Ndawi 22:1 - Ala Wone Peenok Peebi Mbanak

¹ Nogoba Ala o. Nogoba Ala o. Kat nonggop nduk teppanege, Nonggop nduk yeenggwa nega'lek keebe nda wonage, Niniki andi logonet, noone yokkege kwe, Nonggop nduk konengga'lek keebe nda lombok wonage, Eeke agandik?

Ndawi 22:1 ပူးပေါင်းရင်းမြစ်များ

Ayup 3:24

Yogop eeppanege, Ao, mbake nogo ti, Nambi nengge minggi kwak aret age, Ndi, andi nen niniki oone ari nogo ti, Niyo kilu-kilu wangge menggi kwak aret age, Eeke agarik o.

Ndawi 10:1

Kaliku ALA wae. Aaninggin-paaninggin noba agaarak wonage kagak, Nonggop nduk kat ndaanda wonage, Nonggop nduk kenggaawak kumaappatinuk wonage, Eeke agandik?

Ndawi 16:1

Ala wae. Neebe op logokit nduk, Kabu'me unggwi nage me, narum logot o.

Ndawi 22:11

Noba aaninggin ariyak abu panggoni wage, Ndi, yeenggwa niriyak ambi lek aret wonage, Eeke kagak, An mbo paninuk nda logorak mage o.

Ndawi 22:16

Yi nggeewo ndi nggeewo ineyak nde agan wangge'nakwi, Aap a'nggan wogonaka nen wanggeppaninuk wonogwe, Neenggi-niyok pulu warogo panugwi, Eekaarak me,

Ndawi 26:9

It aap maluk eeka nen, aap inamiya nengga nen, Aakumi maluk eeppiyoorak kote koonogo punuk, eerit nugwi, Ndi, koonogo pegaatak eeruwak nduk, ineenggi abe'nggan paga kiraarogo wogorogwe, Eeko menggaarak nogo ti, Inooke logonet, an ninom nooriyak mage o.

Ndawi 37:28

At Aliku ALA nen Aap a'me nggelok eeka nogo iniki kunik eeginake, Aap at oone liirogon eerit nugwi nogo Mbo piinok mbaganigin lek inom wonage, Eeke logogin o, Togop me, at mondok-mondok inaani aret ndegeninabit wundi wage logogin kwe, It aap maluk eeka inombowologwe kenok perak, Inenggaawak lek eerogo piige logogin o.

Ndawi 38:8

An neebe abok aret nomaawi lek eerogo panege, Neebe aan lebe eerogo panege, Ninikime yaga'mbit lombo ee'nabit unggwage me, Niniki oone ari, Eeke agarik o.

Ndawi 71:11

“Ala nen at muk mbo pegerak me, Mugurok nogo logomonggoorik, pigaganggwi niinok, Aap ambi nen at agap ndarugun lek aret,” yogwe, Eeko agaarik o.

Yetaya 46:13

Eereegwaarak onggo ndak-ndak eeppiyaakit nduk woroorak nogo ti, nda lek koorok aret panggoni wage, Kinagap ndarikit nduk, elaambirik logogin lek mbet-mbet aret wage, Eerigin me, It o Tiyon wonogwe nogo wondet eerogo piige, Ndi, an abu tiyanak me, Wi! nugwi nogo, it Iterali ndak-ndak yoraawak nduk, eeppiige, Eerigin o,” yinuk, yegerak o.

Yetaya 59:11

Wam wundikit nduk nggwek ari menggi kwak, Towe puume oone abuwa nggo-nggo ari menggi kwak, nit togop aret, “Ai-ao,” yogo logonet, “A'me nggelok eeppinani woraawak lak, ao,” yinuk, mbakwi kwe, eeppinani waga'lek aret wonage, Ninagap ndariyak niniki lunik logonet, tokkogwe kwe, waga'lek nda wonage, Eeke agaarik o.

Ala Unde 2:6

mbuulogwe-mbaalogwe mbanogo amburu obaga kilirogo punuk, wo'nogo logowak o. Ti eeko logorak nogo ti, anggen yigirik paga worarogo an nake wo'nogo logorak nogo ti aret o.

Matiyut 27:46

Ndi, oonegen 3 negen ari nage mbareegi, at Yetut oone nggwok paga ari logonet, “Eloyi, Eloyi, lama tabatani!” yoreegerak. Yoreegerak nogo ti, nit ninoone paga, “Nogoba Ala o. Nogoba Ala o. Nonggop nduk an teppanegen o?” yinuk, yoreegerak.

Marakut 15:34

Ndi, o kiyoma age kagak, oonegen 3 paga at Yetut nogo kwa ari logonet, “Eloyi, Eloyi, lama tabatani!” yoreegerak. Ti, nit ninoone paga, “Nogoba Ala o! Nogoba Ala o! Nonggop nduk an teppanegen o?” yoreegerak.

Lukat 22:44

Eyak wappege mbareegi, iniki abu puru agan unggwage kagak, abuwa warak nggo-nggo tamban ambinom eereegerak. Eeke kagak, liigak wundeegerak nogo amiya anggen kilirik pogom nggween paga wambit nagagerak.

Lukat 24:44

Nengge nagagerik, yorage logonet, “Ninom logonet, an eeriyak wone nogo aap Muta nen Ala wone yugu liiru mbangge logonet, mbaneegerak nogo inom, it aap Ala yorage kagak yorogo nogogwaarak liiru mbaneegwaarak inom, mbuku Ndawi paga liiru mbanak nogo inom, abok aret a'me lik yigin o, yinuk, yokkirage nagarak nogo yi aret eeppanggaarak o.”

Iberani 13:5

At Ala nen ari logonet, “An teppinagage, eraanggi mbo pinagage, eerigin lek o,” yinuk, yereegerak me, wu mban uugwe-uugwe mbarit nugwi paga wu ti, ayeloman eekkinabukwak, liippogo logonip o. Kinamendek nano mendek ambi wonage kenok, “Yi abu aret wonage o,” yinuk, kiniki tayenak logonet, ale'nggen paga nugu logomunggup o. Ala nen, “An mbo pinagagin lek o,” yinuk, yereegerak wone ti paga niniki panggombunuk, “Ninogoba nen yeenggwaanirage menggerak me, aakumi nen an eeppanugwi nogo, an nagabiti mbarigin lek o,” yinuk, yogo logorak ti op aret o.

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,

1 Tamuwen 12:22

At Aliku ALA endage abu tiyanak lombok logowak nduk at Aliku ALA nen inikilom kinombake logonet, apuri iniki kundugu lombok eekkinabeegerak me, mbo pinagagin mondok lek o.