Ndawi 22:23 - Ala Wone Peenok Peebi Mbanak

^23-24 At aap tebenogo pegaarak yagan wake nogo At Aliku ALA nen pekkoorak eebi ombake, “Ogole o,” yinuk, mbo pege, etenggen nobakkolage, Eekeelik, Oone nggwok paga, “Yeenggwa niru o,” Yoge kenok, aruk konengge menggerak me, Aliku ALA kinagabiti mbakwi yi, at tiyappugwi, Kit Yakup paga wiganak yi, at alut eekwi, Kit Iterali paga wiganak yi, at ayuk wukwi, Eeko logonip o.

Ndawi 22:23 ပူးပေါင်းရင်းမြစ်များ

Ndawi 109:30

“Kat aret eekendak o,” yinuk, At oba lenggenggwi nogo ineenggime nen Aap tebenak mendek agap ndarenok nduk, Kaliku ALA nen aap tebenak mendek eenggi abe'nggan paga mi'ndak wonage me, Noone paga Kaliku ALA mondok kalut eeke, Aakumi apit kuwak aago inenggela'me kat tiyappagage, Eeke logogin o.

Ndawi 111:1

At Aliku ALA tiyappogo logowok o. Aakumi iniki abe koonak apit kuwak aago inenggela'me Niniki abu ambit eeppunuk, Aliku ALA, “Wa,” lombok yoge logogin o.

Ndawi 115:11

Kit aap Ala kinagabiti mbako monggotak yi wae. Aliku ALA ti, yeenggwa kiraga wonage, Kit kinanggeemu kwak wonage, Eeke menggerak me, Kiniki at mban oba panggombunuk logonip o.

Ndawi 115:13

It aap Aliku ALA inagabiti mbakwi Inendage warak inom, inendage lek inom, Abok aret ale'nggen inoba piige, Eeke logogin o.

Ndawi 145:19

It aap at ayuk wuko menggaarak iniki mbakwi nogo Ndak-ndak aret eeppiige, Inoone nggwok paga, “Yeenggwa niret o,” yogwi iinok, At aruk konembunuk inagap ndake,

Ndawi 22:30

It aakumi wigannarit wundi wogo logogun nogo nen Kalut eeko logonet kake eekwi, It peebi nda'narit wundi wogo logogun nogo nen Kat nogoba Ala kabok yogwe nogo konenggwi, Eeko logomenggaarik,

Ndawi 26:12

An niyok o kobappaga yappunuk mi'ndak wonage me, Kapuri apit kuwak aago wonogwe inenggela'me Kaliku ALA kalut eeke logogin o.

Ndawi 33:8

Aliku ALA oone ari kagak, abok aret age, “Yogop a'nip o,” ari kagak, Abok aret nu'lek arit wage, Eereegerak me, It nggween paga yime wonogwe abok aret At Aliku ALA inagabiti mbakwi, Yi aakumi ndi aakumi yi o ndi o wonogwe nogo Abok aret at ayuk wukwi, Eeko logowak o.

Ndawi 35:18

Ti eeke keenok, aakumi apit kuwak aago inenggaanom paga, “Wa!” yokkege, Aakumi abok kuwak eerak inenggela'me kendage tiyappege, Eerigin o.

Ndawi 50:23

It aap an, Wa, yo'nogo logonet, Warogo wo'nugwi paga nendage tiyappanugo logogun o. Ndi, it inaru koonogo pakwi iinok ti, Inagap ndariyak wone nogo An nen ineenu eeppiige logogin o,” yinuk, yorage logogin o.

Ndawi 86:12

Nogoba Ala wae. Kat an nabuwa nggwok lombok nombake, Kambunuk nogo menggam kiiniki paga nen an pilanogo nippani wage, Eereegindak me, Niniki abe paga lombok nen, “Wa!” yokkege, Kat kendage mondok-mondok tiyappagage, Eeke logogin o.

Yetaya 25:3

Ti eerogo pegendak paga yi aakumi ndi aakumi inomaawi ambik mendek nen kat kalut eekwi, It aakumi inogogun ambik mendek inawi kota-kota wonogwe nen kunduk, kat kayuk wukwi, Eeko logogun o.

Lukat 1:50

It aakumi at inagabiti mbakwi iinok, muk ndarak ngget ndarak abok aret inabuwa nen obeelom eeppiinet wundi wage logogin o.

Lukat 2:20

Ndi, it aap ndomba ndegeninaka nogo iniyok paga nogo logonet, malayikat nen it yorogogwaarak nogo ndak-ndak aret inaruk konenggwi, inigen kogwe, eereegwaarak me, Ala endage alut eerogo wogoppit nogogwaarak.

1 Korindut 10:31

Kinambi nunggwi, kinagi nunggwi, yi eekak ndi eekak abok aret eeko logonet, Ala endage tiyappuurak nduk mban eeko logonip o.

Wayu 15:4

Ninogoba o. It taani nen kayuk wukwi, kendage tiyappagagwi, eeka'lek logogun mbaken? Lek aret o. Kat maluk eekeelik kalik leenak obeelom mban menggendak o. Kat mondok a'me nggelok mban inowak loongge menggendak ineenu me, It aakumi inanebunu lombok abok aret kowagam tebe yi wogo logomenggaarik, kalut eeko logogun o,” yinuk, ndawi wakwi iigirak.