Ndawi 21:4 - Ala Wone Peenok Peebi Mbanak

⁴ “Neenik logorak eeppanu o,” Yinuk, yokkege kenok eeppege, “Neenik nggorek mondok-mondok logokit nduk, Eeppanu o,” yinuk, nggino yokkege kenok eeppege, Eekendak o.

Ndawi 21:4 ပူးပေါင်းရင်းမြစ်များ

1 Endagembogut 2:33

It inamiya kilireegerak onggo at Yowap inom, at apuri-ombowologwe inom, mondok-mondok inoba luurik aret wonage logogin kwe, at Ndawut inom, ombowologwe inom, aaganapuri inom, endagembogut logonet wone lengganogo yorage menggim inom, at Aliku ALA nen iniki ugun tayenak mondok-mondok logowak nduk, eerogo piige logogin o,” yoreegerak.

1 Endagembogut 2:45

nendagembogut an Talomo perak, ale'nggen noba panege logonet, Ndawut endagembogut a'nuk, wone lengganogo yorage nagagim nogo, Aliku ALA enegen logogin me, mondok-mondok omaawi aret logogin o,” yoreegerak.

2 Endagembogut 11:12

Mi'narit nogogwaarak wonogwe iigak, at Yoyara nen aap endagembogut aput nogo wonok, endekem wundi nage nagagerik, nggare-nggare anobak paga yippege, Ala nen Iterali inom wone abuk nggaruk togon koonogo pereegerak mbuku paga mbanak nogo wogoge, eeppunuk, “Ninowe endagembogut yi aret o,” yinuk, amburu eerogo mippege mbareegi, it aakumi abok aret ineenggi telanggo logonet, “Kendagembogut aret logonok o,” yinuk, keekok yogogwaarak.

Ndawi 119:175

An tiyappagage logokit nen nili eerogo panege, Eekaatak ndak-ndak eeppiigo logorak Koone yugu nogo paga niniki eyak wappanege, Eeru o.

Ndawi 119:77

Koone Muta liiru mbaneegerak ti, Ninikilom mbake minggirak me, Neenik logokit nduk, nabuwa nen eeppanege logot o.

Ndawi 13:3

Kaliku nogoba Ala wae. Kenegen liippanege, Wone yokkege yi, karuk konembunuk, onggo yo'nege, Eeru o. Eya eerogo panega'lek keegak, kangge neenok, It ninom wim mbanak nen, “Abu aret tebenogo pogo o,” yinuk, yogwe, Ndi, an ngginnari nage neenok, Ninom ogoorak nen inale'nggen lombok mbakwi, Eekwi iyo, Nenegen eya eerogo panege logot o.

Ndawi 133:3

O time mondok-mondok ki eeke logowak nduk, Aliku ALA ale'nggen oba pege menggerak me, Puut Keromon nen konaananggen puut-puut Tiyon paga Wambit wage menggi kwak, It aap ti togop aret wonogo menggaarak o.

Ndawi 72:17

At endage mondok-mondok ki aret wonage, Oonegen eya lek aga'lek wonage kagak, endage wiganinuk nage, Eeke logowak o. At eeppiinet nage paga Yi aakumi ndi aakumi abok nen inale'nggen kaagun me, “Kat kale'nggen at oba pege logot o,” yinuk, Ala yogo logogun o.

Ndawi 89:29

At obaane'me ombowologwe nda'narit nawak nduk eeppege, Mbogut lek ageelik wonage menggi kwak, At wone lengganogo yorage menggim mondok logowak nduk eerogo pege, Eerigin o.

Ndawi 91:16

Iniki ndonggo yuwak nduk, At ndarak kagak eenik nggorek logorak eeppege, Kagap ndaka nogo ti, an aret, eenu eeppege, Eeke logogin o,” Yinuk, yereegerak.

Takariya 6:13

Aliku ALA awi wurogo pege, at endage tiyanak kenok, aakumi nen, Wi! ugwi, endagembogut a'nuk wone lengganogo yorage logowam logonet wone lengganogo yorage, eeke logorak nogo at aret o. Togop me, at Aliku ALA unde wonage logonet, endagembogut a'nuk, wone lengganogo yorage logogin o. At mban Ala unde logonet eeke, at mban endagembogut a'nuk, wone lengganogo yorage, eeke logogin me, wone ambi aga'lek abe mban logonet, eeke logogin, yegerak, yoru o.

Wayu 1:18

Neenik nitok minggirak an aret o. Aa'nduk kambeegirak kwe, yogondak perak, neenik mondok-mondok wonage yi neyet o. Kanggwi inom, kambunuk nogo menggam inom, imbirak an mban aret unde logonet, tu paaka kunci porogo minggirak o.