Ndawi 2:2 - Ala Wone Peenok Peebi Mbanak

² At Aliku ALA tebenogo pugwi, At Amburu Eerogo Mippereegerak nogo maluk eeppugwi, Eeruwok nduk, Aap inendagembogut yi o ndi o nen pipuk eekwi, Aakumi inoweewi nagawan-nagawan kuwak eeppunuk, Wone koonogo pugwi, Eekwi nogo ti, Nonggop nduk eeko agaarik o?

Ndawi 2:2 ပူးပေါင်းရင်းမြစ်များ

Ndawi 110:5

Kogoba ti, kat keenggi abe'nggan paga wonage, At anini wungge eyom paga aap inendagembogut aan lebenogo piige,

Ndawi 2:10

Togop aret me, Kit kinendagembogut yi wae! Kiniki warak a'nuk eekwi, Kit yi o ndi o unde nagawan-nagawan yi wae! Wone kurumbi yokkirogwe nogo liippugwi, Eeko logonip o.

Ndawi 45:7

It obeelom eekwi iinok ti, kinikilom mbake, Ndi, maluk eekwi iinok ti, keebi lombok mbake, Eeke menggendak me, At Ala ti, kat kogoba Ala aret me, Iniki ale'nggen kombake logonet, Amburu kilirogo pagareegerak paga Koreewi tebenak iigak, inirimbaga tiyappagaregerak o.

Ndawi 48:4

Kota ti, tebenggolaawok nduk, Aap inoweewi inendagembogut inawuri inom lambumbunuk, Ambugwi aret wogo nogogwaarik,

Ndawi 48:5

Kumi elege enegen paganak andi nen inaganak nugirage menggi kwak, Kota ti, inigen kenok inogut nage, inaganak nugirage, Inomanggen tayok yinuk, Inamineeri ne agan nage kagak mbaganggwi, Eereegwaarak o.

Ndawi 74:18

Togop me, Kaliku ALA wae. It kinom wim mbanak nen meek eerogo pagagwi nogo maloppiige, It aakumi iniki kobak nogo nen Inanini kombakwi nogo liippiige, Eeru o.

Ndawi 89:20

An nayeloman Ndawut aret kwaarogo punuk, Amburu an unde minggirak nogo oba kilirogo mippege, Eereegirak me,

Kini Wuppiige 21:30

“Aliku ALA tebenogo puwok o,” yinuk, aap iniki warak nogo nen at yogwi, Aap yelok kaga nen, Wone ndogop yogwi niinok, “E o,” yuurak yelok kagarak me yogwi, Aap wone koongga nen iniki liirogon koombunuk yogwi, Eeremenggaarak kwe, meek aret kaagun o.

Yetaya 61:1

It aakumi tebenogo piinok wonogwe nogo wone obeelom wone yorage logokit nduk, Aliku ALA nen amburu eerogo mippanegerak me, Aliku Itok Menggerak ALA Aberiniki noba panegerak wonage agaarik o. It iniki wakkologwe nogo iniki teeluk eerogo piige, It keele maarak wonogwe nogo, “Muk wondet eerogo pinagagerak o,” yinuk, yorage, It keele maarogo piigo menggam piyareegwaarak wonogwe nogo, “Wumbiya wa'nip o,” yorage, “Aliku ALA nen obeelom eeppinaniyak tahun nogo yi aret aga o,” yinuk, agan nage, “Ninogoba Ala maluk onggo eeppiyoorak ne nogo yi aret o,” yinuk, yoranet nege, It aakumi apit aret iniki puru yogwe wonogwe nogo iniki eyak wappiige, O Tiyon le yogo logonet, purok inanobak paga yikut eerak obaane'me inabetagi ngget mendek yirippiige, Iniki puru aago wonogwe nogo obaane'me nggiraanak eeppiinet nage, It iniki aaninggin ndugu aago wonogwe nogo inale'nggen nen ndawi wako logowak nduk eeppiige, Eeruwak nduk, Nappani wagaarak o. It aakumi ti, at Aliku ALA abu tiyanak, “Wi!” ugwi nogo, aakumi inigen kogo logowak nduk, Awi luurogo punuk, yappereegerak aakumi nen, “Eyo teno kwak Obeelom Mban Eeka,” yinuk, yogo logorak nogo it aret o.

Matiyut 2:16

At Keroret nogo nen, “It aap wone mbiningga nogo nambokan laganggaarak iigi o,” yinuk, anini wu agan nage logonet, it aap wone mbiningga nen, “Laaluguragan o ti eyom paga aret kin age kogoorak o,” yinuk, liirogon yoreegwaarak me, at awuri nen o Mbe'lekem enaagan-ambokan nogome wologwe mbuulogwe ndarak iigak, tahun mbere aago inom, eeka'lek inom, tigitogon inoorit nawak nduk, nappiyareegerak.

Matiyut 26:3

Yorage kagak, it Ala unde inoweewi inom, aakumi inogobamini inom, aap Ala unde inowe nggwok endage Kayapat awoore'nggam time kuwak eeko nogogwaarik,

Matiyut 26:59

Kwi'ndak wonage kagak, it Ala unde inoweewi inom, it wone amburu mbanggo menggaarak abok aret inom, “At Yetut waruwok nduk, taani nen pilit wone at oba pugwi iyaamun?” yinuk,

Matiyut 27:1

O weege mbareegi, it Ala unde inoweewi abok inom, it aakumi inogobamini inom, Yetut wari yak wone amburu mbambunuk,

Lukat 13:31

Ti awo yorage kagak, it aap Pariti mendek ando nen Yetut owagam nogo nogogwaarik, at yogo logonet, “Aap Keroret kooriyak ari me, yime nen mbet mbaganu o.”

Yaya 1:41

At nogo nen oweeluk Timon mbet-mbet kwaakkage nagagerik, yoge logonet, “Timon wae! Mesias nogo muk wagaarak ninigen kogoorak o,” yinuk, yoreegerak. (Mesias, yoreegerak nogo ti, nit ninoone paga Ala nen leenogo mippereegerak Keritut aret nduk yoreegerak.)

Yaya 15:23

It aakumi nen an ineebi nombakwi iinok ti, an nogoba kunduk, ineebi ombakwi aret o.

Yaya 3:34

At Ala nen nappi wagagerak ti, Ala wone mban ari menggerak. Ala nen at Aberiniki wogoge logonet, ambi eeriyak kenok, abok endak mban eeke logowak nduk, wogoreegerak.

Nappiigak 10:38

At Ala nen Yetut Nataret mendek Aberiniki oba wuppi wage nagagerik, leenogo mippege, omaawi wogoge, eeke nagagerik, Ala imbirak logonet me, obeelom eeginake, it kugi Ibilit aakumi inikime logonet molok iranet nege menggerak nogo, mugogo wumbiige, eerit nege nagagerak nogo o.

Nappiigak 9:4

Wuppi wage mbareegi, at Tawulut nogo nggween paga enete wanduk ngginnagagerak kagak, oone ambi at yoge logonet, “Tawulut wae. Tawulut wae. Kat nonggop nduk keebi-keeba agago noorit nage menggendak o?” Yoge aruk konembege nagagerik,

Iberani 1:9

It obeelom eekwi iinok ti, kinikilom mbake, Ndi, maluk eekwi iinok ti, keebi lombok mbake, Eeke menggendak me, At Ala ti, kat kogoba Ala aret me, iniki ale'nggen kombake logonet, Amburu kilirogo pagareegerak paga koreewi tebenak iigak, inirimbaga tiyappagareegerak o,” yinuk, yoge nagagerik,