Ndawi 22:15 - Ala Wone Peenok Peebi Mbanak

¹⁵ Niyoowak woloonak telo agan nage menggi kwak, Nomaawi lek ee'nabit unggwage, Namili piyanogo nalelaan paga nabeni lagangge, Togop eeke kagak Aakumi kanggaatak inowak paga mbo panege agandik o.

Ndawi 22:15 ပူးပေါင်းရင်းမြစ်များ

Wakkagagerak 18:27

Yoge mbareegi, at Abarakam nen ambinom yoge logonet, “An abu meek liirubu wun pogom logonet, wone yokkiriyak meek aret kwe, kagak yokkege me, mbe'niriyak mage o, nogoba.

Wakkagagerak 3:19

Ndi, yabu ligak wuundamo eeppunuk kambi-mbiingga nengge logonet aret kangge logomunggun o. Kat keebe nggween mendek paga aret wakkagak agago ogobakkigikkakirak me, kangge logomenggendik, kiyokan nggween aret age logomunggun o,” yinuk, yoreegerak.

2 Tamuwen 14:14

Niyo toolak kilirogo punuk, waganogo tookulik nogo kokwak, nit abok aret kambugun kwe, at Ala nen aakumi inooriyak nduk, koonggeelik o. Aakumi mbo piigaatak nogo kobak aago logokwak, wogoren piya wage menggerak o.

Ayup 10:9

Nggween nggabok paga neebe longgo warogo ogobakkigi'nabeegindak nogo aberu o. Ogobakkigirogo paneegindak aret kwe, ti'nuk, Kena logurogon liirubu kwak eerogo paniyak nduk, Eeke agandik ya?

Ayup 19:20

Nenggaanggum lek age logonet, Nagabolo nowak paga nabenogo pi unggwage, Kambuurak kugi aret kungge, Eekirak kwe, neenik agi o.

Ayup 29:10

Aap inoweewi inoone lek puk wonogwe, Inamili inalelan paga nabenak wonage kogwe, Eeko nogogwaarak.

Ayup 30:16

Togop aret me, Op agarik, mbakak neegak, Nomaawi lek ee'nabit unggwage, Liingge paga andi-pandi ee'nabit unggwage,

Ayup 34:15

Aakumi abok ambugwi aret kanggwi, Iniyokan liirubu aret ari nogwe, Eeko logonetak o.

Ayup 7:21

An nen kat koone taganogo pigirak kenok, mari eerogo panege, Ndi, maluk eekirak kenok, lek eerogo panege, Eeka'lek Nonggop nduk eeke agandik? An o yogondak liirubu enggela'me winnarigin me, Kat nen kwaa'nabit namenggendak kwe, Neebe lek aret neyaamunggun o,” yinuk, yoreegerak.

Ndawi 104:29

Wogoraga'lek kenete niminik wonage keenok, inaganak wake, Ndi, iniki wagangge keenok, kanggo nagaatik, Liirubu mendek aret me, liirubu aret ogwe, Eeko menggaarak o.

Ndawi 30:9

Namiya kilirogo panemenggaarak lek age, Kanggaatak nggween taambiigo menggam unggwi nage, Eeke neenok, Ti paga nano eekkoloorak nduk eeppaniyak mbaken? Liirubu nen kalut eeke, “Ala liirogon mban eeke menggerak o,” yinuk, kabok paganit nage, Eeriyak op mbaken? Lek aret me,

Ndawi 38:10

Niniki ponok-ponok ee'nake, Nomaawi lek ee'nabit unggwage, Nenegen ogut eerogo panege, Eeke agaarik o.

Ndawi 69:21

Wam ambiki ale ambik kwak An nambi paga labunogo pugwi, Yi abu wonage neenok, anggur amburu ale mendek toologo wo'nugwi, Eeko nogogwaarak o.

Ndawi 69:3

Togop ee'nake kenok, yeenggwa niruwak nduk, an noone nggwok mban ari neegak, Neebe ndeyak eerogo panege, Namili mbuk eerogo panege, Yeenggwa nirenok nduk, nogoba Ala pekkeegak mban eeke neegak, Nenegen andi eerogo panege, Eeke agaarik o.

Kini Wuppiige 17:22

Aap iniki ale'nggen mbakwi ti, obat nunggwi paga obeelom mengga kwak aret wonage menggerak kwe, Ale'nggen lek iniki puru aago wonage kenok perak, eebe wono eerogo patit unggwage menggerak o.

Yetaya 53:12

Togop me, it aakumi apit aret inomaluk wagangge, It wone yugu taganogo pereegwaarak nogo inake tamban eeke, Eeke logonet, Waruwok nduk eekwi iigak, eebe ili yikkoloolik teppege, It aap maluk eeka inom wonage ineenggi lingginiyak eebi mbaka'lek wonage, Eereegerak me, Aakumi inamendek ndinik nogo aap yo'nggok wogorage logonet, at inom wogoge, It aap wakaa'ngget aakumi inagugun wogo tumburirage logonet, at inom tumburege, Eerigin o,” yegerak o.

Leendawi 4:4

Elege ngget ndarak elak abu nen inamili lobok ari, Elege-aabologwe mbi nggino yorogwe kwe, wogoraga'lek aret wonogwe, Eerak aret agaarik o.

Ndaniyen 12:2

It aakumi apit aago kambemenggaarak nggween me nogo yugwi nogo, ineenik a'nuk mi'narugun o. It ando mondok-mondok ineenik logowak nduk mi'nogwe, ndi, ando perak, inenggali mbakak mondok-mondok yagan wako logowak nduk mi'nogwe, eerugun o.

Matiyut 27:50

Yogo mbareegwa, at Yetut nen ambinom kwa ari logonet, iniki woronggo'nok kambeegerak.

Yaya 19:28

Ti yorage nagagerik, at Yetut nen, “Abok aret eeki,” mbake logonet, Ala wone liiru mbanak nogo a'me lik yuwak nduk, “An yi abu o,” yereegerak.

1 Korindut 15:3

Togop me, an wone waganeegirak kit mondok iya mbarubagip nduk yokkirage nagagirak nogo eebe yi o. Ala wone liiru mbanak ndak-ndak, nit maluk eekwi niinok, at Keritut ninake aret kambeegerak.