Ndawi 20:3 - Ala Wone Peenok Peebi Mbanak

³ Kat nen at ake warogo wogoge nogo abok aret abeke, Ake warogo kani kungge ti, inikilom komba'nuk wagangge, Eeruwak o.

Ndawi 20:3 ပူးပေါင်းရင်းမြစ်များ

Wakkagagerak 4:4

ndi, at Kaben nogo ti, ndomba aa'nduk ndarak warogo punuk amok mban mbanogo Aliku ALA ake pi wage, eeko mbareegwa, at Aliku ALA nen at Kaben inom, ake wogori wagagerak nogo inom, iniki ale'nggen mbake logonet, waganeegerak kwe,

1 Mbinineegwaarak 21:26

at Aliku ALA ake warogo wogogo logowam ogobakkigippege nagagerik, Ala ake warogo kani kuniyak mendek pege, inom lambunik logowak nduk, ake warogo wogoge, eeke logonet, aakumi inake Aliku ALA yoge mbareegi, Aliku ALA aruk konembunuk, kani mbogut paga nen warogo wogogak ogobakkigirik nogo paga wuppi wagagerak.

2 Mbinineegwaarak 7:1

At Talomo nogo tamban abu aret eeke mbareegi, kani kunik mbogut paga nen wambi wage logonet, Ala ake warogo kani kuniyak pugu inom, ando ake warogo wogoreegwaarak nogo inom, abok aret kani nenggegerak. Nengge kagak, Aliku ALA abinak awi wurik inikime o eya mban yagabit eerogo pereegerak.

Ndawi 128:5

Kit nda'nogogutak kuli yobok yi wage kagak, Aliku ALA o Tiyon logonet, Ale'nggen kinoba pinagage logowak o. O Yerutalem abu obeelom eerogo pege kinigen kogwe, Ndi, kinapuri nen ndaganabemenggaarak kinombowologwe nogo kinigen iigwi, Eerumunggup nduk, Kineenik nggorek eerogo pinagage logowak o. It Iterali iniki ugun tayenak aret logowak o.

Ndawi 134:3

O mbogut-nggween wakkagagerak Aliku ALA nen O Tiyon logonet ale'nggen kinoba pinagage logowak o.

Ndawi 51:19

Ti eeke keenok, Aakumi iniki abe paga warogo wokkugwi, Kat kake warogo kani kunggwi, Kake punuk, apit aret kani kunggwi, Eekwi iinok, Kinikilom mbarumunggun o. Ndi, kinikilom mbake keenok, Aakumi nen tapi ngguunok warogo punuk, Kake kani kunggo menggam nogome Kani kunggwi tit logogun o.

Yetaya 60:7

Kambin-ndomba Kerat mendek abok aret wonok at wonage me kuwak eerogo pi wogwe, Naliku ALA nalut eeke logonet, nake wariyak mbakerak nogo ndomba ngguunok Nebayot mendek iri wogwe, Eeko logogun o. Eekwi iinok, warogo nake kani kunggo menggam nogo paga pege kenok, Naliku ALA nale'nggen mbake, Ndi, nawi wurik ayuk warak menggim nogo ambinom ayuk warak eerogo pege, Eerigin o.

Ala Unde 9:24

enggela'me nen kani omoonuk wunuk agan wundi wage logonet, ake warak kani nawak nduk kani kunggo menggam pugu nogo inom, amok leenak pugu nogo inom, abok aret ne ambit wunuk togon nengge it aakumi nogo inigen kogo nogogwaarik, inale'nggen nen keekok yogo nogogwaarik, inendobanggun yindumbunuk, alut eereegwaarak.

Nappiigak 10:4

Yoge mbareegi, at Koreneliyut ogut nage nagagerik, agabiti nen enegen looge logonet, yoge, “Nogoba o. Nonggop kenok wagan o?” Yoge mbareegi, at malayikat nen, “Lek o. Aakumi ineenggilek kenok yeenggwaarage, tamban eeke, eeke menggendak nogo ti, at Ala enegen liippagagerak me, iniki koba aberak wonage o.

Epetut 5:2

Ala ake warogo kani kunggwi iinok, Ala nen obari obeelom kage menggi kwak, at Keritut ninabuwa nen, “Inake kambikit,” mba'nuk, ninake kambeegerak nogo ndak-ndak, nabuwa-kabuwa mbako logonet, at ambi obeelom eeppegak eeko logonip o.

1 Peterut 2:5

Ala nen ari logonet, “An nen yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, enggali arigin lek o,” yinuk, yereegerak liiru mbanak wonage me, it aap Ala unde nen Ala awi wurik me Ala ake warogo pogo mengga kwak, kit togop aret Ala unde at ake leenak logonet, Yetut Keritut eereegerak paga Ala inikilom mbake menggerak mendek aakumi inake eeko logobagip nduk, yugum obaga lu'luk eerogo o wuko mengga kwak, Ala nen kit kineebe paga at awi wukkolage agaarik o.