Ndawi 20:8 - Ala Wone Peenok Peebi Mbanak

⁸ It ti, inengga wandinik ninabu'me tebenak wonogwe kwe, Nit perak, ninengga pilanak mondok mi'ndak nu'lek wonogo ogoorik o.

Ndawi 20:8 ပူးပေါင်းရင်းမြစ်များ

2 Endagembogut 19:23

At awuri nappiya wagaarak nogo paga Nogoba Ala meek eerogo pege logonet, nanggweendo wim eeka paga Puut-puut tiyarogon lagangge, O Libanon puut-puut tiyarogon lagi nage, Eyo nggabina nggorek lombok muurogo pege, Eyo kilu-kilu abe lombok muurogo nggimbege, O irip me lombok nage, Eyoongga abe inikime unggwi nage, Eekirak o.

2 Mbinineegwaarak 14:10

Ari wa'nuk, ena koonogo pereegwaarak wonogwe me, aap Ata nogo awuri inom nen it inom wim eeruwok nduk, o Mareta koorok kobappaga Tepata nogome ena kooni nogogwaarak.

2 Mbinineegwaarak 14:11

Ena koonogo punuk, Ata nen Aliku ogoba Ala yoge logonet, “Kaliku nogoba Ala o. Aap inomaawi ambik nen inomaawi lek nogo tebenogo piyoorak nduk, eekwi iinok, yeenggwaarage menggendak kat kokwak ambi wonogwe lek kalik aret me, niniki kat paga panggombunuk, kat kendage paga it aap ineegin warak ineenggi lingginiyak meek aago yi, ninom wim eerugun me, eekwi niigak, Kaliku ninogoba Ala yeenggwa nirage logot o. Kat Kaliku ninogoba Ala aret me, kat nen mbake logonet, Aap nggween paga mendek ambi nen an tebenogo paniyak op aret, mbariyak ti mage o,” yinuk, tamban eereegerak.

Etara 8:22

Nit nen aap endagembogut wone yogo logonet, It aakumi ambi nen, Ala ninarum logogin o, yinuk, yogwi iinok, ninogoba Ala eenggi nggorek paga nobappiige menggerak kwe, it aakumi nen at Ala mbo pugwi iinok perak, at anini ambik inoba piige menggerak o, yinuk, yoreegurak me, nit tu paga nogwe me, ninawim nen ninookwi iyo, aap ineegin warak inom, it aap kuda paga kwi'na'nuk nugu menggaarak inom, yoroorak nenggali nen

Ndawi 124:8

Mbogut-nggween wakkagagerak Aliku ALA endage kunogo yogwi niinok, At nen yeenggwa nirage menggerak o.

Ndawi 125:1

It aap Aliku ALA oba panggombunuk wonogwe nogo ti, Puut Tiyon nu'lek mondok-mondok menggi kwak Wonogo menggaarak o.

Ndawi 33:16

Aap endagembogut ambi nen Awuri apit aago paga agap ndakkolage, Aap yigin unde ambi nen At wakaa'ngget paga ili eekko'nok mbagangge, Eekulik o.

Ndawi 33:17

“Ninaguda wonage me, nineegin tiyak yigin o,” yinuk, Inaguda paga iniki panggombunuk wonogwe ti, we aanom warogo aret mbako menggaarak. Kuda nogo ti, inomaawi ambik aret kwe, ti paga inagap ndakkoloorak meek o.

Kini Wuppiige 21:31

Wim eeriyak age kero, kuda paga panggombunuk pipuk eerogo pogo menggaarak kwe, Ineegin tiyappege menggerak nogo ti, Aliku ALA nen aret o.

Oteya 14:4

It Atiyut mendek nen ninagap ndari woroorak meek aret o. Ndi, nit kuda wim eeka paga kwi'na'nuk wim eeri nagun lek mban o. Elege moono inabuwa mbake menggendak kat aret me, Ninagugiwak nineenggi paga ogobakkigirogo pereegurak nogo, Ninogoba o, yinuk, Ambinom yogo logogun lek aret o,” yinuk, yorumunggup o.

Mika 7:8

Ninawim mbanak kit yi wae. Nit yigeebu wanggoorak wonogwe kwe, mi'nogwe, Nit o apit aago paga wonogwe kwe, Aliku ALA nen eya eerogo pinanege, Eerigin me, Nit eeppinanegerak paga, “Op eeppiigi,” yinuk, ninagi'ndok kambuurak mage o.

Owak Loongga 5:31

Togop aret me, Kaliku nogoba ALA wae. Kawim togop aret lek eerugun kwe, Oonegen komeninuk lagi wage kenok, Ia! yinuk, pi wakwi kwak, Kat kinom kiniki kunik nogo, togop aret logowak o.” Yinuk, ndawi pege nagagerik, wonogwe iigak, o nogo abolok lek wonage kagak, tahun 40 aret eereegerak o.

1 Tamuwen 17:45

Yoge mbareegi, at Ndawut nen aap Pilitin mendek nogo yoge logonet, “Kat an nooriyak nduk, paloowi inom, mbuti wooluwak inom, wolurege inom, li'luk ee'nuk, an nowagam wagandak kwe, an perak, at Aliku Omaawi Lombok Menggerak awuri ineegin warak Iterali inogoba Ala mbelappege menggendak nogo endage paga kowagam wagi o.