Ndawi 23:3 - Ala Wone Peenok Peebi Mbanak

³ Niniki lek age kenok, obaane'me kwippanege, Kat kendage abe logowak nduk, Tu obeelom paga ni'neren nage, Eeke menggendak o.

Ndawi 23:3 ပူးပေါင်းရင်းမြစ်များ

Ndawi 106:8

Kendage tiyanak logowak nen Komaawi ambik menggendak nogo, It ineenu aruwak nduk, inagap ndake,

Ndawi 109:21

Kaliku Kitok Menggendak ALA wae. Kat perak, kendage abe mban logowak nduk eeppanege, Nabuwa nen obeelom eeppanege menggendak me, nagap ndake, Eeru o.

Ndawi 119:176

Ndomba kobak a'nuk tu nomoninuk nogo mengga kwak, An togop aret ee'nakerak kwe, Koone, “Yogop ee'nu ndogop ee'nu,” yugu nogo An nami ageelik porogo minggirak me, An kayeloman yi, kwaa'nabi mok o.

Ndawi 19:7

Kaliku ALA yereegindak liiru mbanak nogo ti, Nit aakumi eeppinaniyak ambi yobok yaga'lek mondok ndak-ndak eeppinaniyak mbanak wonage, Nit niniki kinik lek nogo, niniki kinik warak eerogo pinangge, Eeko logorak Kaliku ALA yaga'ndak nogo, niniki ti paga panggonak logorak op me, Nineenggo'lek kenok, niniki warak eeppinanege, Eeke menggerak o.

Ndawi 31:3

An nayugum kwak, yugum pak wurogo pereegi kwak, Kat keebe aret o. Kat kendage abe menggendak me, tu ni'neege, pi'neren nage, Eeru o.

Ndawi 31:4

Neebe op logorak keebe aret me, Towe pigaawok nduk yum tugunogo pogo mengga kwak, Time nggelok yi nage neyo, Tu nomonogo nappanege logot o.

Ndawi 34:3

“Aliku ALA iya!” yinuk, ninom alut eekwi, Kit an ninom at endage tiyappugwi, Eeko logowok o.

Ndawi 5:8

Kaliku ALA wae. Ninom wim mbanak nen nookwi iyo, “Tu ndi paga nawak,” nomba'nuk, koonogo panege, Kat obeelom mban eeke menggendak ti paga wo'neren nage, Eeke logot o.

Ndawi 51:10

Ala wae. Niniki kikak naka'lek eerogo panege, Niniki nu'lek logokit nduk, Niniki ngget mendek eerogo panege, Eeru o.

Ndawi 51:12

Nagap ndarogo paneegindak paga Nale'nggen mbake lek agaarak nogo obaane'me eeppanege, Kat eeriyak mbake nogo Niniki nen, Eerikit, mba'nuk, eerit nage logokit nduk, eeppanege, Eeru o.

Ndawi 79:9

Kat ninagap ndaka Ala wae. Kendage abu tiyanak wonage me, yeenggwa nira wage, Kendage tebek yukwak, Wondet eerogo pinanege logomenggendik, Ninomaluk lek eerogo pinanege, Eeru o.

Ndawi 85:13

Waga'lek kagak, Ala woraawak nduk, Aa'nduk kiniki obeelom logonet, A'me nggelok mban eerit namonggotak paga at aru pipuk eerogo pogo logomunggup o.

Kini Wuppiige 4:11

Iniki warak nen eeko menggaarak an mamunggege, Tu abe koonak paga wokkeren nage, eeke agarik o.

Kini Wuppiige 8:20

Abe koonak mban eerit nogo menggam ti paga an nage, A'me nggelok eeko menggam tu ti paga an nage, Eeke logonet,

Yetaya 42:16

It inigen mbuk negen wonogwe nogo tu ineenggo'lek me tu nigiren nage, It tu nogolik nogo paga wogoren nage, Tu apit aago paga nogwe iyo, nambokan wogwe iigak an naa'nduk tu eya eerogo pit nage, Tu tiyak-tebek paga nogwe iyo, an kagaarogo pit nage, Eerigin o. It inake eeriyak nogo ti aret. An mbo piyaagin lek abet aret eerigin o.

Yeremiya 31:25

It ineebe ndeyak eerogo piige kenok, inomaawi eerogo piige, iniki lek age kenok, iniki kwippiige, eeke logogin o,” yinuk, yegerak o.

Yeremiya 31:8

O omarip paga pa'nggwe nen wogoren wage, O nggween irip-irip time nen kuwak eerogo piya wage, Eerigin abet aret mbako logowak o. Kuwak eerogo piinok, inenggela'me nen it inigen mbuk inom, inendop yilugu inom, kumi inabila inom, kumi elege ndaruwok nduk, yagan wakwi inom, It ineebe apit lambunik nggwok aago wogoren iname iniyokan piya woraagin o.

Yetikiyen 20:14

yi aakumi ndi aakumi inigen iigak, Iterali wogoren wundi wagagirak ti nen nendage abe nogo maluk agaarak neyookwak, eeriyak kooneegirak nogo lek eerogo pereegirak.

Epetut 1:6

Ninabuwa mbake logonet, at aput iniki kunik nen wo'niragagerak nogo paga, amendek mondok alik negen ngginu-ngginu eerogo wo'nirage menggerak me, nit mondok at alut eeko logowok o.

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.