Ndawi 22:3 - Ala Wone Peenok Peebi Mbanak

³ Kat Kikak Nakeelik Alik Leenak wonage, It Iterali mendek kalut eekwi enggela'me wonage, Eeke menggendak o.

Ndawi 22:3 ပူးပေါင်းရင်းမြစ်များ

Ayup 19:7

Le ari logonet noone nggwok paga, Yeenggwa nirinip o, ari neegak kwe, It ambi nen yeenggwa nega'lek aret wonogwe, Ndi, an noone nggwok paga, Nawone mbaninip o, ari kwe, Nawone mbangga'lek aret wonogwe, Eeko agaarik o.

Ayup 30:20

Wonage logonet, noone nggwok paga, Ala wae. Yokkigitak kwe, onggo yo'nega'lek wonage, Pe'neyaanok nduk, mi'nagatak kwe, kenegen nggut mban neege,

Ndawi 145:17

Aliku ALA eerit nage menggerak abok aret A'me nggelok mban eerit nage, At eeke menggerak abok aret ti, Aakumi inabuwa mba'nuk eeppiinet nage, Eeke menggerak.

Ndawi 50:23

It aap an, Wa, yo'nogo logonet, Warogo wo'nugwi paga nendage tiyappanugo logogun o. Ndi, it inaru koonogo pakwi iinok ti, Inagap ndariyak wone nogo An nen ineenu eeppiige logogin o,” yinuk, yorage logogin o.

Ndawi 65:1

Ala wae. Nit o Tiyon kat kalut eeri nogwe, Ndi, eeko logorak kumbuk mbaneegurak nogo, A'me lik togon eekwi, Eeruwok nduk, koonggwi yi, Kat kake aret me, op aret koonggo o.

Ndawi 88:2

An niniki aaninggin ndugu aago wonage, Neebe kambunuk nogo menggam ambe paga ari nage, Eeke me, An tamban eeke yi, karuk me ari unggwage kagak, Noone nggwok paga yokkege yi, liirogon konengge logot o.

Ndawi 99:9

Togop aret me, Aliku ninogoba Ala tiyappugwi, At Aliku ALA ti, kikak nakeelik alik leenak me, At abuut abu abe alik leenak nogome ninendobanggun yindumbunuk alut eekwi, Eeko logowok o.

Yetaya 6:3

Eerak wonogo logonet, it inoone nggwok paga at ambi nen at ambi yogak eeko logonet, “Kat mondok kikak nakeelik alik leenak aret o. Kat mondok kikak nakeelik alik leenak aret o. Kaliku ALA Komaawi Lombok Menggendak ti, mondok kikak nakeelik alik leenak aret o. Keebe abu tiyanak o nggween paga mondok ndak warak menggendak o,” yinuk, yogwe iigirak.

Abakuk 1:2

Kaliku ALA wae. An noone nggwok paga, “Yeenggwa niru o,” yinuk, yokkege kwe, Karuk konengga'lek keegak, ne mande arigin o? “Inanini nen maluk eeppinanugwi yi, iyet o,” yinuk, noone nggwok paga yokkege kwe, Ninagap ndaka'lek wonage keegak, ne mande ari nagin o?

Pelaareegerak 10:21

Tam warak inagabiti warak mendek mondok iya tit eerit nage kinigen abe nen kogogutak nogo ti, kinogoba Ala aret me, at mban wogoppogo logonip o.

Wayu 4:8

Aakumi nen iigulik mendek ineebe 4 nogo ti, inalitak lombok ina'naabit 6 aret me, ineebe paga apit aret inigen warak mban wonogwe iigirak. It nogo puk aga'lek ko'lu-kii'me inoone yogo logonet, “Maan wonagagindak, yogondak wonage, peebi logomunggun, nogo ti, kat mondok itok komaawi lombok menggendak ninogoba Ala aret me, Kat mondok obeelom alik leenak aret o. Kat mondok obeelom alik leenak aret o. Kat mondok obeelom alik leenak aret o,” yinuk, yogak mban eeko logonet,