Ndawi 22:10 - Ala Wone Peenok Peebi Mbanak

¹⁰ An nda'nagagirak eyom nen nok, yogondak kuli kat aret ndegennake, Nagalo inikime wonage neegak kunduk, Kat nogoba Ala aret wonage, Eeke menggendak me,

Ndawi 22:10 ပူးပေါင်းရင်းမြစ်များ

Yetaya 49:1

Kit aakumi niyo oolo ku'mbanak paga wonogwe yi wae. Kinaruk o! Kit yi aakumi ndi aakumi o ndaanda monggotak yi wae. Kinaruk logonip o. An nda'naga'lek neegak, Aliku ALA nen an wiinege, Nagalo inikime awo wonage neegak, Aliku ALA nen nendage kungge, Eereegerak.

Yeremiya 1:5

“Kagalo inikime awo keenggi-kiyok warak eerogo pagaga'lek logonet, keebe neenu wonage, Kagalo nen awo ndakkaka'lek kagak, keebe leenogo pagage, An nen yokkege neegak, it aakumi inanebunu lombok yoranet nege logonok nduk eerogo pagage, Eereegirak o.”

Lukat 2:40

Ndi, wulaga nogo tawe age, yi wone ndi wone eenu age, eeke logonet, iniki warak lombok agagerak. Ndi, Ala ale'nggen at oba aret wonagagerak.

Lukat 2:52

Ndi, at Yetut perak, iniki warak age, eebe tawe age, eeke kagak, Ala inom, aakumi inom, at paga inale'nggen mbako nogogwaarak.

Yaya 20:17

Yoge mbareegi, at Yetut nen, “An nogoba wonage me awo ka lagangga'lek me, pi'nabugun o. Kit kinogoba ti, an nogoba. Ndi, kit kinogoba Ala ti, an nogoba Ala aret me, at wonage me ka lagi nage agaarik, yegerak o, yinuk, noreewi ineenu logowak nduk, yora nak o.”

Nggalatiya 1:15

Togop tit eerit nage neegak kwe, nagalo inikime awo nda'naga'lek neegak, at nabuwa mba'nuk, mii'nake nagagerik, yonggo paneegerak Ala nogo nen