Ndawi 22:8 - Ala Wone Peenok Peebi Mbanak

⁸ “At iniki Aliku ALA oba panggonak wonage me, Aliku ALA nen aret ili ari, Ndi, at iniki kunik wonage kenok, Agap ndarogo pege, Eeruwak o,” yinuk, yogwe, Eeko agaarik o.

Ndawi 22:8 ပူးပေါင်းရင်းမြစ်များ

Ayup 16:4

An ee'nake kwak, kit togop eekkinake logonetak nen Kit yogwe ti ndak-ndak an ari, Noone abe koonogo kit kinoba pinagage, Pekkiige logonet neenggi neyak mbanggolage, Eeke logonetak kwe,

Ndawi 109:25

It inoone liirit yo'nugwi nen Pe'neenok meek eerogo panugwi, Inigen neenok, “Aap yi agaarak, ia!” yinuk, pi wa'nakwi, Eeko agaarik o.

Ndawi 18:19

O nggwok obeelom me, pani nage, Eekerak nogo ti, An at iniki kunik aret me, nagap ndakerak o.

Ndawi 37:5

Kit eeriyak koonggwi nogo Abok aret waganogo Aliku ALA wogogwi, Kiniki at paga panggombunuk wonogwe, Eekwi kiinok, At nen eeppinagage kaamunggup o.

Ndawi 42:10

Wooluwak paga ndanuk togon Inookaatak kanggo mengga kwak, It ninom wim mbanak nen O kubondendok nen nok oonikiya Meek lombok eerogo panogo logonet, “Kat kogoba Ala nogo eebe ngge o?” Yinuk, yo'nogo menggaarak.

Ndawi 55:22

Aap iniki abe koonak iniki lek-lek aruwak nduk, Aliku ALA nen mbo piigeelik me, “Nonggop ee'ninabigin o?” yinuk, Kiniki piirik wonogwe nogo Abok aret waganogo at mban wogo'nuk logonip o. Togop eekwi kiinok, Aliku ALA nen unde wokkinake logogin o.

Ndawi 71:11

“Ala nen at muk mbo pegerak me, Mugurok nogo logomonggoorik, pigaganggwi niinok, Aap ambi nen at agap ndarugun lek aret,” yogwe, Eeko agaarik o.

Ndawi 91:14

At Aliku ALA nen ari logonet, “At aap ti, iniki kunik ee'nake me, agap ndake, Ala ti, an nogoba aret o, yinuk, ari me, arum wonage,

Kini Wuppiige 16:3

Kit eeriyak koonggwi nogo abok aret Aliku ALA wogo'nuk wonogwe kiinok, Kit koonggwi nogo abok aret a'me aret age kaamunggup o.

Yetaya 42:1

“An nen leenogo pateegirak niniki kunik eeke, Eerit nage kagak panggombege, Eeke minggirak nayeloman eeke logorak nogo yi aret. An Naberiniki at oba pege neenok, At nen yi aakumi ndi aakumi wone yugu nogo a'me nggelok eeko logowak nduk, yoranet nege logogin o.

Matiyut 12:18

“An nen leenogo pateegirak nayeloman niniki kunik nale'nggen ee'nake yi kaanip o. An Naberiniki at oba pege neenok, At nen yi aakumi ndi aakumi wone yugu nogo a'me nggelok eeko logowak nduk, yoranet nege logogin o.

Matiyut 17:5

Wone awo yoge kagak, ameraakot abinak mendek nobappiya wage kagak, enggela'me nen oone ambi yorage logonet, “An naput niniki kunik nale'nggen ee'nake nogo yi aret me, at oone kinaruk liirogon konenggo logonip o.”

Matiyut 3:17

Kage mbareegi, mbogut paga nen oone ari logonet, “Napuluk niniki kunik lombok at yi aret me, niniki ale'nggen ee'nake kagi o,” yinuk, ari kagagerak.

Lukat 23:35

It aakumi nogo taati inigen loogwi iigak, it aap Yakuri inoweewi nogo nen at miyuk-meya agago pogo logonet, “At aakumi inagap ndake nagaarak me, at Ala nen leenogo mippereegerak Mesias nogo abet aret kenok, agap ndakkolaayok ubi,” yinuk, yereegwaarak.