi iri'ngga mbanogo nenet nugu mengga kwak, kat nenet nege, mbogut paga nen konaananggen wuppi woramenggerak paga keebe miin ngguluk-nggolak aago nege, eeke logomunggun o. Ti eerak nege keegak, tahun 7 aret koba nage kenok, aakumi inabu'me piinok menggam abok aret at Tiyanak Lombok Menggerak alik en unde logonet, wone lengganogo yorage logowak nduk, mippiyoorak mbake kenok aret mippiige menggerak abet aret kagi o, yinuk, mbarumunggun o.

Mika 4:13

“O Tiyon aagalogwe kit yi wae. Mi'nogo logomonggotik, gandum negen ti, kiniyok paga agabolo mbelanggo logonip o. An nen tapi eyak to aago mbuti owak kwak kinomaawi eerogo pinagage, Ndi, kiniyok mbuti tembaga kwak eerogo pinagage, Eeke neenok, Kit nen yi aakumi ndi aakumi ambik lombok yigirik-noonom eerogo piigo logomunggup o,” yinuk, yokkirage kagarak o. Ndi, it aakumi yigirogo piigo logonet, inamendek kugun wamonggotak nogo, wonok, “Aliku ALA ake o,” yinuk pi wogwe, It inageerok ti, at o nggween yi abok aret unde menggerak ninogoba nogo ake leenogo pugwi, Eeko logomunggup o.

Nakum 1:5

At wage kagak puut-puut na'ndo-wa'ndo eeke, Puut-puut teberogon amburu tigi-tigi wundit nage logonet lek age, At wage kagak o nggween inom, yi mendek ndi mendek nggween paga wonage nogo abok aret inom, inaganak wake, Eeke kagak,

Pelaareegerak 10:14

Mbogut inom, mbogut irimbaga inom, nggween inom, yi mendek ndi mendek nggween paga wonage inom, abok aret at Aliku kinogoba Ala alik unde wonage o.