Ndawi 22:16 - Ala Wone Peenok Peebi Mbanak

¹⁶ Yi nggeewo ndi nggeewo ineyak nde agan wangge'nakwi, Aap a'nggan wogonaka nen wanggeppaninuk wonogwe, Neenggi-niyok pulu warogo panugwi, Eekaarak me,

Ndawi 22:16 ပူးပေါင်းရင်းမြစ်များ

Ndawi 22:1

Nogoba Ala o. Nogoba Ala o. Kat nonggop nduk teppanege, Nonggop nduk yeenggwa nega'lek keebe nda wonage, Niniki andi logonet, noone yokkege kwe, Nonggop nduk konengga'lek keebe nda lombok wonage, Eeke agandik?

Ndawi 22:20

It inawooluwak paga nooriyak eekwi yi, Ineenggime nen nagap ndake, Neenik logorak ti, iya lombok me, Nggeewo eenggi paga nggerembunuk menggi kwak Eeppanugwi me, neebe ndinnake,

Ndawi 38:11

Andi-pandi noba kwi'nagaarak paga noreewi inom, ninom minggirak inom, Nogole nen nomo'neegak nugwi, Nowe-nawot togon tayorogon nen pe'neegwi, Eekwi iigak,

Ndawi 59:14

O ambe ndonggo agan nage kagak, Iniyokan wogo nagaatik o kota wanggerit nugu logonet, Nggeewo nggoboologu agan nugu mengga kwak, Agan nugu menggaarak o.

Ndawi 59:6

O ambe ndonggo agan nage kagak, Iniyokan wogo nagaatik, o kota wanggerit nugu logonet, Nggeewo nggoboologu agan nugu mengga kwak, Agan nugu menggaarak o.

Ndawi 86:14

Ala wae. Aakumi iniki wogoppakwi nogo nen Pilak yinuk an nookwi, Aakumi a'nggan wogonaka nogo nen Kayuk wuka'lek an kok pi'naburak eekwi, Eekwi me,

Yetaya 53:5

Nit wone yugu taganogo pereegurak paga awinde-obaande eerogo pugwi, Nit maluk eereegurak paga at ndanuk togon wakwi, Eereegwaarak. Nit ninobaabut koonogo pinaniyak nduk yawi ninoorukwak ninobaane'me at aret wakwi, At awinde-obaande eerogo pereegwaarak paga nit nineebe obeelom eerogo pinanuwak nduk, at eeppugwi, Eereegwaarak.

Yeremiya 12:6

Koreewi inom, kowe-kawot lombok inom, nen maluk eeppagarak koonggo logonet kwe, inoone yanggok-yanggok yokkugwi, Pikkabuwok nduk yonggo piinok, inoone yina-yina yokkugwi, Eekwi me, Inoone amburu ndik-ndik yokkugwi iinok, Yi abet aret yo'nogo agaarik o, yinuk, koneniyak mage,” yegerak o.

Takariya 12:10

“An nen at Ndawut paga wiganak inom, it Yerutalem wonogwe inom, aakumi inabuwa mbakwi, inake tamban eekwi, eeko logowak nduk, inikime mambiige neenok, it an ndanuk togon nooremenggaarak nogo nen inigen neego logomenggaarik, aap ambi apuluk ambolom ndarak kangge kenok, abuwa nen aleenggu maake menggi kwak an nale yogwe, aap aput manggu ndarak kangge kenok, iniki wakkolage menggi kwak, an paga iniki wakkologwe, eerugun o.

Matiyut 26:57

Kole mbaganggo mbareegwa, it Yetut pigaganeegwaarak nogo nen eebe wonok aap Ala unde inowe nggwok Kayapat owagam it aap Ala wone liiru mbanak unde inom, it Yakuri inogobamini inom, kuwak eerak wonogwe me, nogogwaarak.

