Ndawi 22:29 - Ala Wone Peenok Peebi Mbanak

²⁹ It aap ineenggi warak o nggween paga wonogwe yi, Abok aret inambi ndonggorogon nenok kalut eekwi, It aakumi kambak mendek inom, It ineenik ambinom logorak meek mendek inom, Abok aret kabu'me tebe yi unggwogwe, Eeko logogun o.

Ndawi 22:29 ပူးပေါင်းရင်းမြစ်များ

Ndawi 113:7

Aap tebenak liirubu enggela'me nen pilanogo mippiige, It ineenggi lek aakumi inambeebuk mbo pogo menggam nen piyanogo mippiige, Eeke logomenggerik,

Ndawi 45:12

Ti eeke keenok, o Tirut Aagalukwe nen kat kake wokkiri wagak eekwi, Aap ineenggi warak mendek nen, “Enegen niyawak o,” yinuk, kat eeppagi wogwe, Eeko logogun o.

Ndawi 73:7

Iniki omaawi wonogwe me, Maluk eeriyak mban mugurok-magarok nugwi, “Maluk abu aret eeko o,” mbaka'lek eeriyak mban iniki koonogo pit nugwi, Eeko logonet,

Ndawi 78:31

At Ala anini mi'nage logonet, Aap wakaa'ngget inenggela'me wonogwe nogo inoorogo piige, It Iterali inapuri awo tawe wonogwe nogo lek eerogo piige, Eereegerak.

Yetaya 10:16

Togop aret me, at Omaawi Lombok Menggerak ninogoba Aliku ALA nen aap Atiyut mendek inowe endagembogut awuri ineegin warak wakaa'ngget nogo kugi wuruurit eeginaka inoba kwippiige, Ndi, iri'ngga kani wunuk ari logonet, pup eerogo nengge menggi kwak, At endage nggwok age paga wogoppatit nage nogo, togop aret lek eerogo pege, Eerigin o.

Yetaya 26:19

It kat kapuri kambeegwaarak nogo perak, ineenik ogwe, Inowak nggininik abok aret mi'nogwe, Eerugun me, Kit aap nggween taambinagareegwaarak wonogwe yi wae. Kineenik a'nuk, kinale'nggen nen keekok yogo logonip o. O weege kagak konaananggen nen iri'ngga-kale'ngga ki eerogo pege menggi kwak, It kambeegwaarak nggween taanak wonogwe nogo ngget nda'nogwe kwak ineenik agago mippiyaamunggun o.

Yetaya 29:4

Nggween tebenogo pagaminggirak koone ari, Liirubu enggela'me nen koone mumun-kokop ari, Eerumunggun o. Aakumi inogoma nggween abu'me logonet, inoone yogo mengga kwak ari, Liirubu enggela'me logonet yagap wone yogo mengga kwak ari, Eerumunggun kwe,

Yetaya 45:23

An nalik nendage kumbatinuk yorage, Wone abet aret eerigin, mba'nuk yorage, Eereegirak me, Wone yoragagirak nogo lek arigin lek a'me aret arigin me, It aakumi abok aret nabu'me inendobanggun yindu yi wogwe, It abok aret nabok paganggo logonet, a'me nggelok eeppinanege, Omaawi paga eerit nage, Eeke ti, Aliku ALA mban aret o, yinuk, kumbuk mbanugun o,” yinuk, yegerak me, yagi o. It aakumi abok aret at eebe paga inanini ombakwi nogo at owagam wogwe iinok, inenggali arugun kwe,

Yetaya 60:16

Kwe ambi aagaluk elak wogoge menggi kwak yi aakumi ndi aakumi inamindik-inamendek at wogogwi iinok kolage, It aap inendagembogut nen ndegenggo logonet, abe mendek wogogwi iinok, wagangge, Eeke logogin o. Ti eeke kenok, Agap Ndaka, Wondet Eerogo Pega, Yakup ogoba Nomaawi Lombok Minggirak ti, Naliku ALA an aret eenu arigin o.

Oteya 13:9

It Iterali mendek yeenggwaaraga an nen aret ineebe lek eerogo piige me, aap ta nen it yeenggwaaraagin o?

Obaya 1:21

It Etawu mendek menggam puut nggelok-nggobok me wonogwe nogo, Inabu'me piinok wone lengganogo yorogo logowok nduk, Inagap ndaka puut Tiyon paga lagi nagun o. Ndi, lagi nanuk, it wone lengganogo yorogwe iigak, inarum logonet, Inowe endagembogut ti, Aliku ALA aret logogin o.

Yaya 3:36

It aakumi iniki Ala aput oba panggombunuk, abet mbakwi iinok, mondok-mondok ineenik aret logogun kwe, it ando Ala aput oone konembunuk, eeka'lek iinok perak, ineenik logogun lek o. Ala anini inoba aret logogin o,” yinuk, yoragagerak.

Pilipi 2:10

It mbogut paga mendek inom, nggween paga mendek inom, nggween abu'na mendek inom, it abok aret Yetut endage kumbunuk, abu'me tebe yinuk, ayuk wukwi,

Wayu 21:24

Yi aakumi ndi aakumi inanebunu lombok abok aret o eya ti paga nugwi, ndi, yi aap ndi aap inendagembogut nggween paga menggaarak abok aret o eya ti paga logowok nduk, inamindik-inamendek mbelenggo'nok unggwi nogwe, eekwi iigirak o.