Ndawi 22:11 - Ala Wone Peenok Peebi Mbanak

¹¹ Noba aaninggin ariyak abu panggoni wage, Ndi, yeenggwa niriyak ambi lek aret wonage, Eeke kagak, An mbo paninuk nda logorak mage o.

Ndawi 22:11 ပူးပေါင်းရင်းမြစ်များ

2 Endagembogut 14:26

At Aliku ALA nen it Iterali mendek inendage warak inom, inendage lek inom, abok aret andi mondok alik negen yagan wakwi iigak kwe, ambi nen yeenggwaaraga'lek aret iige nagagerik,

Ndawi 10:1

Kaliku ALA wae. Aaninggin-paaninggin noba agaarak wonage kagak, Nonggop nduk kat ndaanda wonage, Nonggop nduk kenggaawak kumaappatinuk wonage, Eeke agandik?

Ndawi 35:22

Kaliku ALA wae. Ee'nabit nugwi nogo muk iigendak me, Koone lek puk wonage, Nogoba Ala wae. Kat keebe ndaanda wonage, Eeriyak mage o.

Ndawi 38:21

Kaliku ALA wae. Kat mbo paninuk nage, Kat nogoba Ala wae. Keebe ndaanda wonage, Eeriyak mage o.

Ndawi 69:18

Neya wage logomenggendik, nagap ndake, Nawim ineenggime nen wondet eerogo panege, Eeru o.

Ndawi 71:12

Togop aret yogwe me, Ala wae. An mbo paninuk nda noorak ti mage o. Nogoba Ala wae. Kat mbet-mbet aret yeenggwa niri mok o.

Ndawi 71:6

Kat nen aret nagalo inikime nen wumbani wagagindak me, Nda'nagagirak nen nok, yogondak kuli niniki koba panggonak wonage agarik o. Togop me, an ko'lu-kii'me tiyappagage minggirak o.

Ndawi 72:12

It aap ineenggi lek tebenak wonogwe nogo nen, “Yeenggwa niret o,” yogwi iinok, yeenggwaarage, It tebenak wonogwe nogo, yeenggwaaroorak lek iinok, yeenggwaarage,

Yetaya 63:5

Yeenggwa niriyak ambi wonogwe iyo, nenegen yamboninakirak kwe, lek aret iige, Yeenggwa niriyak lek iinok, Ai, mbake, Eeke nagarik, Nanini ninikime lik ari, Nanini kani kunik negen mi'nage, Eeke kagak, Nalik neenggi omaawi paga nen tebenogo piige logonet, It aakumi anggur anggen kwak niyok aambiranogo piige, Anggur amburu nenok kumili kunggo mengga kwak, nanini kaawak nduk eeppiige logonet, inamiya nggween paga kilirogo pit nage, Eekirak o,” yinuk, yo'negerak o.

Matiyut 26:56

it Ala yorage kagak yoraga nen liiru mbaneegwaarak nogo a'me lik yuwak nduk, an ee'nabi wogotak me, op aret o.” Yorage mbareegi, at oone waganggwi nogo nen Yetut teppunuk, kole mbaganeegwaarak.

Matiyut 26:72

Yorage mbareegi, at Peterut ambinom ari logonet, “An aap ti, mondok neenggo'lek abet aret yokkigi o,” yinuk, ombo owak mbaneegerak.

Matiyut 26:74

Yogo mbareegwa, “An aap ti, abu neenggo'lek me, nombo owak o,” yinuk, ombo owak awo mbangge kagak, ayam oone aret yereegerak.

Yaya 16:32

Wologwe! Kit apit an mbo paninuk, kiname lombok ma'nariyak eyom peebi kwe, yogondak muk panggoni wagaarak o. Kit an mbo paninuk mbaganumonggotak kwe, nalik logogin lek o. An nogoba nimbirak aret logogin o.

Pelaareegerak 32:36

At Aliku ALA nen at apuri inowak loonogo maluk onggo inoba piige, At ayeloman mini aret me, inabuwa mbake, Eeppiige logogin me, At apuri inomaawi lek age, It wondet aago nugwi inom, inayeloman inom, ineebe lek ogwe, Eekwi iige logomenggerik,

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,