Ndawi 21:10 - Ala Wone Peenok Peebi Mbanak

¹⁰ It paga wiganak o nggween paga wonogwe nogo lek eerogo piige, It aakumi inapuri inenggela'me inombowologwe nogo Inenggaawak lek eerogo piige, Eerumunggun o.

Ndawi 21:10 ပူးပေါင်းရင်းမြစ်များ

1 Endagembogut 13:34

At Yerobeyam nogo nen maluk ti eerit nagagerak paga at apuri wiganak inom inendage lek arit wambi nogo logonet, o nggween paga yime nen inenggaawak mondok lek aret ogo nogogwaarak.

Ayup 20:28

Yi wu'nuk wage logonet, yi mendek ndi mendek wonok nage menggi kwak, Ala anini togop aret inoba kwippiige logonet, Inamendek kuwak eerak iname wonage nogo, abok aret lek eerogo pigin o.

Ndawi 109:13

Ombowologwe wiganak nogo inenggaawak lek ogwe, Peebi nda'narit wundi woroorak inendage kagaa'nage,

Ndawi 37:28

At Aliku ALA nen Aap a'me nggelok eeka nogo iniki kunik eeginake, Aap at oone liirogon eerit nugwi nogo Mbo piinok mbaganigin lek inom wonage, Eeke logogin o, Togop me, at mondok-mondok inaani aret ndegeninabit wundi wage logogin kwe, It aap maluk eeka inombowologwe kenok perak, Inenggaawak lek eerogo piige logogin o.

Yetaya 14:20

O kat wonage menggenom maluk eerogo pit nage, Aakumi kat kowe-kawot aret inoorogo piinet nage, Eekendak me, It aap inendagembogut kambeegwaarak nggween taanak wonogwe me kinom taambagagun lek aret o,” yinuk, miyuk-meya eerogo pogo logogun o. “At aap maluk eeka ti, ombowologwe inendage ambi yogo logogun mondok lek o.

Maleyaki 4:1

At Omaawi Lombok Menggerak Aliku ALA nen ari logonet, “An nen aakumi eeppiya woroorak ne nogo ti, abet aret woraagin o. Yugum kani pugu wunuk ari menggi kwak, woraagin me, it aap iniki wogoppatit nega inom, maluk eeriyak mban mbaka inom, wiiringga kani nenet nage menggi kwak nenet nagin o. Ne ti paga kani nenet nage logonet, wiiringga owak inom, omanggen inom, pup eerogo nengge menggi kwak, togop aret eerogo nagin o.