Matiyut 27:35

It nen Yetut eebe nogo eyo karo-karo aago paga nabembunuk, “Ambogoyum ta koloorak kaamun?” yinuk, yugum anggen nggween paga mbo wuppegak eeko logonet, ayum nogo ambi kolagak eeko nogogwaarak.

Matiyut 7:6

Nggeewo nen melak togon ineyak mbangginakwi iyo, Ala ake leenak abe mendek nogo wogoraagup o. Ndi, wam iniyok aan lebenogo pit nogwe iyo, wu kirin negen wam wonogwe me, inenggela'me mbo nappugup o,” yinuk, yoragagerak.

Marakut 15:24

Teppege mbareegi, it nogo nen eyo karo-karo paga nabenogo pereegwaarak. Nabenogo pogo nogogwaarik, “Ambogoyum nogo, ta kolage kaamun?” yinuk, yugum anggen nggween paga mbo wuppegak eeko logonet, tumbukkologogwaarak.

Lukat 23:23

Yoragagerak kwe, eyo karo-karo paga nabenogo puwak nduk, inoone nabenak mban ya-mba yogo logonet, Pilatut oone nogo taganogo pogo mbareegwa,

Lukat 23:33

Pigiren o endage Anobak Yelenak nogome nogo nogogwaarik, at Yetut it aap maluk eeka nogo inom eyo karo-karo aago paga nabenogo piigo nogogwaarik, ambi eenggi abe'nggan pa'nggwe mippugwi, ambi eenggi kwaare'nggan pa'nggwe mippugwi, eerogo piyareegwaarak.

Yaya 19:23

Yorage mbareegi, it aap yigin unde nogo nen Yetut eyo paga nabenogo punuk, at ambogoyum nggoorak nogo aap ineebe 4 nen, yum nogo ineengge ndak-ndak aret punogo kologogwaarak. Punogo kologo nogogwaarik, Yetut ambogoyum endekem mendek nggorek tabak wonagagerak nogo woppunuk,

Yaya 19:34

Owak kalenulik kwe, aap yigin unde ambi nen perak, tuguwa paga Yetut obate ndanuk togon mambege mbareegi, amiya niyo inom wundeegerak.

Yaya 19:37

ndi, alik ambi ari logonet, “At eebe ndanuk togon wareegwaarak nogo inigen kaagun o,” yinuk, Ala wone liiru mbaneegwaarak nogo, a'me lik yuwak nduk, eereegwaarak.

Yaya 20:25

at Yetut oone waganggwi mendek ando nogo nen Tomat yogo logonet, “Ninogoba muk ninigen kogoorak o.” Yogo mbareegwa, at Tomat nen, “Wologwe! An at eenggi pulu warak awinobam nenegen kage, ndi, eenggi pulu warak me inom, obate pelenak me inom, neenggi mambege, eeka'lek neegak, an abet mbarigin lek o,” yinuk, yoragagerak.

Yaya 20:27

Yorage nagagerik, Tomat nogo yoge logonet, “Tomat wae. Keenggi an neenggi yi, pi'nake logonet, nawinobam pekkage, ndi, kobaak ngginogo nobate pelenak me keenggi mambege, ee'nake logomenggendik, kiniki yungguppegak eeke logonet, abet nombaka'lek logorak ti mage o. Ata, kiniki noba panggombunuk, abet nombake logot o,” yinuk, yoreegerak.

Pilipi 3:2

It aap nggeewo negen maluk lombok eeko menggaarak nogo, kiya wogo logonet, “Kinagabolo mbaninip o,” yinuk, yokkira wogwe iyo, liippunuk kiniki tum wako logonip o.

Wayu 22:15

it nggeewo pogom eeko menggaarak inom, magagirak iyagalo inom, yawukak mbabilu inom, aap inooka inom, kugi eeka inom, ndi, yi aap ndi aap pilit puguniyak inikilom mbako logonet, pilit-pilit pugungga inom, it perak, o kota time unggwi naga'lek yagat endekem logogun o.